moyuen的個人專頁

呢篇食評唔係D咩指控亦無意追究d咩只係描述當日既情況出黎因為上次黎試過野食同服務都ok所以先會再黎試但就遇上本文中所述既經歷上次黎食過覺得都ok甘岩屋企人都有興趣於是今次再黎試下點知…… 餐湯係南瓜忌廉湯另外有鮮牛油果大蝦黑醋沙律都ok的嗌左4個主菜比較好食既係香蒜忌廉水煮蛋煙肉野菌意粉意粉幾滑野菌都好香 敗筆就係我屋企人食食下發現有條長頭髮係入面不過見都係小問題所以就算喇香煎刺身帶子菠菜醬意大利飯開頭就甘望都唔知係乜之後先知係撈左菠菜醬意大利飯所以碟野係綠色個人覺得還好不過有屋企人表示個醬偏甜香烤紐西蘭羊架，牛仔腸配薄荷乳酪汁我地嗌左七成熟屋企人果舊好un !我果舊反而無乜野燒烤醬焗豬肋排配薯條沙律，芝士溶岩醬又係上檯果陣唔知佢係乜食落好少肉好快就食完一條…… 甜品嗌左cheese cake同埋綠茶紅豆奶凍後者屋企人表示偏甜我呢啲甜品控就覺得甜度還可以而且都食到少少綠茶既苦澀味(ps. 無影到cheese cake)綜合大家既意見 野食真係一般 upset 但最無奈既係個服務 話說有個waitress 係隔離bar 檯執野果陣 唔小心跌左隻用過既鐵匙羹仔落黎因為鐵匙羹仔上面有液體 (唔知係咖啡定乜) 所以我屋企人隻鞋就整污糟左shocked 我都明白真係會好易冼手但果個waitress 一句sorry都無淨係遞紙巾+斟水就算數我其他屋企人開到話「啲人sorry都無聲」 都繼續無反應 !反而係bar檯入面整緊野既人(唔知係咪老闆娘?)都有出黎講唔好意思同埋比左d 濕紙巾但果個waitress 仍然都係無講任何野成餐收加一服務費感覺呢七十幾蚊真係好唔抵比 !總結八百幾蚊但野食一般仲令屋企人唔開心真係超唔好既經驗dislike平時真係好少比負評但呢次真係忍唔到huffy 重申一次呢篇唔係批評只係甘岩遇到甘既經歷短期內都唔會黎可能要等一排先希望下次黎試果陣會睇到改善 !…查看更多

七點左右未入去已經見到好多人係出面排隊好彩我地book左檯 !我地嗌左羽衣甘藍煎餅加左芝士同埋蘑菇topping不過食唔到芝士味...........韓國水梨卷水梨味道清甜整成飯卷都好match幾正 ! 青檸牛油果麻藥炸雞其實青檸係幾開胃牛油果醬都好滑身不過有啲雞炸到好乾素．仙人掌果卡邦尼湯底+素．拼盤 + 韓國四彩手拉素麵勁大朵雪耳 ! 其他配料味道都ok另外四彩手拉素麵煮完都係好QQ !恰到甘上下就無咩湯叫人黎加湯係加啲幾似豆乳既野不過個底真係幾creamy既野飲方面我地嗌左水果覆盆子紅醋飲品係幾開胃 !(ps呢個唔記得影相!)不過個柚子冰茶一開頭飲係勁淡最後先知原來係個店員無撈勻就走左搞到D 柚子蜜沉晒係底 (因為另一個店員係我地面前撈勻個紅醋先走)btw撈勻返個柚子味真係出返黎呢餐食左過1000蚊雖然有coupon可以減50蚊但個人覺得唔係好抵野食係ok但又未去到驚艷既地步而且仲唔係平特別係個火鍋湯底同配料係要分開嗌真係唔算抵…查看更多

