chrisyeah的個人專頁

早聞這間cafe味道不錯，難得三連假，去Chill吓歎吓。星期日下午3點到cafe是滿座狀態，等咗兩張枱，可見cafe有一定客量。慢煮手撕豬腩窩夫三文治（$116）這裡最特色的是窩夫三文治，點都要點一份。手撕豬腩放得整齊到似漢堡扒，帶著很重的肉香味，一分開肉絲，肉汁流出，加上炙過的芝士，賣相非常好看。 窩夫一般給人的印象是甜品，但因這是配咸食，甜味減卻不少，但留下鬆軟口感。慢煮牛面頰肉配扁意粉 （$172）牛頰肉很軟腍又入味，而且肉量都幾多，醬汁估計係用紅酒做汁底，再加入黑椒令菜色更為惹味。意粉似是有輕輕炒過，單吃有淡淡的蒜香，配上醬汁食又是另一種風味。單品咖啡（$70）職員介紹咗來自雲南的咖啡豆，酸苦味適中，再加上淡淡的果味，連編者非咖啡愛好者都覺得很好入口。多莓果茶（$46）很重的黑加倫子味，就像抽走了大部分甜味的果汁一般，酸酸地，很開胃。…查看更多

蟲二開了都有一段時間，置身於旺角的活化舊樓頂層，感覺能過渡疫情的小店都一定有過人之處。餐廳有分室內及室外位置，夏天加上這幾天都時晴時雨，室外沒什麼人，但室內則是滿座狀態。一汁三菜 - 烤芝士漢堡扒伴海苔肉鬆（$150）附有食用步驟，汁是鰹魚昆布茶高湯，而三菜則是慢煮蛋、副菜（高湯蔬菜凍）及六選一的主菜。淡淡的鰹魚湯主要用以泡飯，蔬菜凍晶瑩剔透，看到裏面包含了西蘭花、紅蘿、秋葵等，睇得又食得。漢堡扒兩大塊，非常鬆軟，加上肉鬆，很下飯。旁邊的其他客人也有點這個也讚。半湯烤五花腩片冷麵 配蒟蒻拉麵（$155）最近想少食些澱粉，有蒟蒻拉麵就對了，味道有少少似中華沙律，拉麵份量多，所以都好滿足。而五花腩厚厚一片，肥瘦均勻。黃豆粉蕨餅紅豆配雪糕 （+$30）一汁三菜其實還可以追加甜點或鹹點。這甜點可算是經典組合，幼滑雲尼拿雪糕配搭煙靭蕨餅，以紅豆作為味道上的點綴，為晚餐作結最好𣎴過。Cappuccino ($38)這店還有不少咖啡，飯後不好甜，飲咖啡也是不錯的選擇。…查看更多

最近都沒跟老公去吃好的，難得三連假，就去食個西餐開心吓。餐廳內的一片書牆及Bar 枱都格調滿滿，充滿英式風格。 價錢亦不算貴，如編者點了二人餐4-course，$598已有餐湯、頭盤、主食/主菜及飲品。餐湯 - 意大利雜菜湯，附上麵包，正正常常但調味略為重手。頭盤 - 鵝肝薯仔千層，鵝肝大塊厚身，入口鵝油滿溢，連薯仔酥都帶點點鵝香。頭盤 - 磯煮凍鮑魚，上面加上蟹籽，令鮮味更加突出。鮑魚本身亦爽口彈牙易切開。主食 - 蒜香蜆肉扁意粉，勁多鮮甜大蜆整齊舖在碟邊，意粉本身蒜味都幾重，上面還有不少乾蒜片，帶輕微的辣，十分惹味。主菜 - 慢煮澳洲M4肉眼扒，5成熟，切開已見到相當粉嫩，肉眼油香十足。薯蓉有顆粒感，奶味偏重。餐飲 - Berry Run，加$38試了一杯經理推薦的mocktail，menu上也沒有，希望無聽錯名字。。。是藍莓同乳酸的組合，酸酸甜甜，食得飽飽地fresh一下剛好。…查看更多

