fish941363的個人專頁

同事想食川菜，帶左我地黎[辣尚癮]，聽個名就覺得搞笑，即管試一試。餐廳係牛頭角舊區果邊，唔算大，order 都係即叫即做。田雞香鍋(小辣)田雞比想像中細舊，好似配料重多。配料裹面有木耳、莞茜、薯仔片、蓮藕片同辣椒。尖椒雞(小辣)尖椒雞辣得幾過隱，應該叫大辣會更加好。乾煸四季豆(小辣)正常輸出，火喉夠，乾身，唔會太油膩。酸菜魚(辣)酸菜魚比較辣，不過魚肉好鬼滑。加左菊花花瓣，成件事就即value up 左！成餐辣得黎，飲晒成包紙包飲品都搞唔掂。鐘意食辣既朋友就會明白，係辣得幾過癮既！…查看更多

今日去左身體檢查之後，就係尖沙咀覓食。每次諗唔到食咩，我都會行去H8，成棟大廈都係食肆，大把選擇！最後我地揀左去打邊爐，因為見到「鮮入圍煮」個花膠雞煲好吸引！上到去餐廳成2點鐘，已經過左午飯時段，所以大把位。少打邊爐既朋友留意番，餐廳每人要收$15醬料費嫁。濃厚原隻雞煲花膠湯 （半隻）雞煲先上，店員會幫你再剪開雞隻。有好多雞件同花膠，我地果煲有成5舊花膠。真半隻雞，有雞胸，雞腿同雞翼花膠都唔薄，幾「膠」下。記得落其他料打邊爐之前，試一試佢地個雞湯先，真係雞咪濃郁！膠膠地既花膠雞湯，飲完個身即刻暖晒！豆苗冬天最岩食豆苗，雞油令佢更加甜份量都比我想像中大盤。帶子粒鮮肉水餃成粒帶子係裹面，每粒都好飽滿，不過個人就覺得佢唔夠個湯底鮮啦！牛骨汁濃湯牛丸原來係振興既牛汁牛丸。振興牛丸係好食，而且我平時重會成包買番屋企煮麵食嫁！總結：花膠雞好膠好鮮，好值得再黎。下次要再約多幾個朋友，先可以夠腳叫下海鮮同牛肉。我諗到時個湯底應該更加鮮到不得了。…查看更多

同朋友係沙田觀禮後, 就係大圍區附近搵食.我地今次都用左Openrice 預約, 唔駛驚要排隊.我地當晚準時到達, 亦係第一檯客人.餐廳唔大, 好有東洋氣氛, 只係有約14-16個座位.餐前漬物明太子奶醬蛋包飯黎到洋食屋就必會點蛋包飯, 我地揀左餐廳推薦既"明太子奶醬蛋包飯".打卡一流, 影完相就快快趁熱切開佢原來外面白汁, 裹面既飯係紅汁連埋嫩蛋一齊食, 好正奶油味噌野菜燉雞腿肉雖然冇咁吸睛, 但佢個汁好有驚喜奶油味好濃烈, 雞腿肉就正常發揮.紅酒燉牛肋條牛肋條夠淋, 略嫌酒味唔夠出.最後, 我地唔知道用餐時間限左幾耐, 見有食評講過90分鐘.咁我地未過90分鐘既, 邊享受飲料邊聊天既時候, 就已經被"請"離開.…查看更多

提早左成個月預約大圍小館，重要親身到餐廳，都只係book 到平日晚 (電話都幾難打到下)。要星期六日既朋友, 真係要預再早d啦！我地6個人預約左星期二晚既第二輪，8:15p.m.。餐廳門口出面掛滿紅燈籠，加埋好多木裝潢，幾有氣氛！一夠鐘，大家就排隊等入座，而我地就被安排坐係房入面，個人就覺得房入面冇咩氣氛。勾魂叉黎幫襯大圍小館，每檯必會點既菜式。叉燒跟十五年陳皮醬上檯後，待應就會用火槍即燒叉燒表面。因為得5件，女待應重好貼心幫我地剪開一半。每件叉燒都幾大塊，燒過之後更加香，點完過醬跟手就黏埋米通粒一齊食個醬好正，係精粹！叉燒再咬入好有豬味，似伊比利亞豬肉既味道。啫啫芥蘭煲好有鑊氣，不過份量唔多。蜜薯牛柳粒薯仔炸後再加蜜糖配黑椒牛柳粒夠惹味，可惜牛柳粒黑椒味重手左，似係要蓋過雪味。以約二百元一碟黎講，重要份量少，真係唔值原曬豆豉雞煲同啫啫芥蘭煲一樣，夠晒鑊氣。豆豉唔算突出，雞肉味道較淡。薑米蒜香籠仔蒸蟹飯個飯有d驚喜，有薑粒好香，又唔會太濕，好味道個蟹係唔細隻，但蟹肉未覺鮮甜。荔蓉香酥鴨依道經典名菜要至少5日前預訂，因為知道佢既製作過程繁瑣, 所以充滿期望。成碟得八件，但係第一層酥油個人覺過於酥化.。基本上一夾就散，芋泥夠綿，但客人完全欣賞唔到師傅既功夫，睇唔到芋鴨應該要有既層次， 好失望 成碟功夫菜完全冇晒美感。無花果肉排餐廳招牌名菜，合乎水準。甜度恰到好處，重有無花果塊，老少佳宜。總結：餐廳晚市小菜及茶水都比酒店貴，但又冇大大既驚喜，真係名過其實。如果係為叉燒而黎既話，可以試下。…查看更多

