ap8jn2fy8t2p's Profile

之前食過lunch, 覺得佢啲咖喱都幾好食今次一家四口晚市再去幫襯叫咗佢個咖哩四人餐 $468但佢嘅前菜同薄餅竟然全部都係3件⋯⋯全部要我哋問佢先煮返多1件比我哋其實叫得4人餐就係所有嘢岩岩好⋯你唔應該整個4人set又小氣咁比3人份嘅嘢食人最後甜品仲衰，見隔籬枱一人套餐嘅甜品係一份完整嘅Tiramisu，佢上比我哋嘅甜品係將嗰份Tiramisu切開一半上2碟比我哋，切一半都算，仲要又係得2碟，姐係一人得4分1😂咁小氣嘅餐廳，下次唔會再去食了難怪隔離屯門咖喱屋排晒長龍，佢就冇人食，係有原因嘅⋯⋯…Read More

第一次comment 都要送比呢間餐廳 可惜冇相機食先嘅習慣 點估到會差成咁 我哋5個人lunch 叫咗炸饅頭 炸豬扒撈麵 炸魚柳辣死你阿媽飯 老鼠粉 肉骨茶首先炸饅頭我真係第一次見咁細粒饅頭 大概一個5蚊銀嘅size 👍🏿👍🏿好好奇起邊度買返嚟然後炸豬扒撈麵塊豬扒炸到黑晒，又乾又硬，好似食緊紙皮咁，個撈麵就好似炒公仔麵咁再嚟炸魚柳辣死你阿媽一樣炸到又乾又嚡，塊魚完全冇味個椰漿飯都好難食，但我覺得可能係唔岩我個人口味姐，我唔評論咁多老鼠粉呢，都ok 嘅, 係咸咗少少肉骨茶都正正常常啦整體嚟講，我想用垃圾嚟形容，又貴又唔好食，假期仲要冇lunch set, 目測至少3枱客入嚟睇完餐牌之後就走咗。無下次架啦，byebye!…Read More