楊屋道的個人專頁

趁放新年假去睇戲,未入場經過這間麵包店,見到有袋裝曲奇賣,有腰果味,提子合桃味同杏仁朱古力味揀,就買咗一袋杏仁朱古力曲奇($25),重150克,有10件,都幾厚身.返到屋企打開,咬了一口,見雖然有杏仁片,但杏仁味很弱,再吃2件,發覺朱古力味好淡,唔算好甜,但完全唔鬆化,又唔香,好失望.見食用日期寫2月23日前,但今日不過是1月27日,有防潮劑,等我仲以為過期所以唔好食.我下次唔會再買佢哋嘅曲奇,反而麵包嘅水準好好,又新鮮出爐,兩者相差好遠.…查看更多

可惜平時返工唔會經過地鐵站,我都希望出門或者公司附近有好食又健康早餐賣嘅食店.上星期工作經過紅嚐坊,就買了一份碎蛋火腿三文治,加一杯熱Cappuccino返公司慢慢歎.首先講三文治,白麵包好鬆軟,最鍾意啲碎蛋同沙律醬,火腿,好足料,滿分.(食過美X快餐嘅$13份三文治,冇得揀至買,好差)到杯熱Cappuccino,大杯裝,有2包Coffee sugar,奶同咖啡份量對比,都啱晒我朝早充電飲,正.下次有機會經過,都會再試其他口味嘅飲品同三文治,套餐好抵,質素又好,相比快餐店,我唔想再幫襯呀!…查看更多

每星期都會去一次蘭香茶餐廳,就算要排隊等,都好快就有位.一向都知坐卡位會坐得逼,但冇辦法,要搭枱.先送上熱檸茶同熱檸水.牛油多士係必食推介勁多牛油嘅多士係餐廳出名又特別之處,好正!煎蛋就較多油好味嘅洋蔥豬扒,雞中翼就唔夠味.火腿意粉個汁唔濃,啱早餐食.雖然加咗價,但$26就食到個好飽嘅早餐,好滿足!…查看更多

之前訂過生日蛋糕好正,所以今次花多少少錢訂散水餅俾公司同事,當係多謝佢哋.訂咗4款總共20件切餅,$300,價錢都合理,單賣一件要$20.我就再食多次曲奇焦糖慕斯蛋糕,保持水準,正!首先同事都話曲奇焦糖慕斯蛋糕好正,好特別.荔枝草莓慕斯蛋糕好清新Baileys芝士蛋糕有啲似Tiramisu,芝士同Baileys酒幾夾.綠茶脆脆蛋糕就有好重綠茶味,有脆脆餅底,口感幾得意.新款蛋糕有我好鍾意嘅栗子蛋糕,好期待!…查看更多

我們選了香茅咖哩牛肉同蔥爆白切雞小菜,再加白飯2碗,飲品2杯.合共約$150香茅咖哩好香的咖哩汁,送飯一流.蔥爆白切雞是用新鮮雞,肉質好滑.價錢算合理,晚市食飯有例湯,生果送.餐廳裝修相比附近的好簡潔,乾淨,卡位又闊,不過有蚊.老闆同員工態度都很親切.值得讚是有報紙,雜誌提供給客人免費閱讀.希望會再加更多菜式,例如粥,河粉......…查看更多

早幾日收到間新嘅蛋糕店宣單,見啲款式好靚,原本開咗喺屋企附近,仲係我哋屋苑有9折優惠,因為唔係地舖,就趁放假同家姐上去睇下.蛋糕店叫"Y2 Cakes怡和園",個門面都幾靚,仲有啲細件廚房用具裝飾,幾得意.我哋入去見蛋糕店職員,介紹蛋糕味道,仲俾我哋影相.我哋都覺得好開心,因為我哋住所附近都冇蛋糕店,好遠至有美心,聖安娜.我哋見到廚房好大同乾淨,職員介紹蛋糕店有食物牌,唔係自家製喎!咁我哋就訂咗個賣相都幾靚嘅"曲奇焦糖慕斯蛋糕",過兩日攞.打開個蛋糕盒,真係好靚,同宣傳單張封面嗰個一樣,不過心急切咗,唔記得影低個蛋糕.原來Oreo同焦糖好夾,之前以為啲味道會好甜,但出奇效果地香.我會再試其他味,媽咪同家姐都想試埋Baileys 同青檸味蛋糕,老豆就想食Napoleon.佢哋有切餅賣嫁,不過唔會做好多,但可以預訂.我第一次寫食評,學習中,多多指教!…查看更多