dimah的個人專頁

今日同家人去西環搵嘢食，行吓行吓…….諗起以前喺條後街食過嘅鷄白湯拉麵唔錯，即刻行去睇吓有冇位。行到入條後街，發現之前食過果間”彩麵”啲師傅唔同咗，門口啲相又唔係我哋之前食過果啲，正猶疑之際，發現佢對面又有另一間新嘅鷄白湯拉麵。過去新店睇吓門口啲相，係同我哋之前食過果啲一樣，問佢攞個menu睇吓，係同之前果張一樣。望望入面，認倒個女㕑就係之前”彩麵”果位。入去試咗，係同以前個味道一樣。一問之下，原來係之前果間已拆伙，總廚自己出嚟開嘅店，唔怪之得啲味道同種類keep倒一樣水準。好味，支持小店，我哋會再返嚟…查看更多

之前見到好多人話唔錯，所以同個朋友一齊去試吓，點知好失望😞………. 個包唔得，感覺好似超市買到果啲包，啲牛亦比較一般，雖然唔係死實實果隻，但又唔係好有牛味，真係一般，但價錢係抵嘅。overall會覺得係比m記好少少，唔可能係推介嘅漢堡包……. 究竟係希望越大失望越大，定係我哋唔好彩，食中佢冇咁好嘅兩個漢堡包? 唉，真係好好好失望……. 由滿懷希望咁入去，到失落地行出嚟。不過，佢唔係難食嘅，只係唔會屬於推介果個級數。。。…查看更多

因為見到評分都唔錯, 滿有希望咁去試, 點知好失望😞———-Burger:包係凍嘅牛肉好薄好薄、冇味生菜同蕃茄ok汁……. 唉———-Chicken burger:個包都係凍嘅但件雞算厚身, 熱嘅, 炸粉略多, 頭一啖係食炸粉比漢堡包好———-薯條:薯條係唔錯嘅, 比啲包好好多, 味道同口感都幾好, 唔會好似果啲炸定哂放到硬哂嘅快餐店。———-韓式炸雞塊:可歸入中伏劣食行列差唔多全部都係炸粉, 加少少韓汁———-兩個包sets食咗百幾蚊, 其實唔係算好平。整體係超級失望☹️可能係希望越大失望越大… 冇expectation入去食可能會好啲…查看更多

黑毛豬幾個朋友推介, 個個都話黑毛豬黑毛豬黑毛豬... 終於抱住半信半疑的態度打去book枱，點知日日full哂! 唔忿氣, 結果book咗兩星期後。今日終於去試, 行到去工廈, 唔唔唔~ 上到餐廳, 咦, 幾有style喎。食乜嘢? 當然係試黑毛豬啦！朋友叫了魚子手造意粉。頭盤揀咗風乾牛內火箭菜。大家share食。然後, 由頭盤至主菜至甜品, 每一道菜都有專人嚟講解材料、煮法、及食法。而我們每道菜式試一口之後嘅反應都係:「好味喎!」「得喎！」「層次幾豐富喎!」最後, 我們問waitress嘅係:「請問下星期有冇位?」…查看更多

第一次試依間, 好有驚喜！朋友推介去到美孚食日本嘢。去之前有點懷疑屋苑內嘅日本嘢可以有幾好食............一行八人, 唔知叫咩食好, 全靠師傅發板, 越食越有驚喜。刺身真係好夠鮮味, 完全好似喺日本魚市場食咁好味!!! 北寄貝、蠔、海膽、吞拿魚腩, 尤其出色！由前菜到刺身到壽司到手卷到湯到甜品, 每一樣都十分鮮甜。臨走嚟果個甜品, 冰凍嘅桃sherbet, 令全晚得以完滿👍🏻原來真係屋苑小店都可以好好味。…查看更多