snufkin_moomin的個人專頁

之前一直都想試，終於有機會試下。點咗生煎包、小籠包、蟹粉小籠包、醉雞翼、雞絲粉皮。生煎包 咬落去個底煎到好脆好似餅咁，入面勁多肉汁，啲肉汁好味道 嚿肉屬軟焾口感，我覺得再有少少咬口會更好。小籠包 味道無特別驚喜，但同樣多肉汁蟹粉小籠包 （季節限定）咬落去蟹味ok，但湯汁俾另兩款嚟講無咁多。雞絲粉皮使用平時凍豆腐嗰啲胡麻醬，粉皮夠彈但啲汁好似唔多黏，我覺得一般。而醉雞翼同樣一般。下次會試下生煎包外賣，睇下係咪keep到脆…查看更多

staycation包行政會所餐飲券，checkin時提供。記得係分4點幾同6點幾兩個時段，每段1.5小時。我地揀咗6點幾時段。4款熟食（炸洋蔥圈，雞扒件，吞拿魚酥盒，豬頸肉件）1款飯卷，2款芝士，2款麵包，3款糖果，2款莎樂美腸，2款甜品，沙律菜，薯片。3款室溫紅酒，4款冰鎮白酒，2～3款啤酒，另有可樂、雪碧，咖啡機。雖然種類少，但食物不錯😋 補菜速度幾快下，見到幾次只係差唔多無就會好快地換一盤出嚟。環境好舒適，坐低慢慢飲飲食食傾下偈，唔覺唔覺就夠鐘喇 😁…查看更多

中秋夜突然約飯局，附近可以預約嘅放題／自助餐淨返呢間，所以就算食評好壞參半都決定一試。座位唔逼，而點食物係用白板筆寫落膠板度，幾好。我地揀咗中間價錢嘅極上。第一轉啲野食遲遲未到，但後面張枱就不斷上，之後仲聽到後面張枱話有部份食物唔係佢地點，職員周圍問人有冇叫，原來係我地嘅。過咗超過半個鐘都只係嚟咗好少野，食放題竟然可以成枱人等食……唔對路梗係嗱嗱淋嗌第二轉。追問職員，只話係分批整叫我地耐心啲等再等咗陣終於有野食，但都係第二轉嗰啲，好明顯第一轉嗰啲係落錯枱白白呆坐。之後啲食物雖然唔算係快速，都叫陸續有嚟。但總係有數量唔啱或有漏嘅情況。同枱朋友評價當然係好不滿啦。但論食物質素同味道，我覺得係OK嘅。…查看更多

晚飯時間係旺角行行下突然想食放題，於是去兆萬碰碰運氣。揀咗10樓，放眼望去係爆場狀態，幸運地有位(2人)。預備入座嘅座位唔算寬敞，門口職員建議我寄存背囊係佢地度等我可以食得舒服啲(有為顧客諗，不錯)。食物速度好快，味道好! 壽司嚿飯唔大，唔怕撐到飽晒。嗌咗嘅食物中，覺得雞軟骨一般。個人喜好刺身：三文魚、甜蝦、章紅熟食：鹽燒牛舌、羊架因為太滿足，火鍋、甜品呢啲食唔落喇 期間見啲職員好忙，但都會同啲食客有講有笑，又有耐性地解答呢碟係乜、嗰碟係乜咁 …查看更多

我家小姐放暑假要安排節目，我地揀咗期待已久嘅大樹先生的家，星期六上午比想像中人少。一嚟到估唔到波波池轉咗粉紅色，小姐勁開心。小朋友嘅遊戲區都幾多野玩，2個幾鐘又玩又食好快就過去。食物質素OK，價格偏貴（預咗）。但會再嚟。…查看更多

同男朋友食完晚飯意猶未盡，見OP咁多好評，於是選擇左甜蜜蜜我地到達時算幾好彩，因為唔係太多人等位。因為當我地入得去時門口已經好多人啦~ 首選係好多食評都推介既心太軟整體都好鍾意，只係中間軟心部份對我黎講甜左D :)另外叫左榴槤燉奶嘩!!呢個比想像中既好味，估唔到榴槤同燉奶可以咁夾 好滿意~有機會會再黎幫襯~ …查看更多

前幾日同朋友見呢間板前唔係好多人等位，所以決定黎呢度食晚餐。金三文魚、金三文腩、平目鯛、金目鯛、海膽、油甘魚、秋刀魚...除左海膽同秋刀魚正常d之外，其餘壽司都無乜味，就算有都好淡好淡...搞到我以為自己突然無左味覺...好在旁邊朋友都話無味...最後黎左個牛乳虎蝦烏冬...感謝!!全晚最好食係呢個烏冬!! 我地只係叫左一round...雖然唔飽，但係都忍唔住要埋單走人希望只係咁岩呢間分店既呢批貨係咁啦... :(…查看更多