jenny1888的個人專頁

今晚嚟到嘉里食自助晚餐喺網上買咗買一送一，四百幾蚊一位閑日嚟食我覺得都算不過不失。佢個場就比較大，咁食物分布喺唔同嘅區域。我自己覺得會比較辛苦，因為要行好遠去攞唔同嘅嘢食。食物方面：佢有蟹腳及海鮮等，不過呢蟹腳好咸唔夠甜，麵包蟹多出個身，質素一般般。刺身嗰啲就反而比較出色。特別係三文魚同埋即食帶子。另外飲品唔錯，有唔同嘅嘢飲：熱茶，啤酒，汽水以及紅白酒，係比較出色。牛肉方面有幾種唔同嘅牛肉，個羊扒聽聞幾好食，不過冇機會食。燒肉都幾好食，有燉湯👍🏻熟食比較少。小籠包唔錯。比較出色嘅可能係甜品。因為佢有哈記嘅雪糕，仲有佢自己製嘅甜品，睇落都好精美。…查看更多

原本都打算平平地唔會話有咩驚喜，但點知出乎我想的好。野食無漏單好快來，好熱，又好味，調味岩岩好。某些野食仲比出面的更好味。肉味都夠，滑雞夠滑，而且係任叫，真係無得輸😂服務都好，都有禮的，餐廳都好乾淨，坐得舒服不用同他人一齊坐同枱。有野飲任飲，雖然我都係飲茶為主。推介白花魚肚，燒賣，春捲，南瓜餅。我第二次加單的野食都好快來到，唔知係咪因為我呢日比較少人？ 基本上每枱都係二人為主。我覺得會再來，非常之抵食。…查看更多

新開左就去試下佢，因為吃平日五點時段，所以其實唔係話超多人。落完單，野比想像中來得慢，不過佢幾好係好似台台都有d野食咁。 但最慘係我想食的係出奇地慢，搞到有一刻我地二個人係無野食的。唯一來得較快的係焗蠔，但我唔知係辣架，都幾勁丫陣味。但我想講好明顯隻蠔唔多新鮮囉。叫軟殼蟹係要跟魚皮好奇怪，但味道都算唔錯蒜蓉帶子幾好味。刺生都足量，出得唔算慢，都幾好。三文魚同帶子都鮮甜的。赤蝦都好新鮮。蟹腳唔咸但好似無咩味咁…同自助餐的差好遠，而且叫12件會少左😂 同埋都好細隻。我想試的牛油果蟹肉係無來過….但我見有人有，所以有小小漏單的情況或者比錯左他人。因為一開始都有俾一碟唔係我地叫的野俾我地，我地即退返。鮑魚花膠幾好，個冬菇都好好味，但你叫二份係其他野份量得一，鮑魚變二….羊鞍係幾好味的，我鐘意，燒得唔錯。比目魚不過不失。菠蘿唔夠時間試，但見其他人吃的都唔錯。個蜆非常推介，我覺得好味丫無物沙。貓山王榴連炸彈我覺得同普通榴連炸彈都無咩太大分別。炸鮮奶好味但又係好耐先來。呢間野出面自助的位置好闊，同埋有好多唔同的野飲同雪糕雪條，呢個真心讚！ 生果就一般般啦，但都可以吃少少。整體來講我覺得呢間都係唔太吸引。波蘿丫，乳鴿同焗蠔比得好快，但我想吃的就好慢。搞到我有段時間睇其他枱的人吃😂可惜我又唔想食佢地叫左的壽司…唔通係因為我地吃野吃得快😂😂蒜蓉帶子同蜆有人叫左好耐都無…漏單情況係好少姐，但都有，但我想因我已不是最多人吃的時間都咁，唔肯定七點時段的人係咩情況。…查看更多

好正的放題。原本假日$258 加一，聖誕節都係每位加多$10，每位大約$300 二小時，我覺得好唔錯的放題。比較欣賞花膠，燒鰻魚，比目魚，肥牛鍋，帶子、三文魚、蝦刺身。佢最特別係有好多唔同野飲，比其他放題店多好多，每人又可限點一杯Häagen-Dazs 雪糕。而即食區有熱茶供應我都好喜歡，可以揀煎茶或玄米茶茶包，仲有其他小吃如葡撻，我仲見好多人取涷蝦同其他涷食。 睇落勁吸引，不過可惜太多選擇，我都吃唔落啦。唯一唔太好係牛柳粒有得點但無出現過。整體我都係覺得可以再去的放題店。希望店家可以繼續保持水準！…查看更多

過開北角揾朋友順便吃埋晚飯, 朋友話呢間雲吞面唔錯, 就信佢去試下啦~ 企左係門口就有店員打招呼歡迎我地入去吃, 都幾好笑容。 餐廳好乾淨夠光亮, 感覺唔錯。可能我地早左吃飯, 6點半, 客人不太多, 有三四枱客咁。两個人叫左牛腩面, 雲吞面同炸雲吞。D野吃都好快就來~ 牛腩好似好堅實, 吃落有牛香, 但又易咬, 讚! 雲吞面入面D蝦好新鮮, 唔錯。鐘意個湯底唔係味精湯, 好似真係蝦籽煮出黎的, 有鮮甜味。最估唔到炸雲吞更一流, 可能佢地專登隔左一個油, 完全入口脆香而不油膩!!  温熱的口感岩岩好。估唔到無意中來一次北角可以試到咁好吃的小店, 好想推介俾大家去幫襯下, 讓好吃ge 野繼續有得吃 :)…查看更多