babyas的個人專頁

長過手臂既牛油薄煎餅|尖沙咀傳統印度菜跨越半世紀老字號！！呢間餐廳在印度已經超過60年係全球17個國家都有分店。正宗印度餐廳 全球77間分店，餐廳裝修風格充滿印度特色回侍應同廚師都係正宗的印度人，非常傳統，同埋好多印度人都去食！有品質保證，唔驚中伏～🏦人均消費：＄200-300⭐️整體評分：7.6/10📍Anjappar Chettinad Indian Restaurant尖沙咀 長過手臂嘅牛油薄煎餅！！|尖沙咀超豐盛南印度菜🍞Butter Dosa 牛油薄煎餅餐廳招牌要數巨型煎餅，長過手臂，好震撼！Dosa係南印度常見小食，成個薄餅超大，攤開應該有接近半張枱的闊度！煎餅頗香口，雖然後段會慢慢腍咗，但慢慢搣慢慢食都幾得意。可以搭配四種醬汁食：乳酪醬、辣番茄醬、薄荷醬和多種豆類的秘製醬。紅色綠色帶微微辣味好開胃🤤🍗Chicken Lolly Pop Saucy 醬汁雞棒棒糖炸雞鎚亦係呢度必點之一！用竹筒盛載夠特別。望落好似炸得好乾身，但食落有驚喜，肉質非常嫩滑，一啲都唔乾。醬汁帶甜、酸、辣味道好惹味，包覆雞肉令口感更加滑😍Bamboo biriyani 竹筒炒飯$140平時都唔算好好印度米，今次朋友話要叫，都算有驚喜。待應會即場由竹筒倒啲飯出嚟。米粒比較軟身而且味道都幾辣，配隨碟附上既乳酪汁會中和到Chicken Tikka $140雞肉好入味！仲有不同嘅雜菜好豐富，包括有蕃茄仔、洋蒽、椰菜同紅蘿蔔，Tikka鐵板上雞件仲大少少辣好惹味Palak Paneer | 印式芝士菠菜 ＄90將菠菜煮得熟爛，口感溫和，再加入印度乳酪Paneer，乳酪切成小小正方型，第一啖放入口時以為係豆腐，問番店員先知係乳酪乳酪口感富有彈性。BUTTER CHICKEN MASALA 奶油咖喱雞$120去到印度餐廳一定會叫嘅奶油咖喱雞，肉醬香味比較濃，唔會太辣，加入番茄、牛油、葫蘆巴葉黃油醬配上去骨雞，味道幼滑更香更加有層次～雞肉份量都唔少，事前醃得非常入味，就咁食有啲咸，配埋啲烤餅一齊食就絕配！Garlic Naan | 印度大蒜烤餅＄40這個烤麵包烤得像烤餅，食起來像pizza，口感蓬鬆軟，烤過後蒜香四溢。用黎蘸羊肉咖喱汁或芝士菠菜汁一齊食，超正🤩Mango lassi 芒果印度奶昔 $40印度菜必點！呢度既 mango lassi比之前飲過既好香濃嘅芒果味，更厚重更滑，個人覺得好好味！…查看更多

同朋友放假搵好地方聚一聚，咁啱就見到旺角一間隱世Cafe，環境非常舒適，服務態度不錯，仲有好多桌上遊戲，適合一大班人一齊玩！西班牙海蝦辣肉腸燴飯呢個飯十分推介，酸酸甜甜帶點微辣的蕃茄醬，超開胃，每粒飯都好入味，配埋辣肉腸，海蝦，口感十足，有驚喜杯嘢飲都整得好有心機！幾好飲！打卡又好看另外叫咗個小食拼盤裏面有好多多元化，食完都好飽！炸得都好香脆！蜜糖雞翼雞翼煎得外脆肉嫩，面頭佈滿蜜糖，一口落去脆トト的聲，又帶着甜甜的蜜糖味，嫩滑的雞肉，味道濃郁，十分滿足另外加咗錢食甜品呢個藍莓芝士蛋糕，不會太甜，幾好味！…查看更多

今日約左朋友去九龍城食火鍋，依度交通便利，非常容易到達，店內環境地方夠大夠乾淨，四周圍都坐滿顧客，非常受歡迎。打邊爐最重要梗係湯底啦番茄龍蝦湯係我試過最特別的配搭，鮮味得黎又帶點甜甜酸酸，同埋隻龍蝦好 好新鮮 好大隻 ,令人一試難忘當然唔少得我最鍾意食既和牛，牛肉味道濃郁，切成薄薄一片十分考驗刀功，鍾意食牛嘅朋友仔一定唔好錯過，依度仲有海鮮拼盤食， 賴尿蝦，聖子，蜆，樣樣都非常新鮮，配合埋湯底簡直一絕，性價比非常高仲有經常會見到既響玲，魚滑，蔬菜，餐廳仲有一楂楂酸梅湯同竹蔗水， 又平又大支仲有好多小食 例如一口牛 雞翼 全部都好惹味,食到我都差少少唔想走，店員有禮貌又肯幫手，上菜速度快又樂於解答我地既查詢，約定大家下次再去食。…查看更多