旺角搵食行行吓見到一間招牌立體醒目人龍天婦羅店，裝修好yo充滿昭和感，牆上貼滿海報，座位像是拉麵店。另外一入餐廳向上望不是“いらっしゃいませ”，而是“ばかやろう”，帶點玩味。天婦羅可以自選再配一個主食，同時附上味噌湯，漬青瓜及橙，一上餐整個盤都滿滿的，非常豐富。天婦羅都是即叫即炸，所以上餐時間會久一點但值得。因為每件都炸得好，粉薄，裏面依然嘗到原料的汁水，而且不會過油，完食後墊底的吸油紙也沒沾到太多油。當天兩人試了十款，穴子、鮮帶子、廣島蠔、黑虎蝦、牛肉餅、帆立貝、紫菜蝦膠、茄子、金菇及蘆筍。好欣賞餐廳有勁多款可以選擇，並非來來去去都是蝦、魚、茄子、竹輪、蕃薯之類。其中最推薦穴子及黑虎蝦，穴子魚味重又大條；黑虎蝦脹卜卜，像是看廣告的形狀。其中一個主食冷烏冬，芥末味濃，放入冷麵汁也能突顯出來；味噌湯帶有海鮮味，這兩樣也令我印象深刻。另外點了芝麻雞翼，炸到金黃色，內裏肉嫩，連翼尖都唔想放過。最後上期間限定的甜品 - 炸菠蘿雪糕，菠蘿是罐頭那種。燒菠蘿食得多，用炸的真是第一次食，加上海鹽雪糕，雪糕的咸甜加上菠蘿的酸甜，是一種味覺衝擊，無諗過可以夾到，非常滋味滿意。…查看更多

幾年前曾在西九返工，圓方是必經地點，過咗幾年估唔到食肆都唔同哂，其中一間就係呢間東南亞菜。係得圓方裝修一定有返咁上下，座位寬鬆舒適，設計高雅。泰北青咖哩脆炸軟殼蟹意大利飯 ($236)青咖哩本身非常惹味，香辣得黎不失椰香地佈滿每一粒飯。飯粒用西班牙的做法，呈半生熟的狀態。軟殼蟹炸得鬆脆，加上花瓣作裝飾，打卡滿分。自家製腐乳蛋黃醬單骨牛油雞翼 ($108)雞翼炸得香脆乾身，有微微的牛油香。醬汁以腐乳及蛋黃醬混合而成，兩者幾match又特別，沾滿醬後咸香濃烈，是另一種風味。越式香茅烤豬頸肉 ($128)豬頸肉表面微焦，內裏軟嫩，調味帶甜。配上冬陰公醬料，酸酸地的青檸味突出，好有驚喜。熱帶賓治 ($62)酸酸地開胃之選，加上兩片橙乾，有種夏日感覺。…查看更多

去杏花村買波鞋順便試下呢間以乾花作主題，配著一個古式浪漫的店名 - 《走過十萬八千里找到你》的餐廳。每張枱都有一支香薰蠟燭，伴著香氣食飯，令人放鬆。餐湯 - 南瓜湯啖啖南瓜蓉，真材實料。三文魚子炙燒蟹棒明太子貓耳朵蟹棒燒得微焦，增加香味，蟹棒有靭性帶鮮味。除咗面層的三文魚子，也有不少蟹子混入貓耳朵當中，同時用明太子醬令整個粉有creamy感覺。帶子蟹膏蟹肉意大利飯帶子鮮味有口感不在話下，意大利飯軟硬適中，每啖也有蟹味，但又不會覺太膩。淹沒杯中的曲奇雪糕，倒入黑咖啡，既能在雪糕溶掉前品嘗冷熱口感的甜品，也能待雪糕溶化後變成類似雲尼拿咖啡的味道，既是甜品也是飲品。香蕉朱古力奶昔朱古力味較蕉味濃，仲飲到少少朱古力碎。兩杯飲品都配有乾花，影相都靚啲。…查看更多

