ข้อมูลส่วนตัวร้าน 塵翹

見尼間嘢近期咁Hit念住嚟試試啦！一去到門口就有個哥哥仔好有禮同我地講，暫時未有位要稍等，等都唔係問題，食好嘢一定要等我好明白，但佢跟住就攞住個破欄嘅膠餐牌同我地講今日Menu內有部份店品係冇嘅，咁啱就係我最相試嘅楊枝金露，最攪笑嘅係綠茶雪糕&雲尼拿雪糕都無，OMG 尼度係食甜品咖，選擇已經唔多，仲要尼樣又冇果樣又冇sheet 最後叫咗個香蕉夾餅&蘋果金寶，先講夾餅外脆內軟口感不錯，但唔香冇乜味，金寶嘅蘋果茸味道一般，做得比較濕 兩樣嘢都冇驚喜，真係唔會有下次，最後都係要去隔離食份子雪糕滿足番自己…ดูเพิ่มเติม

同男友街去大坑搵吓食，冇意中見到尼間拉麵店好型，一於走入去睇睇試試 ，全部以吧檯型式好有日本車仔檔感覺 我叫咗個蝦湯拉麵，湯底非常香濃嘅蝦味配上爽口彈牙質感好好嘅拉麵相當完美，好味到我連湯都飲埋，男友就食黑豚拉麵，湯底同樣濃郁，拉麵同樣唔洗再講質感好正，睇睇吓原來旺角都開咗分店，咁下次唔洗過海都有得食啦！…ดูเพิ่มเติม

家姐話成個月冇食Pokka好掛住尼度嘅墨汁意粉，咁就一於今晚再開餐啦！去到又係要等位不過預咗，又係指定動作先留電話即閃去Shopping 等Call最近要Keep fit 所以order 一客凱撒沙律 ， 材料十足有牛油果/煙三文魚/蝦肉/雞肉，配汁酸微微非常醒胃，家姐就梗係墨汁意粉啦！佢話雖然得兩粒但好大粒，意粉有口感上次有張貓屎咖啡Coupon未用就等我今日試試啦！侍應生哥哥話而家做緊推廣加$10可以加骨膠原喎，仲話飲完會靚D，如果即時買有關產品又有特別折扣優惠，可以靚喎我同家姐又點會走寶呢，即管試試又加咗骨膠原粉嘅咖啡又真係幾滑，加埋侍應哥哥極力推介仲話佢個靚女經理日日都飲所以咁靚，所以我同家姐最終都買咗一盒返去試吓…ดูเพิ่มเติม

今日又係我忙裏偷閒嘅日子之前有朋友介紹我嚟，但一直都冇時間嚟試吓原來真係一個優閒下午茶嘅好地方 cheese cake 味道相當不錯green Tea brownie 細細個鐵板上，自己淋上綠茶醬都幾吸引啊Green tea cappuccino 用碗飲好有中西合璧感覺Matcha Genmaicha Marone 味道一般啦！不過尼度得兩個服務員，雖然等食等等好耐，但見到佢地已經盡晒力都唔好意思追…ดูเพิ่มเติม

今日因工作需要去青衣城，喺我念住一個人唔知食乜嘅時候，男友突然出現喺我面前，佢話知我過嚟做嘢又冇人培我食嘢所以比個驚喜我真係未食都甜到漏，行過門口見到入面環境唔錯有落地大玻璃見到有船隻經過應該都幾好情調，睇埋個 Menu 有二人 High Tea 好似好抵食咁牛奶布甸味道不錯，其他就一般貨色全部麵包都係整定晒都包“又濕又淋”講到服務一般啦！上餐時間超快，好似好趕時間咁有幾好環境都冇用啦！…ดูเพิ่มเติม

男友揸車話車我去食個美味早餐，我就即管睇吓有咩特別，去到山長水遠食早餐?去到見到前舖有好多唔同嘅麵包男友話就係要帶你嚟食包喇! 一坐底男友已經話等佢話事叫埋嘢食唔洗我費心，先嚟一碟淨包有三種唔同嘅麵包，有法包/提子包/仲有唔知咩包，睇落冇乜特別，搽上牛油 & Jam 一放入口驚喜就嚟喇，D 紅梅 Jam 好好味呀！係新鮮自家制咖絕對唔係罐頭產品，跟住仲有兩款三文治睇落個包好似好硬咁，入口真係外脆內軟，好味到唔識形容，配埋我喜愛嘅Latte 簡直好似我同男友咁係一對絕配…ดูเพิ่มเติม

先嚟一碗牛肉麵湯底味道不錯牛肉又夠淋好入味食完一碗咁好味嘅牛肉麵，念住甜品及飲品都應該有所驚喜點知錯晒，一杯有益力多味嘅芒果沙冰，見到粒芒果咁大粒以為好正一放入口酸到要死男友果杯仲攪鬼，有葡萄適味嘅Lipton生果茶最後精彩啦！叫個焗多士個侍應又話焗得耐叫我落定order 先，點知5分鐘左右已經上檯，擺明係焗定啦！但又唔熱中間嘅粒粒包乾掙掙難食到爆!一定唔會再有下次題外話，尼到嘅服務勁差，我想行去搵廁所姐，個經理凶神惡煞咁問你去邊呀！廁所喺出面，尼度有廁所，行錯路都唔洗咁惡咖嘛，今時今日咁嘅服務態度真係唔得囉，仲要係經理喎…ดูเพิ่มเติม

