vinopuffy的個人專頁

母親節當日同媽咪去食晚飯，5個人叫左個半席母親節套餐$14xx(未計加一)，有10款食物、1支啤酒、4罐汽水 。柯打後20分鐘內已極速上左5度菜，同佢地講左食吾切慢慢嚟，但廚房一於少理，其餘5度都係迅速送出😆，啲野好快凍哂 。但其實餐廳吾爆，入座8成左右 ，可能廚房唔夠人掛🤷🏼‍♀️出餐次序同食物評價：1. 乳豬拼盤 - 乳豬一般，切雞、黑木耳、麻醬粉皮正常，叉燒好乾似柴皮2. 炸鮮奶 - 正常3. 澳洲龍蝦伊麵 - 龍蝦都新鮮嘅，味道正常，但伊麵就好難食，好「林」無味 。4. 蒸沙巴 - 腥，但養魚腥係正常，所以預左 。5. 螺片西蘭花 - 螺片好硬同整到好辣，怪怪地，西蘭花正常 。6. 炸子雞 - 七八成熟有血水，叫亞姐攞番入去整熟啲，佢話隻隻都係咁架喎，想放低就走😓，我哋堅決吾收貨，佢先肯攞走，最後碟雞10分鐘內出返嚟相信係用微波爐叮熟，冇咩雞味啲皮又唔脆 。7. 翅（唔記得係咩翅） - 魚翅近乎無，我嗰碗搵到兩條幼過粉絲，咁都算，但根本一啲味都冇唔知食緊乜 。8. 鮑魚花菇生菜 - 正常9. 荷葉飯 - 濕爹爹10. 壽桃包 - 最好味最正常😂我哋食淨好多嘢，好嘥，但真係好難食😭#咁嘅價錢#咁嘅食物質素#咁嘅服務#Dying…查看更多

琴日母親節去左呢間御和亭食晚餐。除左個燒牛舌比較chewy之外，其他食材都好新鮮，價錢亦合理。不過由於佢哋成日都好爆好忙，都吾期望會有特別好嘅服務，係我落單嘅時候就有個唔係太好嘅經歷。話說，我同我細佬坐嗰個位，係比個冷氣風口吹到正一正，啲風仲要勁大吹到我頭都赤埋。當喺唯一一個男侍應同我地落單嘅時候，就順便同佢講叫佢閂細啲個冷氣囉，我爸爸講左兩次佢都吾應，唔知佢係咪聽唔到，咁我咪再大聲啲（但絕對係有禮貌）同佢講多次囉，點知佢話：你係想我幫你落單，定係...... （佢冇繼續講，但我個人覺得佢嘅意思係，你係想我幫你落單定係幫你閂細冷氣？！），我唯有好晦氣咁回應佢：唉，咁你落order先！之後我先再搵另外一個女侍應幫我解決冷氣問題。講真，新鮮嘅食材唔係剩係得呢間有，嗰位男士應態度真係令我氣頂，我絕對唔會再去幫襯😡😡😡…查看更多

呢間Cafe初初開嘅時候食品只屬OK，咖啡都係一般，但我住附近都冇乜選擇，差不多每星期六或日都會幫襯，但自換咗廚師後，質素差到不得之了。由於係街坊街里，所以都會俾機會佢，我轉為幾個月先去一次，希望品質會有所改善，但點知越嚟越，真係沒有最差只有更差；啲扒類全部都過份地用鬆肉粉掩過，肉質口感完全變哂，衰過茶餐廳，難食到嘔。碟頭份量望落去係好多，好似好抵食咁，但係食入口就知係垃圾.....真係好懷疑老闆對食品嘅要求及品味…查看更多