pig0309的個人專頁

本來懶得留食評,不過見之前幾位既comment好唔公平,所以就參與下.:)我總共去過三次王子火煱,頭兩次都係用團購$188牛魔王拼盤和$268至尊海鮮船,第一次3個人(2女1男)食牛魔王拼盤和至尊海鮮船,另外加咗花膠,豆腐,菜,仲有幾樣嘢食,埋單連埋團購總共$7XX蚊,我個FD(佢第一次食團購)話勁抵食,我話差唔多啦,佢話佢同女朋友兩個人係第二啲地方,咁樣食呢種質素要成仟蚊呀.第二次就我同另一個FD(2個人)食,都係牛魔王拼盤和至尊海鮮船,另加少量嘢食,埋單總共$600.我呢個FD都話好抵食.:)點解我同我幾個朋友都覺得好抵食既時候,有部份人覺得好唔抵食呢?!我試下解構下...1.牛魔王拼盤: 每款牛肉都真係好靚,好好味,係真係有牛味,又唔會韌.呢個份量3個人應該岩岩好.2.至尊海鮮船: 份量係唔夠4個人食飽,我買團購既時候睇價錢同張相都估到,所以無咩失望,不過嗰條魚刺身我又覺得幾好食喎,其他海鮮我亦覺得新鮮好食,如果呢種質素每樣海鮮單嗌肯定唔止呢個價,所以我係好滿意.呢個份量2-3個人都係岩岩好到第三次去係因為之前團購既時侯送咗兩張$100現金卷(滿$400可以用一張),所以再去幫襯,3個人今次食咗花甲海鮮煱,牛肉拼盤,花膠,桂花蚌,桶蠔,魚咀,魚頭,田雞,豆腐,金姑,菜,炸腐皮,所有食物(除咗金姑)都係中上貨色,幾好食,埋單$1100,減咗$200現金卷,即係$900,每人$300,講唔上好抵,但係我認為可以再食.我同我既朋友覺得抵食係因為啲牛肉,海鮮同其他食材都好新鮮&好好味,所以$300一個人頭,我地係覺得係好抵食,但係如果閣下係食慣$100-$150任食嗰啲,我勸你唔好去王子火煱,因為根本係唔係你杯茶,我咁耐都只係去過2-3次任食火煱,好似好平,但係任食既質素全部係劣質嘢,下價貨,我實在唔會花幾個鐘食呢類嘢食.唔同人有唔同食法,我係寧願俾貴少少,食好少少,所以如果接受到$300或以上一位食好味既火煱,我係絕對推薦王子既!!!…查看更多

我早兩日已經打去訂定位,講埋用團購喇.早咗半個鐘到,不過唔係好多人,所以一去到就有位喇!!我地三個人嗌咗:生牛肉>>都幾好食:)刺身(和風三文魚+劍魚南+赤貝)>>都算厚身,味道唔錯:)蟹子沙律>>普通燒蠔>>普通燒帆立貝>>幾好味廣島蠔鍋>>啲蠔唔細隻,配料都唔錯,抵食另外仲有7-8款壽司,水準叫過得去,呢個價錢ok啦.:)現場有三個伙計(兩男一女)招呼我地,兩個男侍應都好有禮貌,叫嘢都無咩甩漏.不過個中年女侍應態度就好差,埋單既時候呼呼喝喝,我嗌埋單嗰陣俾張coupon佢,佢大大聲聲話我地點解唔一早講用團購,我話訂位嗰陣講咗喇喎,佢話咁樣有權唔俾我地用,跟住仲繼續嘈嘈嘈,好似我地犯咗罪咁,佢仲唔訓氣走出去睇下我訂枱有無講,睇完知道有喇,都仲走番埋嚟話訂枱講完,嚟到要再講,因為啲同事行開行埋唔知點喎.跟住仲發晦氣話唔收信用咭,我心諗係唔夠幾錢唔收定完全唔收呀?????都費事理佢,張單$555,扣咗團購尾數$180,我俾齊頭,一蚊貼士都唔益嗰女侍應,出門口先私人俾番貼士個男侍應,但係食緊糖水先記起俾漏咗另外一個男侍應tim,唯有下次啦.平心而論,如果無團購,$185一位都算抵食既,但係有個咁既女伙計就咪攪喇!!!:(…查看更多

千祈唔好去!!!!!必定後悔之選如果你想同啲朋友舒舒服服聚餐,可以傾得開心,就一定唔可以係度食!!!!!!或者你想同男/女朋友浪漫情調,傾心事,都千祈唔好去!!!!!!!:(今晚有朋友生日,所以我地特登預早成個星期前book枱.我打電話book咗7:30pm枱,佢confirm咗之後就收線.到晚飯當日下晝,佢打嚟confirm我地會到,之後就話9:00pm正要交番枱俾佢地!! 嘩!!!你早講呀,大佬!!!早知就唔book啦,但係星期日要book第二間餐廳都已經趕唔切,咁唯有照去啦..........7:30pm 去到等咗10分鐘就坐低,7:50pm開始嗌嘢食.當時都無咩特別嘢.8:10pm 我地加嗌多啲嘢食,嗌完之後,男侍應就話"喂,你仲有無嘢要加,有就嗌埋,你地9:00pm鐘要交枱",個樣寫住"叫嘢食你地就一次過啦,分幾轉,好多時間呀?"8:25pm 上多碟嘢食,收隻碟,男侍應眼神凌厲,好似嫌我地食得慢咁,又話"你地9:00pm鐘要交枱"8:40pm 男侍應又再嚟問"你地有幾杯餐飲,飲咩?嗌埋啦,你地9:00pm鐘要交枱"8:50pm 又係男侍應嚟上埋嗰幾杯嘢飲,又話"以家上埋個蛋糕俾你地,你地9:00pm鐘要交枱", 跟住我終於忍唔住話"如果係呢度食飯係有限時間,咁我第一次book枱你就講定,我可以唔book,唔好今日下晝先突然間講", 佢話"我地一定有講囉,個個book枱,我地都會講!!" 我話"你地真係無講,如果係明知咁趕,我地唔會book" 佢話"我地晚飯分三輪時段,所以一定有講!!" 我話"以前無分時段架,而且我以前walk-in都無聽過" 佢話"有咗幾個月架喇喎,你無可能唔知" 我心諗,你咁講,即係無論你地有無講過,我都應份要知啦??!!咁即係剩係做熟客生意啦??你唔乾脆話**生客與狗,恕不招待** 佢語氣好差仲話"無可能無講,我地同事一定有講,可能你聽唔清楚"我聽唔清楚???你估我撞籠咩????真係俾佢既垃圾態度吹到啤一聲!!!!!!!!!!!即係千錯萬錯都只會係客人既錯!!!!!!!!!8:55pm 我話"咁唔使上蛋糕喇,我地埋單,個蛋糕我地拎走得喇"全個過程就係咁吹吹吹吹吹吹+趕趕趕趕趕趕,由頭到尾,一句"唔好意思"我都無聽過,俾$$$食飯仲要睇你面色,無嘢呀??!!你估成個元朗,得你一間西餐食呀??!!你既態度,我以為自己食緊茶餐廳呀!!!!!!我俾$200一位唔算貴,但係都一定唔係平囉!!!!咁既服務態度其實真係好少見!!!!離哂譜!!!!到我地走嗰陣,根本就無人等緊位,既然係咁做咩事要係咁吹呢???我一定永遠唔會再幫襯!!!!!…查看更多