紙婚前夕，提早慶祝一下。來到時代廣場13樓一間叫SUL JIB的韓式居酒屋。不少靠牆座位都有一塊薄紗遮蔽，增加了一點私隱度。是日不太想吃澱粉質，因此點肉居多。先來兩小碟泡菜 (辣白菜&大豆芽)作開胃菜。白切肉拼生菜包飯醬 ($240)白切肉排成工整的圓扇形，中間放著辣蘿蔔泡菜及葱花，每片白切肉厚度平均，比坊間厚。近豬皮部分十分Q彈，不覺油膩。除了大醬及蝦醬外，滿滿的生菜盤下還藏著辣椒及蒜片可以夾肉享用，可惜到最後一塊生菜時才發現。和牛三文治 ($398)輕微烤過的薄麵包，夾著超厚的吉列牛。 目測牛肉約7成熟，肉質軟嫩，加上特製醬汁，將肉味更為提升。牛肋骨 ($520)個人最鍾意食痴骨肉有少少筋位，肉同筋都非常軟腍。肉味比和牛更持久。配有薯蓉、冬菇及蛋絲，冬菇勁入味，先生還要留到最後才吃。燒香蕉配朱古力醬 ($88)香蕉中間切半加了一層焦糖，不沾朱古力醬已夠甜，所以可以用來點藍莓及草莓；但更重點的其實是布丁，蛋味濃厚，質感綿滑。柚子梳打 ($48) & Peach Black Tea ($32)兩杯都唔會好甜，較為清爽，食肉解膩一流。…查看更多

大半年前去過北角店，就覺得食物質數不錯，列入了我的回頭店清單內，約朋友去食九龍灣分店。跟北角一樣，枱上泡菜、泡菜爐邊蛋和粟米芝士是無限添食，等開始焦底食就最正。濟州特上豬拼盤 ($328)豬排極厚身又入味，醃料帶甜味；五花肉薄身但肥瘦相間分明；豬下青即豬頸肉，軟滑爽彈；豬皮本身已熟還醃到甜帶辣，燒到微微焦香入口滑溜，且好像有層膠質補充骨膠原。厚切牛小排 ($168)油花均勻，牛味濃郁，厚切令牛肉咬下時更突顯其油香。質數高但份量較少。食堂蘋果梨汁雞肉 ($88)份量依然十足，以水果醃肉令肉質更軟，且入口帶甜。芝士明太子石頭飯 ($88)石頭飯較濕，飯面有幾種不同蔬菜及菇，加上帶少少咸香的明太子醬及芝士，一個不錯的組合。朱古力綿花糖 ($55)綿花糖在爐上烘一烘後放在朱古力消化餅上，以其熱力溶化朱古力，再夾一塊普通帶咸的餅，既簡單又好味。巨峰葡萄 & 濟州特飲 ($45/$32)燒肉點少得凍飲，兩杯都好清爽。…查看更多

圍方大約一個多月前新開咗一間重慶粉麵店，記得開張時勁多人排隊，一個月後晚飯時間竟然唔洗排直入，價錢尚算平民價就當試吓。門口無人安排座位，唯有直入，坐咗一陣都無人理，問待應點落單，先話一陣比QR code。其實無問題，但之後入內的客人就比人叫返出去，有個待應仲話 “咁樣會搞到我好亂架”，叫啲客出返去等位。招牌麵 - 酸辣木瓜金湯底 ($69)即係有大雜會好多餸既麵，可以揀米線。走咗鴨血，豬腩肉、魚片都算唔錯，不過其他就相當普通。湯底唔算好辣，食完未算勁口渴，但打嗝時感覺個味有啲刺激，唔太鍾意呢種感覺。咖哩雞丁蓋飯 ($58)完全覺得係罐頭或即食包倒出來的咖哩。。。雞肉勁柴。。。唯一可取係搭咗幾條菜心。熱豆漿 (+$10)跟主食半價，味偏淡，同唔明點解浮面勁多泡。…查看更多

