投訴人的個人專頁

工作地點西環，三上就在公司附近，所以一班同事成日都會去食，服務員態度一日不如一日，趕客咁，Book兩點枱永遠都比說話你聽，Last order:2點半喎，3點你地就要走啦，得唔得丫～咁都得！切餅費：50蚊喎！我想講，我地係依間餐庁切過N咁多次蛋糕啦，從未收過切餅費喎！跟本服務員就唔想我地幫襯，三上老細，好心你睇下咁多食評啦！改善一下，再係咁，你將會一間間執笠。食物方面：午餐價錢就越黎越貴，分量太縮水，連一個女仔都話唔夠飽。跟餐小吃方面，越黎越無得揀，迫你食沙律。…查看更多

係西環區工作差不多三年，每天不斷係網上尋找西環美食，11月16日終到黎到依間老字號遠逵士多一試，當我坐下看看牆上有什麼想食時，女店主好有禮貌地推介：今日番茄雙魚飯好正喎！起初，因我未食過番茄魚又怕鯹，而拒絕，改叫蝦醬炒飯。女店主拿著一盤冷飯對我說：今日D飯麻麻地。我感覺好像想叫我改其他飯吧！咁我就改她推介的番茄雙魚飯。點之，佢將自己手上個盤冷飯拿入微波爐叮熱比我，連番茄雙魚都係叮熱，好失望，想叫我最鍾意飲的奶茶，都無叫！食飯時，飯中間還未熱，唯有叫她再加叮。隨後，男店主送上熱騰騰的例湯，令我加了不少分。最後感想：雖然舖頭又細又舊，但係好乾淨衛生，就算佢係開放式廚房都唔會感覺油煙味，來幫襯者太多已經是熟客仔，收銀伯伯，婆婆，廚房的男店主，廚房的女店主，坐在店裏，三十分鐘不夠，已經感覺到街坊街里嘅親切感，如果時間多的話，坐在這兒看看書，嘆杯奶茶，真係人生一大樂事。我會再黎的，有一天想食三文治，火腿蛋公仔麵的話（一定係即煮，無得番叮）。如果為左食飯就無興趣啦。…查看更多

剛上Openrice搵食,見到小fish所寫的「背脊骨落」！實在太正，好中point！我都係隔咗好耐先寫食評，但我仲記憶猶新，那當我想約朋友食飯，唔知揀邊間好呢？我就記得W square分店經理那一張張不可一世面孔，實在討厭，令到我再無光顧灣仔分店！本身我是一個鐘意食西餐的人，亦都Tony's Roma membership，無憑有什麼優惠，我email都會收到通知。2010年頭（太約新年的時候）收到食滿$200可減$100的優惠卷，第一次用這張卷，經理己經同我講，話下次要印埋個email address，我都己經奇怪，張卷無寫到話要印埋email address見可以用喎，咁都算啦，比人話一句啫。第二次用，我己經好聰明咁，printed 埋email address，今次無嘈我丫（好彩咋，同朋友黎，為左張coupon嘈，真係肉酸）！第三次用，我亦好聰明咁用我男友email address，點之個經理認得我，搵番第二次個張printed coupon出黎，話我己經用過，唔可以再用（個場面好似鬧交咁）！我話依個email address不是我喎！都唔明點解唔用得囉！加上搞coupon政策不是想多D人光顧嗎？個經理咁做，不是趕客走嗎？最討厭佢最後一句：依張優惠卷最終決定權係我地，好嬲囉！完全似乞食的咁覺。W square分店由開張我己經幫襯，見過他經常換服務生，由其那個經理完全都無做好榜樣，這位經理應該先要學識什麼叫以禮代客，經理態度咁差，其他侍應都有樣學樣啦！作為一個精明的顧客，我寧願選揀一間服務好的食店，而不是貼錢買難受！…查看更多

全程勞氣的一齊飯，食足兩個鐘，埋單半個鐘，麥火都黎。好彩姐仔話落場喎，所以咁囉！1. 上菜慢，隔幾個字上一碟點心，根本唔夠份，好似爭食咁。2. 不合衛生，我地每人叫左個棷皇焞雪蛤膏，5知點解，有幾個棷皇D肉比人批哂見殼架，諗起都作嘔。3. 服務員永遠睇你唔到，無人加水，執枱，連落單，埋單都要叫幾次，應左你之後都要等等等，等班大帝慢慢行過黎。4. 勁多點心無黎十碟又五碟無到，又唔出聲無貨，埋單又見落左單喎，各位精明食家記得check單，佢計多左我地 $51.9！5. 水晶奶皇飽，叫左兩籠都酸，waiter話無可能，因為好好賣，唔夠賣，所以只可以扣一籠錢，我當然同佢理倫啦！兩籠都有問題扣一籠，佢無問題丫。6.叫一窩雞球麵，等左半個鐘，黎左窩魚米線，叫我地收貨，我當然唔肯啦！唯有再等15mins。6.下午茶時間，十個人埋單$659.9，個個唔飽，無食過咁，重衰過食車仔麵，第一次飲茶搞成咁，比錢買難受。依間好彩係西環區己經算貴價酒樓，無服務+食物質素差，下次我邊有理由再去丫，再去真係對唔住自己，一句講哂唔駛止意我再去~~~…查看更多

31 Dec 08　時間：下午二時一入利園個間店門，賣餅個位服務生對眼生係額頭，沒有禮貎。依間野巴巴閉又話要walk in等位，打左幾次電話（分幾日打）問都話要walk in無得訂枱，接電話個個人重叫我兩點去等，點之我去到時,竟然同我講話比人包左場，嘩！激死我，打黎時又唔講，等我兩點去到無得食，重約左十幾人食buffet嘛！突然間改去邊度食好，為有問個經理有無辦法啦！個經理都唔想睬我架，係吧枱個位先生幫我搞，幫我打去World Trade個問有無位，問左之後個經理叫我去World Trade個邊食，話麥都一樣，我問佢價錢都係一樣168再加一嗎？佢話係，只係地方細ｄ，食物同價錢一樣，點之，當然唔係啦！換黎一肚氣，Buffet比埋ｄ Cheap蛋糕，唔叫佢都唔肯refill，全個晏晝佢地只refill左兩個cake咋，成日拎ｄ cream cake出黎，都唔肯拎cheese cake出黎，賺死佢啦！服務無，無人收碟，隻碟用完再用，埋單188再加一，我同個經理嘈左陣，話利園個個經理話168咋，無計，佢話只可以減加一錢或者收少一個人，可憐我地食左差不多三千蚊換黎依ｄ咁既食物&服務。我話過，無第二次，我絕對唔會再去Cova，依間野已例入黑名單，巴巴閉。…查看更多