slimpig_cks的個人專頁

今日同朋友食完lunch，經過呢間舖頭，俾佢嘅Snoopy打卡位吸引咗，就入去睇吓個餐牌。其實我去任何一間台式飲品店，都一定揀珍珠奶，所以我豪不猶疑就點咗復刻珍珠歐蕾，半糖。估唔到一飲落就好有驚喜呀茶味同奶味調得剛剛好，有好香嘅黑糖味，口感順滑，而珍珠更加直得一讚，煮得剛剛好有咬口！店員話好快會出熱飲，下次再去就可以試吓。…查看更多

去完永利，向宋玉生方向搵食。爸爸以前曾在澳門工作，推薦了這家泰國菜館。環境方面，基本上沒有裝修，而且剛入去時覺得有點熱，因為有一部冷氣壞咗，不過因為食客不多所以還可以接受。 我們一行三人點了3個餸加支青島冬蔭公海鮮窩炸蝦餅木瓜沙津 個冬蔭公窩超正，個窩基本上喺個煮餸嘅鑊，好多料，有蝦蜆魷魚，仲有超多菇同莞西，不太辣，好香青檸味，個窩一路煲住一路食，好正同好抵食，喺香港叫個大窩冬蔭公都要一舊水了，份量只有這窩的4份之1！本來可再叫肥牛及其他配料放入去打邊爐，但個湯實在太好味了，唔想放嘢入去影響咗佢嘅味道，所以都喺冇叫。炸蝦餅一般，不夠彈牙木瓜沙津幾辣，爽口好味下次去澳門會再來吃冬蔭公窩！…查看更多

幾乎每次同爸爸媽咪去澳門都會去媽閣拜神，見呢間食評不錯就去試下。由於我預先訂咗位，一去到唔洗等，而且仲預留咗一張六人枱俾我地添（雖然我地得3個人），所以坐得好鬆動。打開餐牌，食物都以燒烤為主，本來有少少想食燒風鱔，但媽咪不太喜歡食鱔，所以我地叫咗燴銀鱈魚，個銀鱈魚有啲驚喜，個汁好香蕃茄味，配菜有薯仔蕃茄肉腸等，侍應建議我地叫個白飯送汁，的確好提議，我地3個人share一個白飯，驚食得太多白飯食唔落其他嘢燒烤食物：牛肋骨 x 3 - 好味道，燒得剛剛好，牛味重羊扒 x 1 - 肉質一般，可能la得太犀利香腸 x 1 - 原來只喺一般雞肉腸，十蚊一條有啲貴，不過我鍾意食雞肉腸，所以ok啦蒜蓉包 x 1 - 個包唔夠熱同新鮮，好硬另外個蒜蓉炒棷菜超大碟，3個人都食唔晒，食完燒烤食番多啲菜都幾refreshing!總括來說我會推介燴銀鱈魚同牛肋骨，侍應服務態度好值得一讚。 …查看更多