今日一行六人黎食唐宮小聚 嗌到成檯野食拌蟲草花。上海燻魚。貢菜海蜇開胃菜既感覺白玉王鴿熱辣辣食就最正25蚊一隻真係好抵好彩比左手套因為食完真係成對手套都係油黑金流沙即係流沙奶皇包真係好流沙 不過要小心熱 !脆蝦多士雖然我麻麻地食蝦但都覺得炸得幾好味黑松鮑飯好香黑松露味要撈勻先好食(因為好多汁係底下)btw由於無分到D鮑魚黎食 (因為唔係好大塊)所以唔知鮑魚整成點 椰皇燉雞原隻椰皇上個湯好清甜應該無咩味精不過d雞肉就煮到出晒啲味所以食落又硬又無味猛虎咬豬五花腩好肥美真係要配埋個刈包食先平衡到肥膩感紫蓉豬豬豬仔既外表好得意唔知點解我反而係食到芋頭味................?同埋聞落反而仲香過食果陣黑醋雞花黑實實既外表唔知係特定點大家都覺得啲醋整得偏酸長輩仲覺得搞到棚牙好酸反而菠蘿仲甜啲 !所以呢個大家都覺得麻麻火焰菠蘿上檯即場點火燒菠蘿係幾Eye-catching !但唔知係咪食得太飽又唔覺得炆牛腩特別好味😅ps 由於得12張相可以upload所以pose唔到成個菠蘿出黎總括黎講呢間野都幾好味啲餸上得都快但又夠熱…查看更多

兩個人黎到譚仔三哥就緊係要食過橋米線喇朋友仲提出想加底(即係多啲麵)雖然要加12蚊不過當碗野上既時候我覺得12蚊都抵比因為米線既份量真係起碼多左個double(密質質甘鋪晒係隻大碗度)食完真係好滿足除返都係每人$31.5抵呀 !下次想挑戰下食少少辣因為今次都係嗌清湯乍…查看更多

夜晚約左個朋友食士林台灣麵 差唔多每次黎食都係揀紅燒牛肉麵今次既湯底無上次甘油 而且牛肉亦比上次 "林" 另外每人嗌左杯奶茶 諗住解下渴 不過返到屋企都係要勁飲水睇黎個湯底都仲係好重味精…查看更多

呢間係聽人介紹既 因為6點之後入坐 所以食清湯牛腩麵就平少少 (由52蚊變46蚊) 雖然都仲係有D貴 不過都為數唔少既牛腩 仲要每舊Size都唔算太細 腩肉連住既白色筋膜好有咬口 所以我覺得都算唔錯 …查看更多

未入去呢間舖店員就已經話比9折我地 但事後我地先知有道小食係要比錢仲要成70蚊 ! 等我地仲以為係免費送(雖然係幾好食,,不過都幾貴) 野食都算多選擇野飲方面 揀左店員推介我地既Sweet day 個selling point 係杯野係有益力多味 但材料係無益力多喎 結果我地係飲唔到益力多味架..................... 食到少少酒既澀味不過可以用隨杯附上既棒棒糖去中和下反而另一杯Blue Diamond 樣靚之餘又幾好飲 ! 野食方面 嗌左忌廉芝士煙三文魚波 芝士控表示好味 !因為真係有成舊cream cheese比塊三文魚包住 不過有朋友唔係甘鍾意食芝士就會覺得好漏 !西班牙特式炸角仔我覺得一般可能係因為太多野食唔切搞到凍左先食?btw炸得都唔係好油 !西西里海鮮pizza好多材料鋪上面 ! 墨魚好有咬口特別係d 墨魚咀 !西班牙啤酒燴慢煮牛面肉如果話係招牌菜既話我真係會好失望肉質係韌既……切開已經幾費力有幾舊都咬唔爛放棄左店員服務係幾好不過我覺得就算有9折以甘既價錢食一餐仲要啲野食係一般都真係幾貴 !…查看更多

黎到港島食左個tea男朋友心血來潮想食下甜品最後就揀左呢間我嗌左個翠苑芝麻糊芝麻糊好香滑食落唔會有凝固物陣陣芝麻香吸引我好快已經食晒男朋友就嗌左個腐竹蓮子雞蛋糖水 開頭見唔到有蓮子就問個店員佢話我地落單果陣無嗌(但我聽住男朋友係有講)不過個店員轉頭就拎左一碟蓮子黎(有10幾粒)比我地加落去男朋友一路食都讚左兩次好味:)總括黎講雖然店員態度麻麻 不過又真係幾好食既 ! …查看更多

今日點幾鐘去到睇黎唔係好合時 因為遇正office既lunch time ! 見到出面排晒長龍 所以我地就決定搵地方坐陣 過左office 既lunch hour 先去食 結果我地終於食到 ! 本來想嗌總統牛肉蛋堡點知又係賣晒最後嗌左芝士肉鬆蛋餅同埋芝士薯餅蛋餅 份量其實唔係好大 味道都還可以 但又唔會去到驚艷既地步個人比較鍾意肉鬆多啲芝士半溶，口感都okbtw薯餅都幾match 蛋餅 野飲方面就嗌左黑糖奶茶味道似無珍珠既珍珠奶茶甜度對我黎講都算適中 另外仲有水蜜桃茶同之前睇到既食評一樣味道真係有D 淡…查看更多

