ctin01的個人專頁

生日飯，特登揀咗米芝蓮，3個禮拜之前已經book咗枱，期間冇收到任何通知話要俾訂留位，直至到訂枱前四日，突然之間喺夜晚收到個訊息，我張枱已經被取消。WhatsApp話我12點個booking已經被取消，但係我個Booking其實係13:30 。Send WhatsApp詢問之下先知餐廳喺2pm send咗個email嚟叫我俾錢。 我問客服點解send咗email六個鐘之後就取消我張枱，email明明話我有廿四小時去比訂。客服顧左右而言他，但係並沒有作出解釋。 （1）餐廳搞錯我book枱嘅時間 （2） 點解六個鐘就取消我張枱。我唯有重新喺OpenRice 再訂過同一個時間。 今次我入到佢哋嘅網頁睇晒佢哋網頁入邊有咩規矩，發現book枱時間13:30， last order亦都係13:30。 咁我又問客服，兩個時間撞埋一齊我點落order？ 客服居然話佢已經將我嘅訂枱時間改到13:00。而期間並沒有詢問我13:00可唔可以或者我趕唔趕到。未食，啲服務就已經係咁樣，令我感覺餐廳想點就點，其實餐廳只要同客人多啲溝通就好容易可以避免呢一種誤會。難怪見到幾個post都話啲服務態度差。 …查看更多

牛角食唔少，服務態度咁差真係第一次遇到。終於等到疫情解禁，想同朋友慶祝生日，近近地嚟到大埔牛角。事前攞咗飛8:30pm到,都要9:00pm先入到去。10:00關門諗住盡快食，點知等咗20分鐘都係得啲嘢飲同沙律，三催四請終於有牛肉上。食咗30分鐘到9:50pm終於有野菜盛合，我問侍應你而家先上我食唔切，侍應居然話野菜要燒好耐幫你打包拎走啦！其實你遲咗上菜，我都唔會留你好耐，食埋先走居然唔俾，我都係第一次打包生嘅食物。我問侍應，其實你係咪留咗我哋張單？佢居然話冇啲咁嘅事，咁就行咗去，道歉都冇一句。食物已經比出面嘅牛角差，就算咁近我以後都唔會再幫襯呢間牛角。…查看更多