食野最緊要坐得舒服的個人專頁

打邊爐啦喂！夏天最啱喺商場嘆住冷氣打邊爐！有個馬鞍山朋友介紹過呢間一鼎，咁啱將軍澳呢頭都有分店就一定要試吓👋🏻之前經過幾次都諗過買手搖，而家火鍋放題已經可以任飲真係超正，除咗穀飼和牛同生蠔係回本之選，飲肥仔水都飲飽了✌🏻港人最愛香水檸檬茶呢度任飲唔嬲，打邊爐食肉比較油膩，飲番杯酸酸甜甜檸檬茶清清口腔又繼續食肉啦，而酸辣嘅韓式拌麵都係唔錯嘅清新選擇👍🏻手搖當然都唔少得芝士奶蓋茶，用紙杯裝睇唔到奶蓋，但飲落非常棉滑，親純紅茶底就唔會太飽肚，留返啲戰鬥力食我最愛嘅特級牛舌，薄得來彈牙好香🙌🏻…查看更多

今日嚟就係為咗「美國SRF極黑牛肉」嚟嘅‼️鍾意食呢款牛肉嘅朋友唔使猶豫，直接點呢個套餐就得，任你拎任你食，食到扶牆出😋😋極黑牛本身就以非常優質嘅油花同細膩嘅肉質聞名，輕輕喺烤盤上面烤到微微焦香後就可以開食🤤油脂溶化後散發嘅牛肉香味，聞住就令人食慾大增！食落去嗰種豐富嘅肉汁同滑溜嘅口感真係令人忍唔住encore十碟🥹其他部位都係牛肉味超濃郁🥩牛頸脊：肉質細緻，食落去鮮嫩多汁嘅口感非常滑溜😍牛板腱：呢個部位口感比較實淨，食落去略帶彈性，配少少燒肉汁味道更加冇得頂🔥牛脷：牛脷配少少檸檬汁更加凸顯鮮甜味，正啊😍 調味料蔬菜生果都係可以任拎嘅，每一件都好新鮮翠綠！尤其係調味料區竟然有多達10種任君選擇，飲品種類都係多到令人花多眼亂🙀…查看更多

尋日同屋企人去咗旺角一間叫【泰】嘅餐廳，試咗幾道泰式菜，唔少人話好食，今次真係無失望！ 首先嘅青檸明爐烏頭，魚肉嫩滑，燒得香口，青檸酸酸嘅味道夠開胃，搭埋啲燒汁，好惹味，食落唔會覺得油膩。 再來嘅泰式胡椒蝦，蝦肉新鮮，肉質彈牙，胡椒味濃郁，但唔會太辣！同啲大蒜炒香咗嘅味道非常搭，係一道值得推薦嘅前菜。 鮮蝦柚子沙律就好清新，柚子嘅香氣同鮮蝦嘅甜味，好有層次感，食得好爽，係夏日必食嘅一道，啱啱開始食嘅時候會覺得咁爽口啲！ 接住係泰式炒紐西蘭青口，青口炒得啱啱好，配埋啲辣椒同泰式香料，真係有啲開胃添。 生菜包就係唔少泰式餐廳必有嘅菜式，包住啲豐富嘅餡料，適合全家人share。 最後試咗泰式蟹肉奄列，蟹肉份量唔少，奄列炒得好鬆軟，味道濃郁，味道比預期中好，係最尾添上咗一份驚喜。 總呢餐啱晒一家人一齊開心食，唔會過重味，正正好，幾道菜都係大家會鍾意嘅味道！下次一定再嚟。…查看更多

🍣同班食友到荔枝角D2呢間「紅葉茶屋」，推開門即刻穿越去日本！ 🥗旬之野菜呢碟季節野菜沙律係味覺過山車！冰鎮紫甘藍脆到似食緊薯片，「咔嚓」聲未停，成碟嘢由凍食到暖、脆食到綿，玩盡溫度同質感！ 🧀芝士雞肉蕃茄忌廉烏冬烏冬邪惡到要雙手合十先敢開動！湯底係牛奶撞番茄，濃稠度啱啱掛得住麵條。雞髀肉拆絲慢煮，纖維吸盡忌廉香，主角烏冬不得了，用咗四國小麥粉每日鮮製，煙韌到要用臼齒慢慢磨，麵芯仲keep住小麥香，每啖都係奶香暴擊！脆口撞creamy，罪惡感滿分！ 🍚豪華海鮮丼茶漬飯面頭有五顏六色嘅刺身物 食落去都幾鮮甜同埋足料😙 呢個價錢食到茶漬飯CP值係絕對唔錯 不過建議大家盡快食 避免啲飯浸得太爛影響口感🙈 …查看更多