今日又去左太子覓食入到去個店員就問我地有無興趣食多士盒見佢甘有誠意我地就試下喇期間送上左餐湯味道不過不失我就食左焗鮮茄豬扒飯多士盒豬扒唔會焗得太un蕃茄豬扒焗飯黎講都算係幾好味到食個多士盒部分其實都幾乾(因為野飲另計，所以我地無嗌野飲)而且都幾un胃😂所以食左有汁果啲部分再食左一邊多士邊就停手喇其中一個朋友就嗌左焗咖哩雞飯多士盒偷食左一舊雞咖哩少少辣不過都接受到呢如果比我揀都係覺得豬扒果個好味啲…查看更多

呢餐真係抵到爛 3個人每人38蚊就食到以下既野 蒜蓉包包邊香脆包身夠熱所以蒜蓉食落更香 香焗白汁雞肉菠菜朋友推介呢個真係好味不過估唔到無飯跟埋黑松露野菌忌廉意大利粉意粉唔會太硬黑松露同野菌呢個配搭真係無得輸甜蝦沙律亦係朋友介紹既蝦身幾爽係唔錯既 !肉醬多利亞就不過不失喇如果38蚊黎講呢餐真係好抵食 !所以要求都唔會太高😂…查看更多

夜晚約左朋友食窩子 本來想試慢煮牛面肉配法國麵包 點知賣晒 :(所以就嗌左Carbonara 個汁好濃，好多芝士碎勁正 !日式海鮮大阪燒薄餅 老實講唔係個個都鍾意食酥皮不過我係鍾意食既所以覺得好香而且pizza 陣味都好"大阪燒" 成日聽人講梳乎厘班戟好食今日終於試到口感軟棉棉幾討好 !我地嗌左經典牛油楓樹糖漿點住班戟食唔會太甜野飲方面我就嗌左杯青蔥歲月 梳打水入面有青檸。青瓜 陣味都幾fresh ! 朋友就嗌左杯玉蘭花茶店員話要焗耐啲先好飲不過朋友話都係比較淡可能比較忙店員都唔得閒理我地好多時都係我地自己拎返啲食完既碟出去(因為張檯太細唔夠位擺)希望下次有機會食埋個牛面肉 !…查看更多

是日去左尖沙咀就決定食埋香港四大奇食之一既新記由於係星座冰室附近所以對我黎講都唔算難搵嗌左個豬頸肉芝士撈麵一上檯已經見到濃濃既芝士淋左係麵上面食到越後就越濃芝士味豬頸肉大件又幾爽但始終都係唔夠上次係如意食既炭燒豬頸肉好食…查看更多

呢次嗌左好多人推介既雞扒蛋包飯老實講個蛋包飯係一塊蛋就甘擺係個飯面度好似有啲貨不對辦 …… 不過雞扒就煎得岩岩好雞肉滑又夠香個餐仲送泡菜同湯我朋友仲encore左一碟泡菜所以食完都好飽另外仲嗌左杯柚子檸檬梳打味道一般下次可以飲下其他野…查看更多

是日黎左青衣想食下泰國野就入呢間睇完個menu估唔到食泰國菜無得飲椰青青木瓜沙律係幾惹味但都真係幾辣不過飲幾啖泰國青檸梳打都算中和到 軟殼蟹墨魚汁意大利麵 就甘食d墨魚汁意大利麵係無味 要撈埋d 蒜先叫有d 味 軟殼蟹令人失望因為食果陣已經 "林" 左 而且食到第二舊好似食到有腮 所以食淨左半舊 :(朋友就嗌左軟殼蟹漢堡配青咖哩蛋黃醬及薯條 佢話呢個軟殼蟹反而ok 不過薯條都係"林”晒既甜品方面我地試左脆焗芒果糯米金寶 (因為見隔離檯嗌左)個賣相真係幾靚 不過食落就比想像中酸 特別係啲芒果 而且唔點個芒果醬反而仲好味老實講 今餐真係一般 唯一可取既係炒翡翠苗配雜菌 菇味真係好濃 呢餐每人食左差唔多300蚊但估唔到成餐最好食竟然係碟菜 really so sad …查看更多