食為家的個人專頁

誤打誤撞黎到呢間茶餐廳，見有時間於是坐低食咗個早餐。本來只係諗住填飽肚就算，點知竟然有驚喜。餐肉米+火腿奄列+餐包+熱奶茶=$28餐肉米：餐肉大大塊兩塊，煎到外面脆卜卜，仲大大碗，真係好抵食。火腿奄列：蛋好嫩，切開中間有蛋汁包痴住火腿，好味。熱奶茶：超好飲，一d都唔鞋，又香又滑。就算已經好飽都忍唔住成杯飲晒。Ps:野食黎得好快，而家店員個個都好有禮貌，真係要比個like佢哋！👍…查看更多

$48靖魚定食，包有前菜，湯，飯，飲品(因為湯同飲品食完先黎，所以無影相)。個前菜係柚子汁粉絲，酸酸地幾開胃，幾好食。飯係珍珠米(加分)。靖魚得半條，不過煎得幾好，唔老唔鞋。最抵讚係凍飲唔洗另外加錢，幾好。…查看更多

門口得相無得睇價錢，入到去坐低先發現都幾貴，不過諗住試下新野，所以都叫左個乳酪甜筒&咖啡窩夫。個乳酪好一般，同日式火鍋任食個d無分別，要$3x，因為好快溶，所以無影相。咖啡窩夫個雪糕上面有加可可粉幾好食，窩夫都唔錯，不過又係偏貴，細細份要$4x ,講真真係唔值呢個價，試過就算。…查看更多

$58一個刺身餐，有飯有湯有沙律，好似好抵，不過其實都係伏伏地。個刺身好靚，亦都夠凍，不過d魚肉一d味都無,尤其是個吞拿魚，d筋多到咬唔爛舊肉。蝦同元貝就好少少，真係有啲鮮味。個沙律唔夠沙律醬，無乜味。個白飯係最差，又乾又硬，唔知想點。應該唔會再幫襯。…查看更多

book左枱要排waiting list,等左好耐先有得入。其實間野食物種類比outback少，不過價錢又比outback貴，如果唔係朋友有半價卡應該唔會幫襯。大部分食物都唔差，不過有份焗薯皮上面既蘑菇竟然唔熟囉，後來要叫佢換過先食得。另外refill野飲等好耐，d侍應人數又唔係好夠，要叫好多次先有人理你。…查看更多

以前成日幫襯佐敦分間，個間真係幾好味，所以一星期會幫襯兩三次。黎開呢頭附近，見呢度都開左間，諗住支持下，點知中伏。明明用既食材，方法都一樣，唔知點解味道差咗多，呢間真係唔會再回頭，唔好食。而且仲加左價😱…查看更多

呢間野聽過好多次，不過第一次黎幫襯，無得book枱，所以等左差唔多成個鐘先有得入。講返野食，其實大部份都幾好食，只係唔知點解個招牌烤鴨反而唔係好得，本來一心黎食個烤鴨，真係有啲失望。價錢方面當然唔算平啦，無免費茶水，叫茶要用人頭計，唔係一壼壺計，我哋五個人，佢比兩壺茶，一壺入面三個茶包，另一壺就得兩個，好鬼古怪。不過佢就無限定用餐時間，係尖沙咀黎講都算係咁啦。…查看更多

好味又抵食，之前食過炸豬排，覺得唔錯，今次又再幫襯。今次食海鮮薯餅飯，個咖啡汁甜甜哋好正，多飯仲唔洗另外比錢。而個薯餅炸得岩岩好，外脆內嫩。枱上附有免費潰物，酸酸甜甜，送飯一流。加$5仲有汽水，加$9就有汽水加沙律。今時今日咁既價錢仲可以有呢個質素真係好難搵。另外店員態度都好好，絕對會再幫襯。…查看更多