餐廳面積闊落，2小口或者大班朋友聚會都好適合。餐廳有調味區，侍應仲會及時幫手加湯，非常體貼。今次揀咗「椰皇雞湯底」，好香嘅椰皇味，湯底入面有大舊嘅椰皇肉同嫩滑嘅雞件，飲啖已經覺得好清甜～椰皇嘅香味好突出，帶點微微嘅奶香，湯底仲有啲薑片嘅辛香！先咗湯真係好開胃，完全唔會覺得滯～ 我仲點咗「鮮蝦滑」，蝦滑打得好細膩，口感彈牙得嚟又帶點滑溜，吸咗椰皇雞湯底嘅精華之後，味道更加豐富～每一啖都充滿椰皇嘅香氣同蝦嘅鮮味！ 「脆肉鯇魚片」真係好新鮮！魚片切得薄薄哋，魚肉好嫩滑，煮完之後依然保持彈牙嘅口感，完全冇腥味～配埋椰皇雞湯底，椰皇嘅清甜味道同魚片嘅鮮味互相襯托 最後一定要提嘅係鮮炸響鈴，呢個真係無得輸！響鈴炸得金黃酥脆，放落湯底浸幾秒就已經吸滿湯汁，入口即化，帶點微微嘅豆香～配埋椰皇雞湯底，椰皇嘅香氣同響鈴嘅酥脆口感完美結合 湯底真係好出色，配料亦都做得非常用心，特別係手打鮮蝦滑同脆肉鯇魚片！…查看更多

帶住屋企人出嚟逛街，之前食過九龍分店都好正，就決定再喺呢度食晚餐啦。 呢度嘅空間好大，真係好啱一家大細一齊出嚟食嘢。我哋叫咗沙嗲湯底嘅火鍋，味道好香濃，有住獨特嘅東南亞食物香味，飲落有啲微辣，刺激住味蕾，仲更加開胃。 因為老竇老母都喺度，就諗住畀佢哋食得好啲，叫咗頂級和牛，擺盤睇落就已經好惹味，煮喺火鍋入面，沙嗲湯嘅精華都滲入咗肉入面，好香滑。 跟住我哋叫咗佢哋嘅招牌手打五寶丸，每一款都好有特色，最鍾意佢哋嘅手打M5和牛丸，肉質同彈性都一流，好香滑，好好食。 仲有正嘅泰式鳳爪同脆炸蝦餅，味道有啲酸酸辣辣，開胃嘅同時又可以解膩，鳳爪嘅膠原蛋白口感Q彈，真係好味。蝦餅就脆口又香，油香四射，每一口仲有啲蝦肉提鮮，真係好鮮美。 黑松露蟹籽魚麵真係幾特別，上面嘅配料都係高級食材，唔單止好味，仲有營養。 火鍋再配埋水果茶，水果嘅清爽，加埋茶嘅甘甜，再帶一絲香氣，食完火鍋飲一杯真係人間享受！食飽飲足，睇返價錢都覺得幾公道，下次一定再試！…查看更多

同姊妹精挑細選後食到滿意嘅日料店😎 我哋特登揀咗佢哋嘅omakase嚟試，以為會食唔飽，點知兩個人食到扶牆出門口😂omakase set 包括：前菜➕碗物➕刺身二種➕白子天婦羅➕肉料➕燒物➕壽司十件➕味增湯➕甜品低溫慢煮牛🥩呢件真係超好味！用咗低溫慢煮嘅烹調方式，令到牛肉肉質變得好嫩，食落鮮嫩多汁🤤 唔使多餘嘅調味料，已經充分發揮出咗牛肉本身嘅肉香，即唔油膩又特別鮮美👍🏼味增湯🍲鮮香味十足！味增濃郁嘅鹹香味仲有醇厚嘅口感，飲啖落去感覺成個人都暖笠笠🥰海膽壽司🍣壽司都有成十件，毫不誇張咁講，每一件都好好食！每一啖都好滿足😌質素對得住價錢啊！最令我驚艷嘅係佢哋嘅海膽壽司，鬆軟嘅飯上面鋪住海膽，清甜之中帶住油脂香，口感好有層次感🥰熊本蜜瓜🍈甜品我哋都超鍾意！蜜瓜濃郁嘅果香超級清新，果肉細膩綿密，食完後仲會喺口裏面留低淡淡嘅清爽感😍 果然係熊本高級香瓜💯…查看更多

