KP2012的個人專頁

肚餓咁啱想食野，見大大個門口開住，咪入去食，遮遮話截單，ok即刻埋單，過左三分鐘就出菜。無睇時間，不嬲唔會問幾點閂門，食碗米線半個鐘九個字都好合理係咪？截單個下，完全無諗過，原來得10分鐘食！…9:43落單，9:55同我講收10點。喂我叫左過橋米線，最大個碗啊，碗湯仲熱到咩咁，你同我講要收鋪，但我都真係食唔切啊，跟住講完又講講完又再講收10點。你咪收工囉，我無阻住你啊。我比左錢坐低食我既米線，我仲食得好快，你收工唔駛話我知架。幾好食都無用，倒入口咁滯，最終10點都係食唔哂，浪費哂d食物，喂我黎食野唔係參加鬥快食比賽，我交番隻碗比個員工個時，碗湯仲出緊煙，檢討下啦！…查看更多

下晝4點去食，有牛柳常餐同豬扒常餐。為左黑松露炒蛋叫左牛柳常餐。因趕時間叫左意粉因為通粉食好耐，個牛柳好淋，都算幾多。唔差喎，唔知係咪去到下晝已經煮淋左…配意粉成件事好好味。黑松露炒蛋係勁好味（雖然咬到粒蛋殻），多士直情唔駛牛油，配個黑松露蛋已經係世一。奶茶無茶苦澀味，好飲。今次第一次食，去個時先睇到前面d留言都驚驚地，但最後係驚喜既。整體95分，上菜勁快，餐牌好多野食都好吸引，如果佢地都可以轉餐就好了。雖然68蚊，但飽到依家，夜晚都接近11點了。…查看更多

同朋友去糖朝晚飯，見HSBC全年優惠食滿300蚊有8折，就諗住簽咭。點知去到畀錢時，個收銀（叫鄺xx)話無呢個優惠，我好有禮貌咁請佢問下經理，查清楚是否沒有優惠，佢不但無咁做，仲拍枱鬧人，態度非常惡劣。之後仲話好惡咁話：總之無優惠，你唔信咪問下其他人囉 （指住其他員工），仲作勢擒出個收銀位想打人咁。最後我都無再同佢爭吵，照簽咭就走左。自問都係糖朝的常客，唔明點解間舖著重食物但忽視員工質素，其實到最終沒有優惠我都無賴死唔畀，但那個鄺姓女收銀的工作態度真係不知所謂，決定以後都唔會再幫襯！…查看更多