Chuuutommy的個人專頁

一行5人約咗7:00到餐廳食飯 叫咗4人餐再加咗兩份食物 一人一杯野飲 自問唔算叫得少.其他侍應都幾好. 唯獨是一位50-60歲男侍應由我地坐低就開始催點菜. 8:30未食完就不斷收碟 （明明寫11:00閂門 而且無講過有限時） 喺仲有碟雞未食完既時候 唔知係睇唔到定點 就熄咗個爐 9點就逐張枱埋單.而且全程黑面 點菜未點完就走咗去. 當日去到食食下覺得好熱 問侍應開大啲冷氣 被告知冷氣壞咗 再睇下 發現有3把風扇喺餐廳開緊 相信已經壞冷氣一段時間 如果你唔介意呢種服務態度 可以來試…查看更多

尋日行街經過口痕，見到呢間日本野，睇下menu,嘩，有拉麵有烏冬食，好似好吸引，就入咗去坐低點咗一個鮮什菌松露芝士烏冬醬汁濃郁，烏冬爽滑可口竟然好味到咁，連我平時唔鍾意食烏冬既人都中意咗食女朋友點咗黑蒜炙燒極濃黑豚肉拉麵，因為係炙燒，所以啲黑豚肉好有油香好有燒肉香味另外嗌咗龍蝦沙律，好夠料又fresh總體五粒星，十分推薦！…查看更多

早幾日星期日晚喺附近行完街，行到攰去到諾士佛臺諗住坐低飲杯野，咁啱search 到呢間食四川辣野既，正中本人下懷，就入黎試下啦。坐低之後睇餐牌，我地兩個人，點咗個$288 ，有六款海鮮食，仲有4款配菜可以揀。總體黎講，海鮮勁大份，配菜多到食唔晒，海鮮好新鮮，又足料，對兩個人黎講，份量都幾大，$300左右一個人可以價到咁多海鮮，真係大滿足呀！…查看更多

今日同女朋友收工過咗黎上環買野，咁啱經過門口，覺得裝修幾靚，就入咗黎食。睇餐牌，係主打慢煮牛喎，又有Craft beer ,價錢仲好親民添，即刻食去試下先。入到黎有兩層，安排咗喺上層，空間好大，唔局促，坐低即刻嗌咗慢煮flat iron $118 同慢煮豬鞍架$138，仲有兩款小食： 露筍同溫泉蛋大啡菇，兩杯手工啤酒，同窩夫甜品總括黎講，價格親民，食物質素都唔錯，手工啤幾有特色，氣氛又幾好，不失為一個消閒好地方…查看更多

今日同女朋友第一次黎呢度食，喺位於鵝頸橋底既一棟大廈1/F,離時代廣場2分鐘路程，好易搵。黎到之後睇下餐牌，係有2種放題選擇，$188和$288，小弟同女朋友出街食飯，當然要食好啲啦，揀咗$288,入座後，上餐牌， 鴛鴦鍋任選兩款，選咗海底耶豬骨湯，湯好足料，味道清甜濃郁，睇得出係真材實料，侍應先幫我地一人一碗湯，再放入火鍋做邊爐湯底。而另一邊選了麻辣鴨血，味道好夠而辣度啱啱好，完美。等緊火鍋滾時，侍應先送上一個套餐，如圖，有鮑魚，蝦，蠔，靚肥牛，帶子等各樣海鮮，當中牛肉同鮑魚尤其新鮮。另外如果想再點菜會用wechat scan barcode 落單，非常方便，而且餐廳無漏單情況，上得唔慢，好抵讚。總體黎講，價錢適中，食材又新鮮，加埋行完街過黎好方便，以後一定會再黎!…查看更多

呢間嘢喺屋企附近 福元湯圓對面 本人十分鍾意呢間店 嚟嚟去去呢就呢間店不止20次 因為覺得佢啲粥好好食 我次次嚟都 會點艇仔粥因為佢啲配料 好啱我口味 而且個粥唔係打到好爛， 我好鍾意呢種口感 以後會繼續幫襯…查看更多

