東涌friend請食飯，唔講都唔知機場有個秘密私竇。中秋有幸去食buffet，有鵝肝、有焗蠔、有魚生，食物種類唔算多，但食物有質數，樣樣精緻好味。就算最普通既炸子鷄，都係黃油脆皮，飯係細細件既迷你荷葉飯。戶外有個觀星台，睇曬機場景，幾特別，同一般香港夜景好唔同。但令我最驚喜既係甜品，一向對中式甜品都麻麻地有興趣，但係今次真係有改觀，呢度啲雙皮奶、酥皮蛋撻仔、西米布甸全部都係新鮮即做迷你版，啱女仔咩都試吓既心態，真係好好味，唔會太甜，蛋撻啲酥皮一層層，好鬆化，上面仲舖咗燕添。終極驚喜係蛋白杏仁茶，由細到大聞倒杏仁霜都嘔，近水樓台呢碗蛋白杏仁茶我連食三碗，原來佢地係用中式龍皇杏，唔係西方啲杏仁，所以味道香而不作嘔，勁勁勁推介。 今年團年飯，一家人總算有個新地方可以去。…查看更多
