Kimdachi的個人專頁

星期六等食飯諗住去飲杯嘢，諗住要一杯啤酒和順便redeem個薯條（以前放工喺中環飲得太多儲落嘅）。入到去冇乜招呼，跟住水又冇杯，叫個職員過嚟落單，有位鬼佬職員過嚟，又都唔多like，好似我叫佢做嘢咁🤷🏻‍♂️。見話飲杯嘢加redeem個薯條連張餐桌紙都收返，呢個鐘數得嗰兩枱客，唔想做咁就不如收舖啦，平時放工去中環同灣仔分店都唔會咁啊🤔。以後都應該唔會有下一次去呢間分店😅其實近排熱門話題說很多舖頭執笠，又話啲人唔消費，但係咪應該反思吓究竟成個行業啲態度係咪有問題呢？又叫人消費，但又這樣的服務態度，點搞呀？🤷🏻‍♂️…查看更多

早幾日去完動漫節再光臨呢間試吓有冇改善，今次就點了招牌醬油拉麵。今次叉燒有改善，肉質幾林不太油膩，蛋和筍有改善，好食。但個湯底繼續都係好油和一味得個咸字，有膽固醇高血壓人士就真係可免則免😫麵底繼續係敗筆之作，一定係出邊啲麵廠交來，啲面繼續係膠的🤡樓面員工算友善，但啲師傅我見佢都幾港式運作咁，即係衛生方面有啲污糟🥲整體而言，如果你對拉麵沒有什麼要求的話，這碗麵是合格的。但收人$128一碗麵嘅話，如果唔係趕時間或者唔需要等位嘅話，會有好多選擇俾你揀☺️…查看更多

周月拉麵，真係每況愈下⋯⋯冇去一排揸車去鰂魚涌店食晏，叫咗招牌沾麵諗住回味下。坐低落單2分鐘都唔夠個麵已經嚟咗，都心知不妙🫤啲麵完全煮定，只係一收到order跟住用啲凍水過一過即上俾啲客，完全淋晒🥶 問個店員起初話即叫先煮，跟住同佢講2分鐘都上到個麵就改口風話呢排處理手法唔同咗（咁即係啲麵煮定啦🤷🏻‍♂️）個湯汁還可以，但和以前個味都唔一樣了，而且啲麵咁樣處理真係完全唔得，差唔多趕客，又唔係多人，得果一枱客😓 以一家在香港都算係老店和對於一個老顧客嚟講，非常失望🫤…查看更多

點了沾麵，連加量總數每人要$136。湯：都幾鹹和幾甜，鹹的程度仲勁過周月個沾麵😰，麵：較一般、有啲煮過頭，質素好似同麵廠拿貨果啲質素，肉：一般肥豬肉咁、好肥🫤，蛋：唔糖心、冇味，唯一唔錯係鷄肉煮幾嫩口、幾好味。唔使排隊等位又係令一個加分位🤪 店內服務算唔錯，而且店舖也很清潔。惟與印象中好似和在東京食的時候整體質素彼有一段距離🤔以一間新過江龍沒理由水準會有咁大差異，是加盟店？還是準備不足？暫時觀望態度，一個月後再試多次⋯⋯ 希望有改善。…查看更多

呢三個月第三次去食午飯，對上兩次食得好開心，燒鵝很好吃，奶粉煮得好食。而今次我就12點前去到，叫咗一個燒鵝瀨加酸薑皮蛋，可能因為頭輪關係，燒鵝一上我就知道賴嘢😅。一睇落去就知道唔係新鮮燒，吃落去感覺好似係隔夜的，而且成碟燒鵝得兩舊肉其他大部份都係骨。講真，你收得咁嘅價錢，最少都俾返些少質素，如果唔係，為何要去你度吃？😅可能覺得我好挑剔，但我兩代人由中環上一代，食到呢代二哥揸旗，到食到灣仔、南華會到銅鑼灣，可能對鏞記嘅印象太深刻。很希望繼續食到上盛嘅燒鵝，希望下一次播放會有所改善吧😀。…查看更多

第一次用openrice apps訂位😎，第一次寫blog😎。諗住試下新地方，聽友人說中午午膳食過唔錯，所以就試下晚餐啦。來到時有Happy Hour買一送一優惠，咁就先來杯Aus 白酒啦😄，㸃第二杯時店員友善地說可選其他同價的酒，咁好第二杯就來杯 USA Chardonnay啦(雖然不太喝酒）😂。食物方面, 質素也頗意外，頗有水凖。時晚叫了一個house salad，grilled salmon, 和beef cheeks。Salmon燒剛好，味道新鮮。而個beef cheeks也煮頗有耐性，須知道這度菜需一天左右準備。整體而言，也是挻好吃的餐廳。唯一要說的可能就是salad份量比較少吧😎。…查看更多