第一次去呢間高質既日本shabushabu.當晚星期日去,竟然靜到包場咁款,環境都好舒服.一坐低就有位細細粒好瘦既女侍應遞上熱茶及餐牌.我同朋友心大心細,都唔知揀邊款好.好彩個位女侍應為我地推介.食物方面,我地揀左黑毛和牛$298,因為可以試到唔同部位,我地加錢轉左稻庭烏冬.個位女侍應都好細心介紹d醬汁.食到咁上下,果個女侍應驚我烏冬煮太淋,就幫我夾起.而且一路都有執碟,等我地枱面有多d空間,都睇得出佢有留意客人.食到最後,果位女侍應都有問我地食唔食甜品.其實我地都唔知道有甜品.唔知道係本身個餐有定係佢送比我地食.不過有抹茶雪糕作為成餐飯既ending,整體黎講,我覺得服務都唔錯,重點係個女侍應冇鄉音,同埋好溫柔細心,所以好有親切感好滿足。…查看更多
Kuro Shabu
2022-09-19
以上食評乃用戶個人意見 , 並不代表OpenRice之觀點。
讚好
推介美食
A4黑毛和牛
用餐途徑
堂食
