jacky128的個人專頁

女朋友想食好啲，所以揀咗間米芝蓮嘅餐廳食嘢，入到去冇乜人，感覺環境幾靚，位置都坐得舒服，揀咗個平平哋嘅套餐食，佢嘅牛肉真係幾好食嘅，但個粟米真畫蛇添足，完全唔知有咩好食，裏面大部份人嘅年紀過咗40歲，證明依間適合老人家嚟嘅餐廳，或者上咗年紀鍾意寧靜嘅地方，個景幾靚，但係冇窗口位安排到，最後尾嘅甜品都唔錯，但係個龍蝦湯唔好飲，服務好好，不停咁換碟，會好有禮貌叫你個名，如果想試服務嘅依間唔錯，但野食就一般般，仲有陣老人院既感覺。可能我唔係佢嘅目標群體。…查看更多

今日年30諗住同屋企人飲個靚茶，食左幾個攞獎既點心，總體黎講唔錯，但埋單個陣諗住去櫃檯埋單個陣，有個肥婆女侍應大聲呼喊，埋單要座係到等，勁無禮貌，全場都聽到，仲要慢慢處理你張單，埋單係要慢慢等。想要俾人開年既可以去試下佢啲優質服務，真係覺得佢無認真落服務到既訓練。佢寫字樓熱線永遠打唔通，投訴唔到，唔怪之得服務咁好，因為無人俾到意見佢啊，封閉自己好易，門面做幾靚都無用，服務差到一個點，所以個老闆一定好錢，所以開到咁多分店。…查看更多

今日落完雨出發去食好西，發現蒙麵竟然無人排隊，梗係同同事衝去門口等佢開門，其實自從米紙宣傳左之後好多人排隊，而佢座位有限，第一輪最多座12個人，而老闆負責煮麵，佢母親負責落單，家庭式既舖頭風格，舖面無咩裝修，一落完單好快就上左碗麵，叫左糖心蛋、魷魚同埋大腸，加多兩舊叉燒，叉燒咬落去好彈牙，肥瘦適中，麵嘅湯底叫咗蕃茄薯仔湯，感覺好似屋企自己煮出嚟咁，加埋啲餸，感覺好豐盛，食完感覺好飽，但要我排隊再食就不了，唔值得排隊，花蛤湯底要加錢，要36蚊，食茜麵抵好多。…查看更多

離開左舊公司一排，終於約到一班一齊辭職既同事食飯兼散水，舊同事就book左依間餐廳慶祝，傾下大家既近況，估唔到一到現場咁多人排隊，book左1點既位，都要等30分鐘，估唔到要咁耐，證明佢有一定既江湖地位，等左一陣終於到我地入座，睇完午餐有咩食之後決定叫三個餐share大家一齊食，感覺可以食多啲，餐跟野飲同甜品，叫左杯無味既疏打特飲，真係飲水好過飲佢，主食都好平均，唔算太出色，可算一般，甜品waffle 一般般，唔算出色。…查看更多

同好朋友一齊去食好西，去之前好熱門既蝦蝦燒，好耐之前岩岩開個陣排長龍，所以一直無機會試，今日難得好朋友放假一齊去食個靚飯兼遊水，就一早book左佐敦既蝦蝦燒，中午去到全場得幾台客，可能真係熱潮已過，唔駛訂台都有位，位置幾舒，座位邊有金魚缸，好多新鮮既蝦😎，一開始已經有一堆蝦做頭盤，再加出面有鮑魚、生蠔燒，仲有啲凍左既熟食，唔知點解無野暖住，唔通要用個爐燒返熱。最好食係燒大腸、生蠔、燒菠蘿等等。可以試一次，返食就不了，價錢太貴。…查看更多

Lunch 想食炸髀，咁就去左依間食，平時都好Full下，係紅磡廣場數一數二既食肆，有人排隊證明係信心保證，排隊個陣見到個個都叫炸髀，仲可以加太陽蛋落個飯到，加埋自選汁及飯或意粉，可以好多組合，有別於一般既快餐店，所以叫左個太陽蛋炸髀飯黎食，一上台仲係熱氣騰騰，炸髀既脆裂聲同調味一流，給人食慾大增，感覺老店果然寶刀未老，現場除炸髀其他食物都唔差，聞到香味陣陣，所以可以翻食，試下老店既味道，翻食指數5粒星。…查看更多

諗唔到食咩好嘢之際，隨便搵左間餐廳食，入到感覺有裝修但無服務，可能疫情，老闆請少左人，點餐好似放題咁QR code，咁 點完個二人餐，轉頭就上菜，啲野食一般，臭豆腐一啲都唔好食，其他可以，仲要限時用餐，當左自己係一間出色既餐廳，究竟係憑咩俾信心佢可以定價收咁貴，如果好食又唔同哦，最緊要係好一般，試一次就足夠，下次唔會再食😂😂一啲台灣既元素都無，除左佢個店名係地灣地方名，我感覺自己食緊茶餐廳咁，可能依幾年茶記好出色。…查看更多

無意中見到一間台灣野，咁岩見到佢有位，就入咗去嚐試一翻，叫左個炸雞便當，每塊炸雞好大塊，見到都流曬口水，佢啲配菜好野味，加左個甜不辣，炸雞好脆，幾好味，可以再返食，下次會再來…查看更多

簡簡單單有生蠔同其他熟食，生蠔今次係美國蠔，感覺比上一次食大隻，但海鮮種類繼續以往一樣都係無龍蝦🦞，感覺海鮮一般般，選擇好少，價錢算平有八八折，總括黎講已經好過好多酒店自助餐，算係一般般，熟食好味既有幾樣，但唔特出，可能係懷舊既味道。如果好食既未必一定輪到佢，但又唔算太差，只想講有得揀唔會再幫襯，但地點算方便近旺角同太子，地點所以揀佢，同埋早一個星期都book到位。仲有一點係人太多，排隊拎野食好似輪街症咁😝…查看更多