gabbyan的個人專頁

早前見網上好多foodie介紹呢間餐廳，打算生日飯去食，4個人叫左生蠔、沙律、生牛肉他他、Deluxe butcher’s cut(逐位計)、生肉飯同埋米酒雪糕首先個沙律真係平平無奇，酸汁又過酸，開胃菜都變得唔開胃。生牛肉他他落既生蒜過於辣口，但都可以接受咁到上肉啦，店員就咁擺低完全冇介紹過啲肉既款式，同埋以人頭計嚟講果一舊肉仔真係唔夠食，仲要收$980，見到都呆左。仲要唔知點解其他枱既客人都有店員幫忙燒肉，我地由頭到尾都冇人幫過手，態度又唔好，同茶記差唔多，食到一肚氣。明明啲店員大部分識講中文聽到我地講野都扮冇反應。之後我地追加左一份日本和牛同埋龍蝦尾，追加時已同店員講可以上個飯，上左肉之後已經等左好耐，問店員仲有個飯要上佢先話知道會幫我地上，咁我頭先講嚟做乜？龍蝦尾同佢講未整就唔要啦，最後又等左勁耐，無啦啦攞嚟擺低話頭先已經整緊cut唔到。咁好啦擺低左我地唔識燒就叫店員幫手，先斯斯然走嚟幫手燒，問佢有冇汁先去攞個蒜茸牛油汁出嚟，唔問佢好似唔打算提，咁你個汁整嚟擺架？舊龍蝦完全無味，好似超市買果啲急凍龍蝦咁，真係唔知佢地入貨果個人係識唔識既最後，個飯嚟到，店員會將個牛骨髓倒落啲飯撈勻，店員啲手勢好快，快到好似大牌檔啲師傅拋鑊一樣個飯味道合枱略嫌係太油。食完在座各位都痾索價$480，係米芝蓮中菜既炒飯都唔洗咁貴，用料又唔係特別靚，真係諗唔明佢點樣定價頭先提到最後有個店員同我地燒肉，之後就問我地飲唔飲soju，攞左啲自製既人參soju比我地試，er，可以入口既，不過大家都係濕一濕口就擺低，見我地唔岩飲又問其他口味中唔中意？唔係好明佢係咁推介我地soju既意思係乜埋完單就走嚟問係咪有朋友生日，幫我地影一張即影即有，係咪想係呢度加返啲分數？但係sorry呀，你呢間餐廳已經負左分明明好多店員係度騰嚟騰去，仲有專人企係枱到幫手燒，真係唔明點解我地搵親人都冇人幫手？盛惠$4866永不錄用…查看更多

無論係米線定菜飯都係咁難食首先講左米線先，未食過米線個湯面頭係一層油唔好話叫外賣凍左所以啲油浮係面，我食過好多好食既米線個湯都唔會浮一層油即使係辣湯。另外小窩/ 金湯米線都係帶有肉碎，但係啲肉碎少得嚟仲要全部都係肥豬肉，咁我寧願你唔好比啦，或者不如做好啲先加落去？然後到個菜飯，最基本個飯都係未煮熟成碗都係生米嚟，仲要啲菜係求其擺落去扮菜飯，不如你專注做好米線先啦…查看更多

上網睇左好多食評話呢間唔錯，就決定係到食朋友生日飯，一上到去個門口係靚既，有用心貼近返係日本既裝修，咁都期待呢餐飯首先前菜叫左個海膽豆腐皮，啲海膽睇落已經好唔新鮮黑黑地完全唔想食，份量大約大掌咁多，幾個人一人分啲應該無乜野。個海膽係如我預期中咁難食，完全唔甜，豆腐皮冇豆味之餘連調味都無跟住叫左一個壽喜燒同牛腸鍋，睇食評係大部分人都會叫呢個牛腸鍋，壽喜燒就無驚喜唔洗講啦，隻蛋仲要冇蛋味。牛腸鍋又係完全唔值得叫，又係無乜味，個底就墊好多椰菜同荳芽，咁呢個冇問題既，壽喜燒個底咪又係蔬菜。但係啲椰菜係苦既，成個牛腸鍋啲牛腸縮完之後食得落肚既野都唔多。佢啲卷物搭配幾特別既，叫左個鰻魚鵝肝卷，啲飯唔知點解好黏，黏到未食既話會覺得呢舊係糯米飯，而個卷就只食到面頭鰻魚果陣味天婦羅更加係唔合格，炸漿唔夠脆仲要同件食物分離啲串燒都係燒完完全係聞唔到香味，係食緊食材本身既味道，雞腎同雞頸食完就得一個反應：完全係唔得，真係求其入一間居酒屋都好食過佢最好笑係佢啲飲品，巨峰提子梳打係覺得自己飲緊梳打水加色素，提子味同甜味完全係零講完啲食物，講佢啲餐廳裝修張木枱唔知點解整到勁高，晾手上去係完全唔舒服，啲木枱一陣兼價感覺，餐具感覺上係淘寶都可幾搵到晒成套職員係唔會特別走嚟同你介紹餐牌或者留意客人需要，冇野做就企係到玩手指成間餐廳質素係對唔住個價錢，唔會再幫襯，好多年無食過一間野咁難食，絕對入到人生頭3位…查看更多