maykatrina的個人專頁

7點半去到，等三幾分鐘就可以入左去坐底，地方唔算大但都幾闊坐得舒服，唔似一d放題店迫到夾死人。每次食放題都會先叫d冷盤開下胃準備擦餐勁 叫左八瓜魚、螺肉、中華沙律同魚籽沙律。八瓜魚都幾有肉食，唔似之前係另一到食放題要係d汁到大海撈針。螺肉都好大粒，十分足料，味道唔錯。魚籽沙律夠清新開胃，沙律醬份量岩岩好。 熱既煮物都ok,肉類煮得好入味，但最鍾意佢既炸天婦羅 &芝士年糕，天婦羅炸得好脆口，炸粉夠薄；芝士年糕好好味，意料之外的唔膩，食左幾舊都唔會覺得好滯。送既海鮮鍋包埋既有扇貝、蟹、和牛同蜆，蜆好大碟，非常新鮮清甜。自己落手蒸都唔洗擔心，餐牌上面清楚列明蒸熟幾款唔同食物所需時間，嘩鮮甜肉嫩到拍得住蒸氣海鮮專門店既海鮮，又鮮又唔會老。我地幾個姐手姐腳，侍應姐姐好好人成日過黎幫我地整同夾蟹拑、又提我地夠鐘喇  。超抵讚刺身，三文魚件件都好厚身肥美，口感好好冇腥味。三文魚Fans既我地鯨吞咗數碟，即時覺得回晒本  ，叫左幾轉食到停唔到哈哈。推介牡丹蝦超級大隻，非常鮮甜，咁既價錢食到神級蝦刺身真心難得，一定要食！整體食物質素不俗，尤其係刺身真係好正。價錢合理，而且服務態度好，侍應好友善有禮之餘上菜速度又快，下次要帶其他朋友再去食過!…查看更多

早幾日妹妹畢業禮完左之後，同屋企人就去左妹妹推薦既宮崎燒肉放題食餐勁既。係旺角E出口行2分鐘到就到，夠哂就腳，方便全家出動。一入到餐廳，職員們都好有禮貌，而且環境都好舒服。之後當然二話不說，瘋狂點野食。食燒肉前，當然唔少不得到要點刺身食下先。個人認為大少切得岩岩好，唔會切得太厚，驚好快食得太濟，而且刺身都好新鮮。個人點左好多甜蝦，推薦大家必食。當然唔少得呢個8色燒肉，用左8種醃料醃每一碟肉。之前都聽過，但今次真係第一次食，亦都係我覺得全場最特別既燒肉。佢分左一半雞肉一半豬肉，而本人最推薦山葵味，肉質鮮嫩而且口感豐富。另一必食推薦就係香草羊架，本身都幾怕食羊因為驚會騷。但呢個羊架完全無羊騷味，而且燒起上來好鮮好juicy，配返少少sauce 簡直係一流！而佢隻大蝦巨型到有小小嚇親！啖啖肉不突止，肉質都夠鮮甜！除左食肉之外，佢都有好多小食選擇。而本人最鐘情於天婦羅，因為實在有太多選擇，比起市面上食開既多幾款。岩哂我呢D天婦羅FANS。此外，牛油金菇都好值得食，真係好香，而且份量又岩岩好。總括來講，呢個餐廳選擇又夠多，價錢合理。最緊要係食物質素又唔差，而且服務態度都好好，職員既效率都好高！呢餐飯食得好開心！…查看更多

好少系元朗⻝早餐今次就試左元朗廣場隔離一間叫綠怡既餐廳$27一個餐 加$5可以轉波蘿油個波蘿油 系有檸檬味 勁香勁吸引可惜無影到相呢個奄列的加左白汁好特別 同奄列都好夾好好⻝⻝完之後仲想叫多個總括黎講系抵⻝又好味…查看更多

琴日同朋友⻝銀咖喱 叫左2個飯都系$80!呢個水準黎講系抵⻝炸雞扒蛋包飯:通常系出面⻝都要$70-$80 呢個只系需要$40就⻝到 好抵!賣相吸引 ,份量都好足,一個女仔⻝可能會⻝吾哂炸雞扒炸得岩岩好 易咬 個蛋吾系全熟 ⻝真系好正炸雞飯:雞粒都炸得好香口 吾會太老 配汁⻝飯好開胃 好飽肚不過⻝炸野通常都會好濟 所以2個飯都系⻝吾哂出示學生證 仲有野飲送 吾怪得次次黎到都要排⻑⻯…查看更多