嗰日我同朋友去咗荃灣嘅日式餐廳，感受到濃厚嘅日式氛圍。餐廳嘅裝潢簡約，服務亦都相當周到，係一個好舒服嘅午餐體驗。我哋點咗佢哋嘅Set Lunch，揀咗吉列豬扒滑蛋丼同牛肉壽喜燒定食。▶️吉列豬扒滑蛋丼 - 香味四溢嘅滑蛋丼，金黃嘅炸豬扒外皮酥脆，鮮嫩多汁嘅口感，配埋柔嫩嘅滑蛋同甘甜嘅醬汁，覆蓋喺一碗粒粒分明嘅白米飯上，每一啖都充滿驚喜👍🏼▶️牛肉壽喜燒定食 - 熱騰騰嘅壽喜燒鍋入面擺滿咗薄切牛肉同各種蔬菜，喺甜鹹嘅醬汁中煮得入味，牛肉片嘅口感嫩滑，配埋白飯一齊食，令人回味無窮😋呢間餐廳嘅食物唔單止用料新鮮，仲喺味道上下足咗功夫，令我哋度過咗一個愉快嘅午餐時光😌…查看更多

舅父喺日本住咗好耐，難得最近過嚟搵我哋玩，就打算帶佢去我哋最鍾意嘅日本餐廳食烤肉。我哋點嘅牛肉都好新鮮，最正嘅就係西冷和牛。牛肉香味十足，食起嚟非常滑嫩，係高級嘅牛部位。仲有牛舌棒嘅味道都好唔錯，厚實軟嫩，食住非常爽口！ 和牛刺身食起嚟非常鮮甜，連舅父呢啲對牛肉好有要求嘅人都非常滿意，證明呢度嘅和牛真係好正！仲有呢道和牛筋配酸汁都好好味，牛筋香軟可口，酸酸甜甜，非常開胃呢度嘅蔬菜盛盤種類非常多，清爽解膩，配烤肉一齊食，另有一番風味。 除咗烤肉，清酒蠔肉都好掂。每一個蠔肉都非常肥美，食住亦都好新鮮，而且仲有清酒作為調味，更能突顯出蠔肉獨有嘅香氣。 舅父話蟹肉甲羅燒好有日本嘅味道。蟹肉非常新鮮香甜，配埋厚厚嘅蟹膏同味噌作為調料，味道更加一流，我哋都讚不絕口！ 舅父話呢度嘅食物非常有水準，下次過嚟仲要再食！ …查看更多

🌸金湯桃膠花膠鷄湯🌸呢間餐廳真係好足料！雞湯入面竟然真係有成隻完整嘅雞！雞肉經過長時間嘅熬煮已經變得無比軟爛，釋放出深層嘅精華🤤配搭上花膠嘅細膩同桃膠嘅微Q口感，令成個湯底味道更加豐富🥹入口絲滑順滑，充滿咗骨膠原嘅味道，食落去養生又滋補👍🏼推介畀大家‼️ 🌸特技雪花肥牛🌸顏色粉嫩鮮豔，睇落就好高質！輕輕喺鍋度涮幾秒後就可以開食，細緻嘅肉質同恰到好處嘅油脂，令口感更加順滑唔膩口💯 🌸鮮帶子🌸煮熟後嘅帶子散發出天然嘅甘甜，口感柔嫩多汁👏🏼配搭住花膠雞湯一齊入口，更加能夠凸顯出原始嘅鮮美✨ 🌸丸子拼盤🌸呢碟拼盤入面有3種唔同口味嘅火鍋丸子，都係師傅自己嘅創意製作🤩我最鍾意黑松露手打墨丸，有住濃郁嘅黑松露香氣，同墨魚嘅鹹香味非常配合，食落去鮮嫩多汁嘅，好特別🥰…查看更多