今日同事訂咗檯一去到就有位同上次一樣自己配搭愛午餐海鮮湯用龍蝦湯底有幾粒切碎嘅蝦肉湯底比上次浠身唔濃郁仲咸咗D]三文魚唔鞋口ok la,朧脷柳肉質都嫩滑但個汁底比較多及咸咗少少燒豬都幾香口又唔係太肥甜品係酥皮伴雪糕賣相ok la 但冇驚喜服務方面講真真係不錯，續度菜慢慢上，見我仲有同事未到就問我地需唔需要等埋先上菜，上菜時間又控制得啱啱好…ดูเพิ่มเติม

同家姐去完宜家過返過嚟諗住去食碗正宗嘅日本拉麵，我地叫咗個二人午餐，先嚟兩個小食鐵板豆腐冇乜特別，三文魚剌身入晒雪完全唔掂，家姐要碗豬骨湯叉燒拉麵，no good lor 湯底淡完全唔係Menu內所介紹濃郁真正豬骨湯lor,我叫咗個鐵板炒麵仲差麵又淋又濕差又咸，服務方面梗加唔掂，方源百里舉到手軟都冇人睇到你lor …ดูเพิ่มเติม

同男友上次食完Pokka後見到好多人排隊，今日決定嚟試吓，我叫咗個魚生飯，魚生未食睇落都幾新鮮賣相都好靚，食落都唔錯喎wasabi係 用新鮮嘅唔同對面元氣果D（用粉開）麵豉湯就咸咗少少，男友叫咗個滑蛋豬扒丼飯，服務員教我地將滑蛋汁撈埋飯食會好味D賣相都唔錯，服務方面感覺有D死板，有人入嚟就大叫兩句日文感覺冇乜誠意可能人手短缺，個個都做到目口目面…ดูเพิ่มเติม

好朋介紹尖沙咀尼間西班牙餐廳好抵食，由餐前飲品……湯……主菜……飲品及甜品都可以自選配搭都係$150左右一位我先選咗個凍湯湯底湯濃郁味道不錯咖啡同甜品一般，但服務相當好，續樣菜慢慢嚟時間安排得好好…ดูเพิ่มเติม

嚟好九龍灣都唔知食咩好嘅時候睇吓水牌原來德褔都有Pokka Cafe，既然上兩次食過都唔差，今日男友生日就帶佢去食吓好嘢啦行到門口竟然要等位，但門口個哥哥好好咁同我講大部份人客都係食緊等候時間應該冇咁快，可以留個電話號碼然後去Shopping 先有檯就會call我，佢仲提醒我手機開番響聲怕我聽唔到好細心啊！大約半個鐘後收到電話線通知終於有得食喇!一入到去有個四眼哥哥同我講天氣凍不如比兩杯暖水你地好唔好?唔洗講梗係好啦然後就介紹今晚晚餐係……咩咩咩又可以選擇跟餐湯或者沙律見佢咁有誠意就叫咗兩份晚餐，男友要咗入份沙律廚師真勁原來南瓜做沙律係好好食咖夠特別認真不錯，我要南瓜蓉忌廉湯熱辣辣可以先暖吓個胃，男友話羊扒肉質都好滑唔鞋口又唔算太肥very good wow !我嘅軟殼蟹意粉都唔差啊軟殼蟹炸得香脆意粉份量又唔太多（啱晒我要留半個胃食甜品）餐飲可以加$15飲藍山喎!我嘅至愛咁就梗係加啦！最後就係我第二至愛 Tiramisu 格格唔洗我再多講啦！男友都戀上咗我叫嘅格格多士巧巧味啊!男友仲話下次要帶埋佢媽咪嚟試吓…ดูเพิ่มเติม

出到尖沙咀突然好想食梳乎里，亞妹話不如去太平館啦！梳乎里又夠巨大可以Share先嚟三份什扒餐有頭盆沙律細細碟味道及賣相都好懷舊，牛脷夠淋，牛扒肉質都算嫩滑，豬扒都好鬆軟跟住係主角超巨大梳乎里，雖然要最少半個鐘，但都值得嘅…ดูเพิ่มเติม

去完機博睇完Magic show揸車返屋企順路去嚟食碗牛腩麵先，原來E度唔止牛腩正牛丸都一樣有水準，口感同平時烚吓烚吓果D唔同冇咁實，入口好有鮮肉味，一食就知係手打嘅牛根都正喎軟硬中適口感不錯，魚皮夠薄夠脆口，簡直係超正嘅一餐宵夜…ดูเพิ่มเติม

早幾日喺荃灣食過Pokka唔錯，今次嚟到將軍澳這間分店喺門口見到個Menu好似有些小唔同，跟住就有位職員走出嚟向住我晒口咁介紹一下，原來真係唔同咖，這間分店有好多唔同嘅鐵板餐供應，但可惜我已經食咗Lunch而家只想食甜品，侍應姐姐即刻又打開本Menu比咗D超吸引嘅甜品我睇，比我感覺佢很有誠意，好想我入去幫襯咁，唯有就範啦，同家姐叫咗個Tiramisu格格多士，等咗差不多30分鐘有點不耐煩，於是問侍應姐姐，她回應因為焗爐order比較多所以可能等得耐咗，但她很細心見我好心急就即時幫我去問吓水吧仲要等幾耐，之後回答還要等多5分鐘嘩嚟到原來真係大堆頭啊!好彩叫咗一份姐賣相吸引入口香脆tiramisu醬又味道適中唔會太甜好好味啊雖然係等得耐D但都值得等嘅，最後點都要再飲多杯香噴噴嘅藍山咖啡先入口甘香……正!…ดูเพิ่มเติม