刺身拼盤包括有厚切三文魚、甜蝦、赤蝦、北寄貝、螺片、赤貝、帶子、鮑魚片、蟹棒、蟹籽等等，最最最特別係有海膽同生蠔，十幾種海鮮，非常新鮮，味道鮮甜，超正！壽司🍣細細件，吾會太飽🙈💕和牛鍋怕和牛過熟，所以唔係煮完拎出黎，放個爐係客人面前慢慢煮，可以等客人控制火候同時間，牛肉份量非常多，成個鍋全部都係牛，岩曬鐘意食肉既朋友。芝士年糕也炸得不錯👍🏻qq芝士味濃郁磯燒松葉蟹蓋平時真係好少接觸，店員拎個烤爐幫我烤，同一時間比埋蟹籽、青蔥同白飯，其實我都唔知要烤幾耐同點處理，店員見我迷茫就好熱心幫我，原來等蟹蓋同蟹膏開始熱，就可以加入蟹籽、蔥、飯，加埋一齊攪拌，聞起黎已經好香，入口又香又脆，超正，可惜佢有人數限定先叫得，真係食過番尋味。最後有吾同種類雪糕同甜品選擇👋💪🏻💕…查看更多

平時系中環開工，食黎食去都係差吾多，上網睇到近近地有間車仔麵，仲要開到夜晚9點鐘，OT都吾驚啦！而間＂揀得啱車仔麵＂都真係幾特別，裝修充滿文青風格，唔講仲以為入左間CAFE。首先係招牌自選車仔麵套餐，有超過30款既餸自由配搭。基本HKD55仼選3款餸，追加1餸或者加底都係HKD12，覺得係中上環價錢合理。原來碗車仔麵幾夠份量，個人麵底叫左粗麵，另外出前一丁吾洗加錢，都吾錯啊，平時茶餐廳點都要加3HKD。蠔油炆花菇花菇入味，有咬口。無骨雞翼用醬油醃制，好入味，進食超方便。見到＂揀得啱車仔麵＂最近Facebook 有送禮券活動，玩完游戲送＂麻辣鴨血＂HKD 28味道方面麻麻的，不過不會太辣，挺開胃的。估吾到仲有水煮魚，辣度十足。佢地既水煮魚，魚質好滑，份量足夠。如果嫌唔夠喉，再加埋佢地自家製既205辣醬，包你一定辣得過引。千杯不醉雞奕 HKD28，5隻雞肉醃得好軟熟，食落有酒味，仲有杞子養生，價錢亦非常便宜，好抵食。酸辣木耳絲切得好幼細，條狀分明，酸辣有帶點麻，好過癮！咖哩魚旦豬皮雙拼 HKD22爽口既豬皮，爽口彈牙既魚蛋，咖哩非常惹味 下午茶都只係$28蚊咋，D餐兩點半餃餃陣份量都幾多，當午餐食都得仲有好好食既紫菜人氣之選黑松露雞肉餃、香菇雞肉餃、魚皮餃。總括而言，價格合理，份量足夠，味道也不錯，用心之作，值得一試。…查看更多

今日系佐郭工作，放工超級肚餓，行過見到有間幾靚cafe😍漫活堂✅❤️見到佢主打無味精，無雞粉，無激素，健康，有機！都幾岩香港人😆因爲經常食垃圾食物，食無定時。意大利包全日套餐$78原來素食也不錯的😍又健康又好食🙈值得再去食🙈意大利包好鬆軟再配煙三文魚同牛油果 配搭一流仲有沙律🥗裡面都幾豐富🙆🏻‍♀️有生菜，番茄，牛油果，仲有幾樣吾知叫咩名😂新鮮雜果千島pizza$68有菠蘿香蕉奇異果🥝雖然睇落唔好食但食落有驚喜🙈#漫活堂…查看更多