今日要去教堂觀禮, 因為下午先開始, 咁就係附近醫醫個肚先.原來附近有好多食肆呀, 揀番久違既德美, 因為佢食物質數穩定, 最緊要就係星期六都重有午市優惠添我地手機掃QR code 點左2個餐:每個餐都包左沙律, 麵豉湯, 蒸蛋, 甜品.燒三文魚扒定食燒三文魚扒定食居然有成塊三文魚, 重有炒菜相伴魚扒外皮脆, 充滿魚油香, 好食忍唔住食晒D魚皮.北海道三色魚生飯三色係三文魚, 帶子同白身魚. 白身魚我就唔識, 不過食落唔差.再有溫泉蛋伴日本米都有好幾塊厚既帶子嫁.另一重要野食就係蒸蛋啦.  Keep 得住水準, 重係咁嫩滑.不過亦都因為個蒸蛋, 等左20分鐘甜品: 雪糕糯米糍…查看更多

朋友介紹黎到山田海，唔係朋友黎過都唔識幸好訂左位，餐廳平日夜晚都越夜越多人！我地人多所以點左好多餸。同其他韓國餐廳一樣，有小菜，可以揀2樣再refill。韓國人話間餐廳掂唔掂，就睇佢個泡菜；個人覺得幾好食既！之後就係個薯仔，芽菜同茄子好食！多人就梗係叫埋韓燒啦：牛肋骨(有醃）牛舌五花腩燒完再包埋蒜片同生菜一齊食，冇咁油膩又好似健康d豬手幾大碟下，好似食極都重有咁海鮮煎餅正正常常人蔘雞湯覺得個人蔘味唔夠出，雞同湯飯都好食！石頭鍋飯一上檯就要翻一翻佢，有飯焦，正。海帶湯黎到晚飯既高潮位就梗係慶生啦。老闆人好好，送左個湯同蛋糕俾壽星。係突然之間就會播歌，跟住全餐廳人歡呼，重有禮物收！個湯好正，唔馬虎，重有好多隻蜆嫁！蛋糕個蛋糕雖然係老闆送既，但幾好食嫁！我朋友係第一個被慶祝，跟住隔左一陣又播個韓文生日歌，成晚總共播左至少4次。原來大家都鐘意黎慶生想黎慶生既，記得訂位時講定，同埋唔駛再另外買個蛋糕啦！…查看更多

一心慕名而來既大圍人氣cafe, .睇到好多人話要排長龍, 但係原來星期一至五都有得網上book位, 好方便.而每個預約時段既位亦唔多, 所以我地就book左1.5星期後既平日夜晚.餐廳位置比較冷清, 但係由外到內既日式裝潢真係好多打卡位.餐廳不乏貓貓既裝飾物我地一入cafe既時候, 店員俾我地揀坐樓上塌塌米, 或者樓下普通餐檯.我地揀左樓上, 點知一直都冇人想坐塌塌米, 成層俾我地book 左咁!其實塌塌米個坐位都幾舒服嫁! 餐廳係用QR落單, 我地點左3樣野食.泡菜豚肉溫泉蛋定食日本米再加溫泉蛋一齊食, 正呀.洋蔥炒豚肉好惹味, 但係覺得熱d會更好.泡菜既份量有點少.香蒜雜菌黑松露拉絲芝士盒子吐司造型雖然冇軟殼蟹咁煞食, 但佢內容好豐富嫁.重有沙律, 有蕃薯條; 黑松露配蛋就不嬲咁夾, 就冇諗過吐司濕左之後都重係咁脆口栗子小屋窩夫造型可愛, 幾襯聖誕節.栗子蓉+雪糕糯米糍+窩夫+栗子碎整體唔會太甜, 糯米糍+窩夫: 一軟一硬總結: 平日去真係好正, 好relax. …查看更多