之前試過自己一個人過嚟食 嗰陣時仲有兩三個店員 今日同女朋友兩個過嚟食但係得一個女仔做嘢廚房有人嘅 不過就見一個人就要照顧曬六七圍枱 好似有啲吃力 所以見佢都全程西面 不過唔緊要 都 無礙我呢間店度食嘢 因為始終你食嘢都唔係為咗食佢嘅服務個人比較對口味睇得重。見咗個最普通嘅咩嘢德州漢堡 味道比預期更高 冇令我失望 雖然你西面嗰都會叫人過嚟食嘅希望下次可以咁個店員啦…查看更多

呢日跑完步 打俾女朋友話想食火鍋 然後就打電話去問呢間嘢係咪晏晝有得半價 原來真係有不過好似係唔包酒水同埋海鮮，咁我哋約咗兩點幾到嘅。上咗去之後原來都已經有幾為喺度食緊， 可能都係想用半價試下你嘅 咁我哋就嗌咗個肥牛喇 鴨血湯底啦 嚟試味， 牛肉質素好唔錯 湯底嘅料都好足料 完全超乎我哋對火鍋嘅印象 兩個人最後勝惠半價後 四百幾蚊 。 如果你叫原價嚟食咁少嘢就要八百幾蚊我覺得好唔抵…查看更多

收工後一班同事諗住嚟呢度食泰國菜 食咗啲最普通嘅泰國菜馬拉盞炒通菜燒蠔仔餅 通通都不過不失 最後試咗個芒果糯米飯 呢個就好似不盡人意 大家都飲咗杯泰式飲品 全部都是香料沖嘅 唔係十分鐘意…查看更多

同事話好好食喎我哋就趁住喺旺角行街嘅機會就嚟到呢間嘢食 上到去嗰個場好大有卡位 坐低咗之後就嗌咗個雞煲同埋放題 一開始就首先上咗佢預定嘅 畀你食 食完呢個其實都八成飽㗎喇 再食下啲雞 雖然話啲雞都可以refill 但係其實真係好飽所以話 就話係放題 但係其實都食唔到幾多輪， 不過呢間嘢嘅海鮮質素都係真係唔錯 可以再食…查看更多

平時屋企人好鍾意逢星期日嘅晏晝一點就嚟到呢度飲茶嘅 可能係係嚟得太多嘅緣故啦知道曬佢啲菜式嘅特點同埋有冇 換新菜式 發現呢其實佢真係冇點換佢啲菜， 啲嘢就不過不失啦但係真係好貴 如果我自己你一定唔會再嚟…查看更多

嗰日係約咗女朋友嚟到呢間糖水舖是食嘅 入到嚟係普通嘅 糖水舖坐位就預左一定係唔夠舒服㗎喇因為可能想你快啲走 我哋點咗個熱嘅豆腐花即撞既， 上咗枱後就話要等個鬧鐘響先可以拎開個蓋拎開咗之後放個時間喺面如果浮得起呢就證明係食得啦 呢啲即撞豆腐花優點就係特別滑。 以後會再嚟食呀…查看更多

呢次呢度 啱啱放工 喺星期六嘅收工時間 估唔到呢度都幾爆 我點咗個差唔多最貴嘅紐西蘭t骨 好似係一百蚊左右 我叫咗五成熟但係佢係用鐵板上嘅 等咗啲汁落去之後呢我覺得佢已經變咗 九成 味道 尚算 可以啦不過不失 不過以後應該都唔會再嚟食 因為自己正嘅更加好食…查看更多

今日星期六收工就嚟到呢間位於砲台山地鐵站對面嘅大頭蝦餐廳 唔入到去 環境幾好 但係感覺到處都油粒粒， 唔係太舒服 我就自己點咗一個沙嗲麵 味道好好好有馬西亞嘅風味 當喺馬來西亞食嘅有得一比…查看更多

呢間嘢就喺我屋企附近 今日同女朋友朝頭早起身， 就落咗嚟呢間嘢度食早餐 我覺得呢間嘢嘅早餐同一般嘅茶餐廳好唔同 週年佢嘅沙嗲牛麵 個麵都靚過人， 唔會煮得太淋 我食咗雪菜肉絲米 畀料都好大方， 絕對值得再食…查看更多