天氣凍冰冰就最岩打邊爐既啦～黎到尖沙咀就試下這間重慶洪鼎火鍋🍲環境都好舒服，二個人有得坐四個人位！9點後有9折，另外$1歎麻辣龍蝦鍋 推出限時優惠，唔食辣嘅朋友都唔使擔心，因為揀鴛鴦鍋都可享$1麻辣龍蝦鍋優惠，有多款特色湯底可供選擇！😂有吾同配料俾大家選擇喲！五色小籠包這個我個人覺得不錯，又好看，特別有趣每一粒餡料都是不一樣的😍😍食每一粒都有唔同嘅驚喜。生菜幾新鮮😽讚好Facebook炸酥肉~不過有點辣！仲有蠔，好大隻，好肥美😍😍冰豆腐口感唔錯，比一般嘅豆腐好食🙈🙈午餐肉佢哋嘅午餐肉有啲唔一樣，厚切，另外有煎過！食起黎嘅口感好豐富！紅薯粉，係幾好食嘅，同出面有少少唔同，幾好咬口，不過份量比較少🤔叫咗個牛拼盤，就可以咩都食到，個人覺得安格斯肥牛最好食！擺盤都擺得好靚！…查看更多

平時見男朋友冇咩食蔬菜，身體唔係太好，咁岩又比我見到間食素菜，個樣又好靚，咁就去咗食啦！我哋係lunch去，都幾多人，最好就book定啦費事等！咁我哋叫咗個lunch意粉，包沙律🥗湯！個沙律幾好食！幾開胃！之後我哋要咗個中湯！不得了呢個湯好好飲，冇咩味精！香芒牛油果🥑苜芽手卷$38我覺得依個菜式，10分有創意，仲要幾好食！啱晒啲唔鍾意食菜嘅朋友😂😂蘆筍素香鬆苜宿芽手卷$28中午lunch set ♥️有番茄好開胃，同埋裏面好多唔同種類嘅蔬菜，超級之健康！手作小漢堡$78個包係熱辣辣嘅，裏面嘅肉好似真肉咁！配埋一齊食好好食！泰式炒金邊粉$98個樣同平時嗰啲就有少少唔同，不過個味道係相似嘅，只係佢無肉，多咗一啲薑味！總括來講幾好食！加咗$10轉呢個藍蝴蝶🦋梨汁個人覺得有啲甜，不過男朋友話OK！冬季限定甜品個布丁係豆腐味，食落去個口感都好似係豆腐咁，芋圓好好食，個汁就好重薑味😂…查看更多

去九龍城以為淨係可以食泰國料理，呢度都有唔少嘅其他食店，今次就試吓依間抵食之選。這裏空間少只有3個堂食的位置！主要是做外賣！不過堂食也可以！我當日就係堂食！中午都幾多人，不過多數都外賣🥡叫咗個鰻魚飯！味道唔錯！飯嘅份量啱啱好！鰻魚好香口！佢配埋野飲！🙈🙈正～好似有學生證仲平D添😻😻因為我幾鍾意食鰻魚，所以又點左鰻魚壽司🍣超抵食！好似$30，6件！之後叫咗兩個卷物～我以為細細件，點知好大份！兩個人食已經好飽！最後我哋去打包走😂😂燒三文魚牛油果卷物好有口感😻😻…查看更多

今日同朋友黎到佐敦金鶴拉麵店，我地叫左一個雞白湯沾麵和醬油拉麵，一人一碗都已經食到好飽，因為份量同味道都一流。先講講雞白湯沾麵，同一般拉麵唔同，餐廳將麵、湯同食材分開，保持食物嘅獨特性，客人可以跟據自己嘅喜好，將麵沾湯，既唔會怕太濃郁，又唔會怕食太慢浸淋晒啲麵，上枱嘅時候碗湯熱辣辣，店員會窩心提示如果碗湯凍左可以幫手加熱番，希望顧客品嚐到最好的一「麵」。醬油拉麵湯底係鰹湯高湯加上日本醬油，味道清新，清淡之中有一絲絲的鹹味，食每一啖拉麵都忍唔住要配一口湯，食食下就發覺啲湯所剩無幾，結果最後食晒啲麵同飲晒啲湯，好好味。另外炸雞🍗也很好吃😋店員都非常有禮貌同樂於助人，見到客人有查詢都樂於解答同幫手，仲會係上菜果時提示番進食嘅先後次序，務求令顧客賓至如歸。…查看更多

今日黎到數碼港行街，數碼港商場一上電梯就見到奧壽司，見到餐廳環境都幾舒適就入去試試。日式生蠔一份有三隻，隻隻都好大好肥美，應該係新鮮即叫即開，餐廳有提供醬汁，但個人認為唔落醬就咁食已經好新鮮好正。冰鎮蜆刺身勁大份，蜆起碼有二三十隻，用冰鋪係底部保持新鮮，食落覺得涼涼地帶住鮮味，口感非常豐富，平時好少機會試到。雲丹蟹粥鮮甜美味，有足料海膽蟹肉蟹膏，餐廳非常貼心，提供工具比客人拆蟹，性價比非常高，超抵食。火炙壽司盛合（特上）係必食之選，因為壽司種類多，可以試下唔同食材唔同的味道，火炙的程度剛剛好，烤過後食材帶有煙熏味，入口更香口美味。鰻魚蟹子炒飯用料充足，蟹子鋪滿成個表面，炒飯炒得好香又唔會太乾身，將蟹子撈勻就更加正，又好食又飽肚，值得推介。仲有不同的燒物！推薦牛舌～十分正～最後當然要呢個甜品時間！芝麻味同紅豆味！…查看更多

