百夫長的個人專頁

上星期三一個人去灣仔做嘢， 經過呢間都叫做有啲名氣嘅餐廳見到門面ok，入面又唔太多人又知道係黄店於是入去食個午飯，餐牌選擇都好多嘅， 於是叫咗個個漢堡包午餐， 但係上餐之後咬落去嗰個漢堡牛肉凍嘅，另外薯條又係凍嘅， 奶茶叫少甜點知仲甜過紅豆沙， 叫待應哥哥換個杯但佢個態度仲話好似話我唔啱咁， 價錢己收得唔平埋單差唔多100蚊， 食物質素差唔好味都唔緊要，因為支持黃店都預咗 ，但服務態度差就絕對接受唔到，永冇下次幫襯。…查看更多

入開去元朗做嘢諗住試下呢間阿玉冰室， 叫咗焗豬扒飯同紅豆冰， 落單嗰陣阿姐嘅態度已經麻麻， 焗豬扒飯來到塊豬扒係梅嘅同佢講可唔可以换過一碟，跟住佢話係咁樣冇得換當時真係火都嚟，一定冇下次…查看更多

琴日同朋友去荃灣品川幫襯， 之前有朋友食過覺得唔錯所以專登去試下， 起初見到有咁多負評都覺得驚驚哋，但坐低後待應十分有禮講解用餐時間， 之後當然係第一時間點嘢食啦， 第一轉當然係食刺身先啦 ，三文魚及甜蝦、帶子呢啲係必食之選， 佢哋嘅刺身非常新鮮， 啲生蠔亦都十分唔錯，我同朋友兩個起碼食咗12隻， 之後再點羊架及燒物完全係水準之上， 淨係食刺身、生蠔、羊架已經回本， 佢哋上菜速度非常快，落單幾分鐘啲刺身及生蠔已經到枱值得一讚， 最後食埋雪糕成個人飽曬，呢間放題完全值得再回頭幫襯。…查看更多

呢間鋪好仔細細，未有限聚令之前夜晚好多人排隊等位及叫外賣，所以未入去試過， 今日下午經過見唔使排隊所以入去試下， 試咗凱撒沙律夏威夷薄餅， 沙律夠大碟，薄餅夠熱、足料及餅底夠脆， 果然無令人失望，終於明白點解咁多人排隊，絕對有下次。…查看更多

昨日同太太經過入去試下， 差不多九點去到所以唔使等位 ，'鋪面唔太但都乾淨企理，見到啲侍應服務態度幾好， 其中一個原來係老闆 ，佢話本身讀酒店管理所以同幾個朋友夾份頂咗間舖實現實踐下理念， 叫咗串燒豬肉及海南雞飯， 佢啲雞幾冧幾滑，同埋啲飯係用油飯幾好味及價錢親民 (海南雞飯50蚊已經可以有双併，及分量都ok)， 佢嗰啲點海南雞既汁好好味 用嚟送飯一流，老闆話嗰啲雞及汁係泰國師傳整既，但啲串燒就可以有改善空間，如果多啲炭火味就更加正………查看更多