又到下午茶時間啦, 即刻去長洲數一數二既米線店, [火車頭酸辣小窩]食野.因為餐廳轉頭5點就關門 (星期六日), 所以要食就診早啦!餐廳唔算大, 拎住行李有d麻煩, 同埋要掃QR落單既.豬腩片蜆肉紫菜湯米線好濃既海鮮味; 蜆同紫菜既份量都唔少; 每隻蜆都有肉又鮮甜.浸一浸蔥粒再一齊食, 果種鮮味就更突出.餐廳已經提供定個碗俾你裝蜆殼用, 可以見到一碗米線裹面有咁多隻蜆酸辣豬扒魚皮餃米線依個係是日午餐黎, "魚皮餃"係自選既, 湯底唔算好辣對比番紫菜湯底, 就真係失色不少跟餐送既熱豆漿總結: 黎到長洲, 如果想試下特別既美食, 火車頭酸辣小窩值得推薦.…查看更多

難得黎到長洲, 梗係要去長期都有人排隊既人氣餐廳, [島中坊研] 啦不過早到既我 (約1點前到達), 好彩只係要等2張檯姐拎左飛再等叫號都係10分鐘度, 今次我地被安排坐係室外, 位置寛敞. 不過近門口既櫈就真係要小心地下既木板層.餐廳主要賣窩夫, 牛角包, 沙律, All day breakfast, 日式便當, 甜品同飲品. 見咁多人讚佢地既甜品, 就點左個"甜品拼盤" share 黎食, 主餐反而就冇叫啦.一上檯就即刻打卡先我地揀左 1/ 提拉米蘇 Tiramisu:面頭滿滿既朱古力粉, 再加上甜酒同芝士, 口感幼滑.2/ 焦糖吉士布丁:個人覺得布丁中規中矩, 質感唔夠日本既布丁咁滑.有蛋味, 但驚喜不大.3/ 玄米茶雪糕:真係幾好食, 夾埋杏仁片, 茶味+果仁, 好正4/ 是日蛋糕 - 焙茶豆腐蛋糕卷:焙茶味重, 令到整體食落去唔會過甜, 恰到好處總結: 有時間真係要黎餐廳Chill 下, 甜品好食, 坐位又唔壓迫, 簡直幫成個人叉充電呀!…查看更多

係長洲影完相，時間重早，就走去熟食中心醫肚先。 行左個圈，先搵到「陳通記」係熟食中心裹面。因為出晒名既關係，餐廳長期都坐滿食客。幸好唔係夏天既時候黎，坐係室外都唔覺得熱。亦都好彩好快搵到位。不過原來等米通要等好耐下. 咁岩同個居民傾計，佢打電話落左單，都重要等多30分鐘以上先拎到個外賣熱榨橙熱既鮮榨橙汁 好快就送到啦, 味道正正常常!咸牛肉蛋治三文治都跟住上檯, 我覺得自己應該叫錯左, 應該叫 "咸牛肉蛋多士"先岩.冇烘底既, 蛋嫩滑, 牛肉唔硬. 因為開始肚餓既關係, 熱呼呼既三文治特別好食.材料唔馬虎,  份量十足嫁. 咸牛肉同蛋已經融為一體沙爹牛肉米通沙爹牛肉米通, 我諗係即叫即煮, 同埋多人叫既關係, 都等左半個鐘, 所以冇得同"咸牛肉蛋治"影番張合照啦牛肉大塊, 有好多舊下. 第一次接觸米通粉, 原來係咁既形狀.沙爹汁好豐富, 食到碗底搵到好多花生碎但係個人覺得個湯底係咸左少少!總結: 陳通記都幾多位既, 但等餐方面就係要預番d時間.…查看更多