隨著大量打卡café湧現街舖商場，個人已較少去樓上café。但被一張明太子意粉的相片吸引，找到了這間默默用心製作的樓上餐廳。餐廳如傳統樓上café，藏在銅鑼灣的一幢舊樓內，單位不大，裝修簡約溫馨；座位不算多，但這樣更能照顧每位客人需要，而且也可以靜靜地傾計。Set Dinner 價錢$200-$300，有前菜、餐湯、主菜、飲品及甜品，用餐後完全覺得性價比高。前菜 – 素食雜果沙律沙律菜新鮮爽脆，加上新鮮的香橙、草莓、提子及藍莓，擺盤精緻繽紛。前菜 – 煙三文魚他他 (+$35)咸香的煙三文魚粒中混入碎洋葱及青葱，頂層鋪上香橙，帶入清新。餐湯 以南瓜作底加入粟米蓉的忌廉濃湯，兩樣清甜的材料混在一起，味道濃稠。主菜 - 炙燒北海道帶子配蒜香明太子扁意粉 ($202)吸引我來的菜式。坊間餐廳大部分選用明太子醬，但Groovy卻用原條明太子(切半)，底部的忌廉汁呈粉紅色，打卡一流。明太子本身咸香味濃，因此意粉調味較輕手予以配合。帶子略燒表面夾在明太子及意粉中間，軟嫩鮮甜。主菜 – 慢煮安格斯封門柳配阿根庭青醬&炸薯條 ($299)封門柳切開排好，肉質柔軟，肉味濃郁，再鋪上有少少辣的阿根庭青醬，增添層次。配菜竟然有烤焗蒜頭，以為食一粒口會勁臭，但又無想像中咁厲害，而且入口即溶。椰菜仔烤過也不覺得味道好青。甜品 – 伯爵茶意式奶凍佐雪糕奶凍濃厚細滑，加上雲尼拿雪糕，雙重享受。飲品 – 熱香茅薑茶 及 Cappuccino (+$10)…查看更多

唔知大家有冇留意港島除咗中環，其實港島東都有個蘇豪區，位於西灣河海傍。海傍一排過都有唔少酒吧西餐，靜靜地拍吓拖都幾好~隨意入一間餐廳/酒吧叫 Social Bar & Grill，裝修設計走傳統英式路線。而餐牌都有好多選擇。New York Style Pizza – Meat Lover ($178)用架墊起，新鮮出爐勁熱辣辣， 雖然無乜拉絲，但水牛芝士焗溶哂好似有少少流心感覺，薄餅底鬆軟，外邊鬆脆。舖滿辣肉腸、香腸、煙肉及有點雞肉，其中辣肉腸比坊間辣一點，更惹味。份量亦好大個，不過好味既野總係唔覺唔覺就食哂。Grilled Peri-Peri Chicken ($228)源至葡萄牙的霹靂烤雞，醬汁輕輕有點辣。切開四大件，分別為兩隻雞脾及雞身，每個部位都醃得好入味，仲有少少檸檬的香氣。雞脾嫩滑，雞身則啖啖肉。Banana Chocolate Milkshake ($68)奶味偏重，但不失香蕉味，上面有幾粒彩虹朱古力碎。食飽飽再係東區海傍行個圈都幾Chill!餐廳似乎星期一、三、四都有唔同優惠，有興趣可以試試。…查看更多

