winnie.law的個人專頁

剛剛去完長途旅行，特別掛住香港風味的食物。端午節和家人到很久沒到的裕記吃燒鵝。洒釀鵝肝是我每次必點的前菜，因為鵝肝是半生熟只能堂食不設外賣，在外面沒機會吃到。份量不多只好珍而重之地慢慢品賞燒鵝保持水準，微微炭烤味道，鵝夠肥沒有「蘇」味，不乾，我們三人點例牌加庄份量剛剛好。當然要配瀨粉吃。腐乳炒通菜大大碟。也要讚一下樓面上菜快，服務員有禮貌，不會強迫你點菜。另外有個貼心位就是洗手間（女廁），尚算乾淨之餘，廁格內有扶手，同老人家去就會很方便。…查看更多

由於網上外賣平台 做緊免運費，加上對Beyond Meat 的味道好奇，於是今晚就訂左個Beyond Burger Deluxe試吓。主角片Beyond Meat其實幾厚，目測約兩片麥當當漢堡扒咁厚。味道我覺得似素豬肉鬆，食落口感較碎同乾，始終人造肉同牛肉嘅維結構不同。但配埋同個黑松露醬同火箭菜味道出奇地夾，食完一個已經極飽。唯一可以改善係價格稍高，單點一個包已經要$98（好彩免運費）。同shake shack或者Five Guys呢類貴價漢堡店性價比就略低左少少。…查看更多

經過幾次摸門釘，今日終於試到呢個腸粉了！由於近期太喜歡食芫荽（差唔多日日都食），我自己都驚唔夠候落單已經叫定多芫茜。調味我覺得係啱啱好，唔會太淡或太咸，個黑蒜有提升到個調味所以不能少因為本身個腸粉係偏淡，反而我覺得個腸粉冇想像中咁濃味，個芫莤味主要係新鮮芫莤帶出。皮蛋就正常水準，如果真係好鐘意食皮蛋或者可以問一下可唔可以加多少少。總括黎講係一個新口味值得一試，但對芫莤愛好者黎講就真係少兒科，芫茜味絕對可以再加強。…查看更多

第一次試寫食評，希望為自己留個記錄之餘，亦都希望分享到小小意見比大家，多多指教^^今日咁啱經開MK,本來諗住試日日蒸腸粉嘅茜腸粉但無開...見到對面老come唔洗排隊就試吓。叫左個北京填鴨煎餅走蔥多茜，個餅是脆，料亦非常之多同新鮮（有蛋,青瓜，鴨肉，多莤，薄脆），當一個主食的話女仔係一定夠，對比我常常會食pizza express嘅北京填鴨pizza 我覺得呢個好食好多。唯一係個醬偏甜，不過呢個就好個人，下次我可能會要小醬。…查看更多