黎到長洲夜晚，冇好似其他人去海邊食海鮮檔，走左去搵人氣高企既「是蛋」。去到晚飯時間7點，見得2個人等緊，以為咁好彩唔駛排咁耐。原來佢個招牌菜「土制炸蛋」已經貼上售罄難得黎到，就緊係照等位啦。餐廳真係好細下，應該得10個位度，真係小店黎。我地食過下午茶，唔算肥餓，所以只係叫左2份野食：松露是蛋炒配煎薯餅薯餅唔係糊狀果種，係切幼條整既。個人覺得如果一半一半就冇咁易散啦。餅上既炒蛋配黑松露好惹味好香！夾埋蔥粒好食真·卡邦尼意粉一上檯既時候，Waitress 話千奇唔好放太耐，可能驚我地掛住影相。同埋佢係即時刨芝士碎係我地個意粉上面既，所以我地都好聽話即刻ko左個意粉先。正宗既卡邦尼係落蛋汁，完全符合店名呀，咩都係蛋但係個人覺得咸左d，唔知係咪因為個芝士既關係啦！意粉質感係少少硬既。總結：終於係長遊都試到人氣小店，係可惜未食到炸蛋，唯有靠幻想想像下個味道。想試既朋友就記得中午好黎啦！…查看更多

係長洲交還單車之前，體力透支，諗住食個下午茶頂住先，所以就走左去熾工房食炸雞。餐廳好光猛，並以連鎖快餐店般既形式運作，自己去收單落單，取餐，還餐。滋味脆雞套餐2件雞+薯條+汽水。因為見好多食評都推薦個"蘑菇飯",，所以就唯有捨棄個薯條，加錢要蘑菇飯🍄。雞件好大塊，冇縮到水，夠熱又嫩滑唔會好咸，好惹味又脆口！蘑菇飯有好多蘑菇呀，個汁好creamy，再連埋香草，好夾，份量就一般啦。好食就覺得佢好細份囉！…查看更多

今次我地搭高速船黎到長洲已經1點lu, 我地冇去食海鮮, 直接行去餃子冰室食Lunch盡管已經多左人去外遊, 但星期六既長洲都係人山人海。直衝去餃子冰室既決定係明智既決定, 我地好彩唔駛等位。餃子冰室位置好易搵, 裝潢幾靚嫁, 行懷舊路線。我地兩個人點左12隻餃子+2碗飯，1碗酸辣湯+2杯熱飲跟餐熱飲： 四季春茶（冇加大）冇錢加大都已經好大杯, 滋味甘醇, 最岩就係配煎餃。酸辣湯酸辣湯都幾足料，但我就覺得唔夠辣啦！糖醋排骨飯比較惹味，實質都冇骨既，飯都有口感。黑醬油雞飯好醬油，少左d甜味。家鄉肉餅餃(煎)煎餃比較快上到檯，外脆內軟，重keep到肉汁係裹面。獨創南乳豆卜餃(蒸)味道獨特，加左佢既辣油一齊食，比煎更有肉汁下。總結：是次體驗唔錯，店員服務好好，好細心，好主動拎櫈俾你放袋。裝潢別有一番風味，但餐廳真係唔大，想打卡就有難道啦！如果唔想等位就記得早d黎，唔好等到晏就，我試過再經過餃子冰室果時，見佢好多款都話售罄嫁！…查看更多

返左半日工, 梗係係觀塘順便買埋野食番屋企, 可以休息下.用Openrice 叫外賣有優惠, 又可以唔駛等諗住試下佢個 [辣冬蔭功蝦球炒意粉], 落單果時見[椒鹽豬扒配蔥花炒飯]好平, $30唔駛, 就順便叫埋啦!去到毅力工業中心要再搭𨋢上去拎住外賣盒上巴士, 香到個個都望住我椒鹽豬扒配蔥花炒飯比想像中細份, 但味道都ok辣冬蔭功蝦球炒意粉最想試, 帶有酸酸辣辣既味道, 好惹味都有幾多蝦球嫁, 份量夠飽肚…查看更多

近年上水少左水貨客，終於都開番多d餐廳見到依間鋪個名幾特別，所以搵左晚黎試餐。餐廳係要自己掃碼點餐，我地2個人點左「二人滴汗餐」辣辣口水雞好細碟，冇咩味，得個辣油味。雞肉唔夠滑，好似重差過連鎖鋪香酥軟骨正正常常，不過都係好細碟，冇咩特別。涼拌土豆絲土豆絲都係得個辣油味，不過就唔多地方有得叫。酸菜米線揀左走荽茜，但係廚房都係冇理過我地既！麻辣小麵麻辣小麵就比較好味d，麵質ok既。冬瓜茶 & 菊花露死甜，好似糖漿加水溝出黎咁，唔知解唔解到辣，因為我地全部麵係叫小辣。整體黎講份量唔大，同樣價錢去連鎖店叫可能會食得飽d。有興趣既朋友或者試下佢地既酸菜魚，都見有其他人order。另外就係好多人鐘意係佢鋪頭外面食煙，搞到餐廳成日都有煙味，食客要食埋二手煙好慘下。…查看更多