今次真係要讚吓自己，搵到呢間高格調西餐廳，環境裝修媲美酒店。週五晚上爆場，受歡迎程度不可忽視。先來餐法包，配上海鹽牛油。香煎慢煮牛柳伴日本南瓜杏鮑菇 配牛肝菌牛肉原汁 ($308)5成熟調較得啱啱好，睇到既鮮嫩多汁。牛柳脂肪含量少，油香一定無肉眼西冷重，入口肉味卻超重，用餐後口內仍留有肉味，就知道廚師完全無辜負舊肉。 配菜的南瓜杏鮑菇都無馬虎，燒到表層微焦香脆，裏面軟腍。蟹鉗肉蟹黃南瓜意大利飯 ($248)意大利飯中間放滿碎蟹肉及南瓜粒，擺盤精緻。 蟹黃相信係混入咗飯中，所以每啖除咗有南瓜的甜，仲帶有蟹鮮甜，配合得宜。香煎帶子 配粟米濃湯 ($98)沒錯，湯是配菜! 大大粒帶子才是主菜! 帶子也是微焦，內裏鮮嫩Juicy。湯是上菜時待應倒入碟內，粟米味濃而creamy，同時碟內有粒粒燒過的粟米。Berry Well & Bird's Eye最後點了兩杯cocktail，兩杯都好打卡，味道清爽。…查看更多

在公司努力完成report後，諗住食好少少獎勵吓自己，可惜中了個小伏…..Dinner set 包的餐湯，叫了一紅一白，但兩款都唔夠熱，只是微溫。紅湯正常質數，而白湯似茶記奶味過重個種…….另一併附上的蒜蓉多士也是正常水平。烤美國黑安格斯西冷牛扒 配飯 ($158)叫咗5成熟，切開覺得應該唔止，無鬆肉粉，不過成塊肉無乜肉汁同好柴，連近筋位都好柴……咬到牙胶都攰………鮮三文魚.北海道帆立貝.野菌忌廉汁天使麵 ($88)好大份，帆立貝偏細，不過呢個價位差不多，可接受； 三文魚一小片一小片混入意粉中，可惜偏腥；意粉正常，醬汁不多不少條條意粉都沾到。…查看更多

好耐無行海港城，發現呢間玩具反斗城旁邊有間裝修日系又對海的cafe。餐廳中間仲有少少襌味。脆香原隻豬手伴酸椰菜。香辣薯角 ($258)豬手一上枱勁香，已分開幾件，每件都大大件，豬皮燒到脆卜卜，不輸德國餐廳，係略咸咗些少。薯角好厚身，仲有黑醋醬作調味的沙律，非常豐富。set dinner包餐湯同飲品，當日係南瓜忌廉湯，creamy但仍有粒粒口感，仲落咗少少杏仁片。Ohayo蜜瓜雪山熱香餅 ($128)餐牌上寫著每日限量12份，切半蜜瓜上放著梳乎里pancake，再加雲尼拿雪糕，以星星脆米作點綴，打卡滿分。食到一半發現中間還埋藏咗啲啫喱。既是飯後果又是甜品，最後連個蜜瓜都被我們刨得乾乾淨淨。…查看更多

The Chippy係一間傳統英式酒巴，食物主打Fish and Chips，魚類有兩款選擇 - 鱈魚或比目魚； 份量亦相當有彈性有10oz, 5oz 或者 淺嚐2塊或4塊。冰島鱈魚塊薯條 (4件) - $128鱈魚厚身，咬開見魚肉一疏疏咁，有鱈魚應有的柔韌度；表層粉薄鬆脆。加上份量十足的厚切薯條，啖啖薯肉，令人滿足。水牛城雞翼 - $688件單骨雞翼，容易食用；味道酸酸辣辣好開胃。即使黏滿醬汁，雞翼依然皮脆肉嫩。芝士圈 - $686件芝士圈，size均為一至兩口食哂。以麵包糠作為外層粉漿包著芝士圈炸，入口酥脆。芝士味濃郁但並非會拉絲個種。牛肉批 - $78食得太飽打包咗返屋企做宵夜面皮有啲似酥皮湯既酥皮，但牛油味輕啲。 牛肉餡好香，牛味亦香濃。餐廳同時提供素批滿足一班素食者。LILT - $58其實是菠蘿加西柚味的汽水，香港好似無見過。味道偏酸一點，但又啱哂食炸野解膩。…查看更多