朋友約我去我哋嘅老地方[宴]食宵夜，啱啱得閒，就決定一齊去食。我哋今次試咗好多款之前未食過嘅菜式，每一道嘅味道都非常唔錯。 秘製嘅雞肉棒鮮甜滑嫩，食得多都唔會膩，仲帶有雞肉嘅香味，點埋生蛋黃一齊食，更加突出雞肉獨特嘅風味。串燒雞肉燒得好香，仲落咗大葉，香氣十足，配埋梅子醬之後，雞肉嘅味道更加香甜，正！除咗肉，我哋仲點咗魚片。魚片燒得好香軟，仲帶出咗焦香味，食落去好鮮！而且份量都好足，我哋食得好爽！ 我哋仲點咗時令嘅冰葉，食落去好清爽，仲好新鮮，啲葉都處理得好乾淨，有肉有菜，真係好滿足呀！食肉配酒簡直係絕配！ 啤酒嘅口感好好，慢慢飲仲可以品嚐到酒香，難怪每枱都有一杯！仲少唔咗花生豆腐，豆腐入口即化，好滑溜，加埋花生嘅香味，整體嘅口感同味道完美融合，食到停唔到口。…查看更多

母親節完又父親節，富寶一直都係我地聚餐首選餐廳，今次又再介紹吓佢哋嘅靚海鮮 😎赤米蝦一年四季都合時令，尤其春夏季產量更多，時價更平，之前搵餐廳訂咗赤米蝦慶祝父親節，雖然細細隻但鮮甜無比，蝦殼軟身，肉質爽滑，就咁白灼點少少豉油已經好正另外都唔少得父親大人最愛游水釘公，中size釘公夠晒滑，用薑蔥清蒸都好鮮甜，同長輩食飯唔需要煎炸或重口味，食材夠靚就夠晒滿足除咗海鮮，仲叫咗韭菜花炒鹹肉，鹹肉切片少少肥，連埋筋腩位肉質彈滑，韭菜花又夠晒嫩口，有菜有肉非常好食…查看更多

入屯門探朋友又係搵好嘢食嘅時候，V city都幾多餐廳但好多都係大型連鎖店，見到有間泰國餐廳細細地裝修新淨，嘢食又唔貴就試試泰國菜必食泰式炒金邊粉，芽菜份量佔比例比較多，所以食落好清爽唔油膩，羅望子醬酸酸甜甜好開胃叫泰式海南雞飯有諗過要唔要加錢轉雞髀，但最後普通海南雞都好滑，油飯呈白色比較天然，但食落都有淡淡油香。另外配一個雞清湯，暖暖胃都幾好飲去泰國餐廳通常食炸蝦餅，但今次叫咗個芭堤雅雞肉卷幾特別，有啲似街邊串燒小食另外叫咗個泰式南京椰汁雞湯，有少少紅油但係飲落完全唔辣，入面有好多雞肉同雜菌，椰汁好清甜，加上泰式香草調味料香茅等等酸酸地好清新最後當然唔少得芒果糯米飯，糯米暖暖地，淋上杰身嘅椰汁，上面仲有椰絲同脆米好有口感，芒果夠甜，我哋幾個share都好夠食…查看更多

同大家介紹吓我哋一家人好鍾意去食嘅御膳，無論慶祝生日定其他節日都要去食餐好，佢哋免開瓶費、切餅費、加一服務費，嘢食質素有好高，好抵食，我哋次次去都帶兩支酒開嚟飲而家推出咗母親節套餐，仲要冇限時，一家人可以慢慢食，支援WhatsApp訂座士多啤梨骨個醬酸酸甜甜，份量剛好唔會太濕，好味到骨都要吮埋碧綠炒花枝用西蘭花墊底，花枝同菇一齊炒，連個芡汁都做到好鮮甜蔥油雞原隻上好體面，蔥油滲透雞肉每一寸，但又唔會搶走鮮甜味荷香龍躉球蒸飯龍躉球好彈牙！用薑蒜一齊蒸味道好鮮，亦帶出淡淡荷葉香上湯澳洲龍蝦真係好鮮味！澳洲龍蝦真係我最愛，仲有脆脆麵做底，口感更豐富…查看更多

訂咗枱夜晚打邊爐 入座送上餐前小食係泰式無骨鳳爪 份量都幾多開開個胃 可以食住個小食諗吓叫咩打邊爐當然要食牛肉 餐牌上牛肉好多選擇 連飛驒A5和牛肉眼都有 我哋揀咗手切頂級安格斯肥牛 兩個人食細份就OK 果然如餐牌描述口感鬆軟入口即溶 油花真係好靚 靚牛淥兩淥就食得丸類都好多選擇 我哋咩都想試所以叫咗個五寶丸 每款有兩粒唔使爭 當中最鍾意梅菜豬肉丸同黑松露墨魚丸 手打嘅果然唔同好彈牙 梅菜同黑松露都點綴到豬肉同墨魚味 就咁揀個清湯都好足夠…查看更多