jappig的個人專頁

想去呢間餐廳食飯嘅人 盡量唔好晒錢，時間去呢到好日唔會到太和 今日因為單車活動而去太和食晚餐 叫咗三個小菜套餐 炒菜同豬頸肉勉強叫正常 最經典莫過於西檸雞 第一啖食落去 真係不得了 個汁完全係冇檸檬嘅味道 又唔酸又唔甜 仲要係橙黃色嘅 雞肉明顯係用嚟做早餐或者黑椒雞扒飯嘅雞扒 淨係得鹹味 最經典莫過於 我問職員係咪嚟錯嘢 因為呢個西寧雞冇檸檬亦冇檸檬味 佢居然同我講佢哋嘅西寧雞係冇檸檬味嘅 實在係驚為天人 我食咗幾十年西檸雞都係今日先知原來西檸雞係可以冇檸檬汁同檸檬味嘅 最後個職員重好鄙視我嘅問題…查看更多

晚飯後和朋友想在石糖咀找個地方吃糖水，可惜冇乜選擇，只有松記重開門，雖然見到劣評多，辜且試下，食完先後悔。店員說沒有幻彩明珠，於是便點了雜果明珠。對，是"雜果", 碗內有三粒冇味嘅西瓜，3粒淡茂茂嘅哈密瓜， 加兩條好似伴碟咁樣嘅芒果，原來咁樣就係雜果，碗底再加一堆無乜芒果汁嘅明珠， 盛惠38蚊。朋友點了楊枝甘露，我地好努力同幾經辛苦終於喺個碗度搵到dd芒果同埋少少西柚肉，O晒嘴。究竟我喺呢間糖水舖食咗啲乜嘢？一句講曬，冇下次！…查看更多

係附近做完嘢，見話台灣藥膳，就入嚟試下，點知所謂藥膳蕃茄湯底 味道超淡 冇藥材味 冇番茄味 雞肉係白 烚凍檸茶茶底又係超淡整體嚟講肯定譚仔好食過佢 唯一可取嘅係地方算新同乾淨…查看更多

2月21日晚上11:30 買咗兩碗幻彩明珠外賣，返到屋企打開一望，嘩，外賣碗都只係裝得三份二滿，食第一啖，淡味到爆，發生咩事？望真d，得d花奶同糖水味，鼓起勇氣再食多啖，點解冇芒果味嘅？搵晒兩碗糖水，一粒芒果肉都搵唔到，連芒果汁都冇，發生咩事？睇下有咩水果， 得西瓜，哈密瓜，涼粉，加d珠，係咁多，咁樣收我$35蚊碗糖水？我試過咁多間松記，呢間肯定係我食過最差嘅一間，一定冇下次，亦勸大家都唔好晒錢幫襯。…查看更多

星期日晚與朋友試屋企附近新開酒店buffet, facebook like有85折，埋單都要620一個。整體食物質素算ok，但以呢個價錢會係預期之下，比較食得多同好味嘅係龍蝦，海膽壽司，帶子同牡丹蝦刺身，新鮮即場榨蔬果汁亦係一賣點。熱盤比預期差d, 羊扒算係最好，其他嘅都係一般，最估唔都係有好多煲豬皮蘿蔔魚蛋豬紅等等嘅食物，同埋蒸點心係馬拉糕個類普通d嘅點心。燒味質素都係麻麻地，偏乾。小朋友可能會鐘意佢個雪糕櫃，有杯同條裝嘅movenpick, haagan daz, 牛奶公司。Pancake同waffle都係一般，材料算擇不多。最後係講下service, 可能太新開，蟹腳剪都冇，雖然佢都唔係主打蟹腳，不過呢d係基本嘢啦，冇可能冇。另外就係好多炒散嘅侍應，除咗收碟之外唔係好清楚要做乜，全晚都冇主動斟水， training要再做好d。…查看更多

附近餐廳午餐時候full晒，唯有試下呢間新開嘅餐廳，叫咗三個午餐，一食就知點解佢有位。意粉質地正常，不過個汁同食材明顯罐頭質素。焗豬扒飯先經典，豬扒肯定係bbq嘅豬扒，d飯先厲害，200%肯定係西施飯煲拔出嚟再放落焗爐焗一陣就算，但係最後都係濕嘅，大家樂/大快活/美心一定好過佢。 最後，勸喻大家唔好晒錢。…查看更多