起身系附近既五十嵐⻝左個早餐叫左2個餐 40幾蚊 早餐黎講算系貴其實豬軟骨拉麵 話就話系招牌 但系吾覺有咩特別加左七味粉先覺得有味沙嗲牛麵 呢個價錢黎講 真系有d貴而且都系好普通 不過不失下次會試埋個lunch…查看更多

同朋友系屯門行開 就去左富泰商場⻝野見到一間⻝上海野就入左去試朋友嗌左個口水雞飯佢話好辣但我覺得還可以 系幾好⻝幾入味$40幾都算過得去自己就嗌左個豬扒撈米線好普通 比我揀多次應該吾會嗌…查看更多

去完City探個fd，佢同我黎左品香樓食野，話呢度係好多city學生既飯堂，行左15分鐘左右就到，間鋪好大，唔洗等就入得，都見到好多學生黎食，叫左兩個野食，其中一個係沙拉骨，如果唔係炸得咁熱氣既話都可以成日黎食，仲叫左杯出名既凍朱，啲cream好肥，但加左真係好飲好多。…查看更多

屋企人有haagen darz現金卷就到期，所以就黎左食野，叫左個三球雪糕食，60幾蚊，但係都幾大球，平時我黎只係食草莓味，今次可以試埋其他，發現綠茶都唔錯，仲有個新味係檸檬，好開胃，岩哂夏天食，haagen darz果然保持水準。…查看更多

同3個愛蕃茄之人一齊黎食呢間餐廳，見到個menu都流哂口水，我就叫左個豬手蕃茄螺絲粉，一個人真係食唔哂，4個人叫3個就應該岩岩好，食到大半就頂哂肚食唔落，小辣有小小刺激但又唔會影響到個蕃茄味，可以試下個小辣。但係餐廳位置就唔多，記得早啲黎拎位！…查看更多

呢度有蠔食，上次黎就食左，但今次同fd黎就無食咁貴，每人食左100蚊左右埋單，還可以過得去，呢度有好多海鮮食，但如果食海鮮就比較貴，今次食左蝦同蜆就算數，仲有叫左普通羊架，燒茄子，牛肉個啲。…查看更多

聽朋友講話呢間雞煲幾好食就黎試下，叫左一知小辣一個中辣，個中辣一開始叫都唔係好辣，但可以叫佢加辣椒，後來都還好，麻味好重，食完條利有少少麻左既感覺，叫野食都黎得幾齊，好少有漏單情況發生，但味道就唔係特別好味，普普通通，但可以黎試下另類辣味既雞煲。…查看更多

係沙田返學，放學多數都會黎手作食返個雙球雪糕，今日前係沙田同fd食完飯，同佢地一齊黎食返個飯後甜品，薄荷朱古力係我既最愛，平時就加草莓味，今日前就試下個朱古力味，兩個朱古力一齊食好膩。但係飯後甜品黎講都幾抵同幾正，可以一路行一路食。…查看更多

好耐無食烏冬就黎自家烏冬食，好耐之前都黎食過，我記得個陣食係幾好食，但係今次食就大失所望，成碗烏冬都麻麻地好食，湯又唔夠熱，雞肉又鞋，下次唔會再黎食，而且服務員等好耐先經過一次，等埋單都等左5分鐘，等到燥燥地…查看更多

平時成日經過但無入過黎食，見到個焦糖蛋好似幾吸引就入左黎，個環境唔錯，幾似高級餐廳既感覺，餐具同底盤都係即棄但整得幾靚。焦糖好脆，叫完落糖漿即燒，食落甜度適中，蛋又唔會好膩，夠creamy，整體上唔錯。…查看更多

見到呢間沾面店咁出名就黎試下，但睇地圖搵都搵左半個鐘，個位真係好隱蔽，唔識路好難搵到。講下個野食先，沾面有3個選擇，我就揀左黑蒜味，而且面底呢度係自家製，今期有辣椒面揀，但我就怕辣無叫，個湯幾濃郁，但就略咸左少少，塊肉就好正，有少少燒焦味，又林，最後加埋水飲埋個湯，正！…查看更多