大部分隱世美食都係樓上鋪，今次去左觀塘巧明街榮昌工業大廈5樓的丼瀛，超多食物選擇，有串燒、壽司、刺身等等，仲有非常好賣的爆丼，勁吸引。還有串燒也不錯日式豆腐～烏東～芝士年糕北極光海膽杯$198層次分明，食物有用心鋪排，最面層係我最鐘意食既海膽，食落去非常鮮甜無腥苦味，仲有黑魚子、三文魚子、蟹肉、紫薯等等，食物種類多不勝數，但形造出的觀感同味道一流，值得一試。油甘魚海膽爆丼$148食材用料充足，完全冇欺場，油甘魚入口滑溜柔軟，亦不失嚼頭，濃郁鮮甜的魚味在口裹面散發，旁邊仲有一大板鮮甜海膽，加上蔥花襯托，非常美味。…查看更多

早幾日同朋友行街，想搵間餐廳坐下傾下計，朋友提議去孖啡，佢話又有得食，又有得玩，咁我地就上去坐下。一入門口就見到好多遊戲選擇，適合唔同年齡既大人同小朋友，適逢當日係萬聖節，孖啡亦有裝飾品應節，一個個裝飾掛係天花板，幾新奇有趣。因為已經好肚餓，所以我地就拎起餐牌叫左野食先，我就叫左個芝士焗吞拿魚天使麵（$66），跟餐只需再加（$28）配個芝士蛋糕，朋友就要忌廉煙三文魚配天使麵（$76），依個價錢仲包埋一杯（$38）蚊飲品，可以講得上係價廉物美。餐廳上菜速度好快，轉眼間就可以試下芝士焗吞拿魚天使麵，芝士遍佈表面，食落去非常多汁，香口好味，忌廉煙三文魚配天使麵，餐廳花心思將三文魚擺成一朵鮮豔既花出場，好睇又好食。食完主菜就可以上甜品，芝士蛋糕味道香濃可口，出場形態岩岩好，一方面唔會硬到切唔開，另一方面又唔會已經融化，恰到好處。餐廳環境舒適寧靜，可以一邊食一邊玩，價錢相當合理，適合三五知己聚首一堂。…查看更多

今日同男朋友去左女人街食飯公司食飯，午市精選套餐都已經有十幾個選擇，心大心細諗左好耐先捨得落單，我就鐘意新嘗試，古法生炒牛肉脆米飯個名吸引住我，好奇心驅使我試一試，男朋友就叫左個椰香咖喱牛腩配白飯。椰香咖喱牛腩配白飯香味十足，牛腩軟硬適中，份量亦相當之多，配合埋白飯同咖哩汁，相當飽肚。是日例湯係蓮藕湯。古法生炒牛肉脆米飯真係好脆，講緊既係佢啲飯同平時食開既好唔同，米飯經過特別處理，牛肉全部切成一小粒，平均分佈在脆米飯內，每一啖都好有口感。套餐加配凍飲只需加6蚊，我地分別叫左一杯凍檸茶同一杯凍奶茶。午市精選套餐時間長，11點30分直至16點30分，無論係午餐定下午茶，都係一個價廉物美既好選擇。…查看更多

今日專登同男朋友黎到佐敦一間拉麵店，店鋪位於一條偏僻既小巷，店內卻有數之不盡既美食，依間拉麵店就係金鶴拉麵。店內的裝潢設計很有日式風味，店員亦非常貼心有禮，幫我地將背囊放好，有熱茶和冷茶任君選擇，每個座位都提供濕紙巾抹手，非常全面，我地既位置剛好可以看到師傅的烹調功架，真係大飽眼福。我地叫左非常出名的雞白湯拉麵，拉麵主要係由黑豚、牛蒡、溏心蛋和慢煮赤雞合製而成，牛蒡高高在上，保持脆脆的口感，兩片慢煮赤雞放左碗邊，避免雞湯浸軟，黑豚和溏心蛋配合上蔥花置中，麵條較為粗身，最底部則有香濃鮮甜的雞湯，仿似一件藝術品。這個雞白湯拉麵非常非常好吃，我把湯都全部喝光，這個拉麵真的非常出色，值得一讚。 元祖煎餃子，皮薄餡靚。燒雞泡魚乾，配合沙律醬一流。日本明太子雞翼，少骨多肉多明太子。沖繩阿古豬燒肉串，脂肪分佈平均。…查看更多