MISS小明的個人專頁

送咗小朋友學嘢諗住自己食個tea，個陣2:50pm，見到門口寫3:00營業，但我望入去見到有幾枱客同有d侍應企喺到諗住入去問下。一打開門有個女侍應衝過黎態度勁差話:3點開喎，你睇唔到咩？咁嘅態度唔會想幫襯你哋…查看更多

等咗好耐，我最愛嘅豬扒店終於開番。今日lunch去咗買外賣豬扒麵加熱奶茶番公司食，一打開份外賣已經好香好香，同以前一樣咁好味，咬落去好多汁，一d都唔會乾，老店果然係唔同d掛住食都唔記得影相奶茶同樣出色，又香又滑，茶味好重同事話佢個扒亦飯都好正。排隊個陣仲見到有人食豬扒包，大大個好靚，再睇真d餐牌原來係新出，下次一定要試下。仲有呀，咁耐無見老細依舊風趣，係香港需要嘅人情味。環境方面的確乾淨企理咗好多。…查看更多

無得去台灣，都要搵間台灣野止下癮。呢間次次都勁多人排，記得用app拎定飛。果然無失望。紅燒牛肉面好好食好大份。牛肉入味夠淋身。鹽酥雞脆卜卜，食完更加掛住台灣…查看更多

之前o係雜誌見到介紹華香園既豬扒~今日黎華香園試下佢~豬扒完全唔係落好多粉去炸個d既厚粉豬扒~係薄身但好鬆軟好入味~我食豬扒包~佢地會切走骨既部份~其實d骨先會最好味~~而佢地都好細心將舊精髓放o係碟側邊,唔會掉左佢好好味~~朋友食雞亦面~~雞亦好大隻,都好入味~脆卜卜~再黎多杯凍奶茶即刻滿足哂~~…查看更多