CameronWan's Profile

出去食嘢，有好多感覺都因為你自己嘅心情因素而導致你對一間餐廳加分或者減分，最少我認為一般食客係咁。我唔係白老師又唔係安成宰，所以都比較唔太客觀及專業，不過睇完黑白後，對食嘢有啲新衝勁。香港，究竟邊度有黑湯匙？上網look過下，再靠第六感決定嚟呢間。去到菜單唔多選擇！good！經歷話我知菜單得幾樣嘅厨佢手勢及心態通常都唔會差得去邊。再睇下唔同菜嘅款式造法同定價，我感覺個厨對於pasta及用cream有啲信心。(再加上樓面可以講係完全0裝修，入到去我都知應該無選擇錯）結果，由第一度嘅Salad有8種唔同嘅蔬果加butter beans夾埋加了少少heat嘅dressing，因為明顯蔬果一定係今早去買，水份非常充足，食落真心好食過4 seasons那個。第二度係個soup of the day，來了個白色乜都無嘅白湯，waitresses放咗即磨黑椒。外表毫無特別，那時無乜為意，就好似在其他餐廳一樣，放一匙羹湯入口，你唔會太專心去等待佢會比到啲咩味道你…… 點知第一口就！Jesus！嘩！ 我無出聲，我等太太都飲一啖先講嘢。佢望住我，我哋一齊講，我飲緊咩？ 超好味！ 係松露，但係白松露？ 啲解個湯咁香又咁light 一啲都唔似其他地方嘅？ 有啲令我想起之前在意大利飲過嘅味道but better。呢個湯個cream應該唔會係就就咁落，一定處理過。但我真係唔係專業，所以我哋只覺得超好味。Main我太太叫了個大蝦意粉，又係，佢個cream base真係做得好新鮮又好light，that’s excellent! (好多字了，唔寫咁多，真係要自己去試）之後，試佢甜品，今日係普通嘅chess cake，但結果我哋再加叫多一件。佢啲有奶或有cream 嘅嘢真係好唔錯！P.s. 我正餐食了羊扒，當然唔錯，但因為其他都好WOW，羊扒係好，但就無了個Wow factor了。 如果燒件炭，滴少少油上去，在上碟前smoke佢1分鐘，我就又會多一個wow factor了！我雖然唔係做飲食，但自己好鍾意食，又投資過幾間餐廳，近年自己又煮下，今次寫咁多字，因為，呢間餐廳真係值得我寫。我哋估，呢一間餐廳，應該係由一個厨師自己出嚟開，不主打環境，只係要幾個位就入厨房下厨do what he does best！ 我留意到，雖然地方細細，佢唔會只著一件Tshirt ，佢會著住正規白色西厨衫，呢個respect 自己嘅態度，好值得支持！…Read More

星期六早上10:30am到，入面已經有枱人，外面有一個狗狗主人同狗狗等緊嘢，我哋一家人無帶寵物，在門口睇餐牌後職員帶入去。坐低晒斟晒水，我哋睇多陣餐牌叫餐，職員話所有餐牌嘅食物只係有2樣有，其他要到11點後才有😆😆，我問係咪4個唔同嘅餐牌合共都只有2樣嘢可以叫？職員話係。心諗算啦，叫杯咖啡飲等吓冇問題啦，而且呢個員工係好有禮貌的。老實講，入門時就應該講清楚啦，放咁多餐牌出面，入到去坐低斟晒水先講，博人唔好意思走咩。叫嘢飲嘅時候，員工話不如你叫埋嘢食，11點就會有，咁就叫，結果，11:25分先嚟。仲有漏咗單，有一份等到11:45分先嚟。由於呢位職員好有禮貌(呢位好有禮貌嘅職員有少少口音)，其實就算心覺得唔ok都算，點解我會寫負評？就係一個應該係主管嘅女仔(純香港口音) 佢把口就好有禮貌，但態度完全係：couldn’t care less個樣！佢表面好好口，但做嘅嘢係睬你都嘥氣。例如，我仲有杯餐飲未上，我轉身搵人，個主管咁啱行過，佢就話係咪要特飲？我話咩特飲，佢都費事解釋，擰轉面就走咗，反而係個職員走上嚟講返。當時餐廳得4個客，唔係好忙喎。仲有其他嘢，唔係個職員好有禮貌，我會再寫多啲。one bad experience! Never set foot in there again! …Read More

星期日中午1點，open rice 見咁多人like，本身都驚無位，點知嚟到得3成入座。 嘢食唔合格，最差係個聖誕餐嘅牛排，叫7成，來了10成，食前部份都勉強可以，後部份(牛扒食到後半)以經變成擦子膠。個Chessboard ….. 我英國大，未食過一舊硬cheddar切到成隻麻雀咁大咁上枱😅，真係其他食評講嘅英倫風？ 英國邊個埠？😅😅 仲有啲cold cut黐實晒，係好實😅。Fish and Chips更無可能係英倫風，一來魚同炸粉一切分開散晒，二來如有係英國style，咁salt and vinegar呢？ 唔怪之得無人，但咁多like😅😅，呃咗😅Service態度，係有一個人正常，其他人都係普通standard 之下。…Read More

之前食過灣仔店，所以好期待。呢間嘢食唔得，同灣仔間比差好遠。海鮮味道過咸、唔夠熱。燒雞老實講最好唔好再賣，胸”鞋”，整體來說無味。薯條不過不失。其他都不值一提。Mac&cheese龍蝦版本，基本mac&cheese的三重芝士都做唔好。提外話，有waitress中途加水，加一杯，其餘6人都無加，好奇怪。不過現在請人難，算數。整體來說，超失望。應該run好先開張。咁大個商場，其實做得好，前途無限。再來就唔會了，祝好運。…Read More

The steak was great, perfectly cooked! You can easily tasted the real quality of their M5 steak prepare by the chef! Service was excellent. They made you feel so welcome. I’ve revisited the place twice within a couple of weeks simply because the great service and the tasty steak! Perfect just perfect! …Read More

其實香港咁大，大到連慈雲山响邊我唔知。但呢兩星期，一連就去左兩次，今日係第二次了，如果下星期有時間，都好想再嚟。茶記食飯食飽就算？No No🙅🏻‍♂️！上星期，專程嚟慈雲山當然有原因。芝士保仔飯，有朋友响Facebook分享左張相，第日就即來試！超正，香到不得了，佢加埋隻窩蛋，就變得更滑口，上面又加左適量嘅脆Bacon條，不得了，不得之了！ 好再嚟個金蠔飯，叫之前都會諗，照片通常影到肥肥的，煲飯嚟到應該打個7折啦！但嘩，飯到，開蓋，堅肥！食入口好多汁，鮮味十足！ 正呀！加埋啲虾乾，甜豉油又幾夾喎！正！走之前老闆介紹，原來佢係流浮山人，所以係自己金蠔！ok，明哂！即係比你玩哂，好嘢！ 佢又介紹個麻辣牛肉飯，啲麻辣料係响城都買返嚟，而由於我個人口味關係，我都中意食啲濃味嘢(在我嚟講係好味嘢)，所以我今日就又返嚟！不太麻太辣，有香味！香港好多地方嘅麻辣我會形容為死麻死辣，欠缺那”麻香”，呢種麻香，如果你去過重慶或城都，你就會全個城市，四周圍都會smell得到，而呢間茶記個飯，有！ ok，又一個驚喜發現！！ 會唔會再嚟？ 唉！今次走嘅時候，老闆又話個XO醬排骨飯係必試㗎喎！ 心諗，你老闆，又唔早講！好，但我buy！下星期見 😂！ …Read More