c8268263的個人專頁

Passing by this shop couple times at night and the opportunity finally arrived to taste their coffee in the afternoon. It's definitely a tempting moment when walk around their dessert display corner.Due to the heavy lunch, cappuccino and cornetto alla cerma were my final choices.  Although the creamy custard croissant is an expected regular taste, the chemical effect happens with the cappuccino.  The magic match when the piece mixes with the coffee in my mouth.  I am sure this is an enjoyable taste and moment on a weekend afternoon.…查看更多

到葵涌區工作及午餐嘅幾會唔多，參考網上區內食評後，選擇最近嘅工廈飯堂及近期無乜食過又見有幾個好評嘅燒味飯。貪心一次過想試兩個好評燒味就叫咗 燻蹄叉燒雙拼飯；唔知係咪因為睇完食評大有期望嘅關係燻蹄與叉燒入口都只覺一般市場水準；燻蹄唔算特別香亦欠奉魚露，叉燒有啲瘦，肉質較結實。如果無期待的話期實係可以嘅。不過加入椰菜與整碟嘅份量全碟飯都算豐富，整體不過不失。諗深一層新冠疫情期間工廠區飯堂可能真係食得飽比好味係重要得多，只係我個人太多期望。…查看更多

今日相約一個飯友於中環食早餐，大家決定食一個好耐都冇食嘅 Bagel 比高包。Bagel 呢種猶太人食物於北美十分普及； 簡簡單單搽上大量cream cheese已經好好味又飽肚， 十分適合快快趣趣嘅早餐。可惜 Bagel 响香港唔係算太流行，唔知係咪响香港賣價較貴嘅關係。 好似今日食嘅 Flying Gobbler 煙燻火雞 包一份要成 $75。不過 比高包 其中一個特點就係比一般麵包密度高，好襟𡁻、唔易消化；其實食半個已經係一個好飽嘅早餐。呢間中環 Bagel 專賣店有多種口味選擇，餡料更有葷、素選擇。依個煙燻火雞包 除火雞有番茄、羅馬生菜、莎莎醬、蛋黃醬；蔬菜新鮮，菜肉均衡餡料豐富；一份兩份分真係啱啱好。慶幸飯友嘅公司向訪客提供新鮮咖啡，真係啱晒食 Bagel。…查看更多

本編其實唔可以話係食評，反想經本文記錄兒時食過的潮州小食 『豬頭糉』。今時今日到多間潮州飯店幫襯時相問此小食，十之八九回覆未聞此物；希望將來有較多人知道此潮州小食後會更易有機會回味。細個嘅時候爺爺送粥除潮州鹹酸菜外，不時佐餐就係食依個豬頭糭，可能鄉音關係，只記得當時稱之 『豬頭花』。過去食材欠奉的年代時逢戰亂、失收，食材自然唔會浪費食到盡，依個豬頭糭以前就係用豬頭碎肉及軟骨剁碎後加入八角、茴香、魚露、酒、及其他香料煮製。成品如磚塊外觀如雲石，上碟時切成薄片，所以口感硬如肉乾片，香料調味亦未必人人喜愛。除味道獨特，明顯今時今日製作此物耗時費力，相信本地製作己成絕響，相問十間潮州餐館只有一兩間聽聞此小食，知其物亦覆恕無供應。 暫知今時今日尚可以買到呢個昔日味道 就係呢間鹵八鵝店。歡迎各食友同好留言回覆其他地方可品嚐依個小食。…查看更多

踏入九月，新冠疫情有所放緩；晚市堂食雖廷至九時，惜最多二人一枱規限未有放寬。家嚴長期待在家中亦有所微言，見近數日感染人數回落至單位數字，問老人家是否想去飲茶。一如所料即時回應叫好，仲話帶我依啲乞兒女去陸羽見識見識。諗都冇諗過佢會雀躍至此。久有聽聞陸羽茶室主打名流富商熟客，大眾食客並非主打客戶群，不過做咗咁多年人都未去過，家嚴雅興亦有所宣洩，一於就去見識下。正午十二時踏入茶室地下，眼見只有三兩席有座客，知客侍應即表示地面所有位置已被客人預留，須轉上三樓。步上樓上途中老父不忘解說茶樓歷史， 細數牆上掛滿上世紀落難書生、名將的丹青墨寶，樓梯位上掛著牡丹王 張劭石 的作品更特意要我停低欣賞一番。座低開茶問茶壼或焗盅；見茶價每位$36 就一於玩玩已為數不多嘅焗盅茗茶。家嚴亦二話不說即點半隻 玫瑰豉油雞；未上枱已話此店雞肉香滑非其他食店可比。的確入口較一般肉香嫩滑肥瘦均而且醬油香味濃淡適中、香味持久。加點四個點心，鮮牛肉燒賣即係山竹牛肉，牛肉鬆軟有彈性有牛肉味無鬆肉粉味。 揚州煎蝦餅 蝦滑鮮味十足，煎完都唔覺油膩。叉燒軍機酥 外皮酥香鬆之餘份量照樣保留上世紀八十年代酒樓嘅點心大細，叉燒都大塊啲。釀豬潤燒賣 舊燒賣豬肉充滿彈性肉香十足。彷彿每啖咬落都返回昔日小孩的日子。其實加埋每位$36 茶價，兩個人成七舊水飲餐茶確係貴咗啲，不過有得一睹多份大師級墨寳作品之餘又買到家嚴嘅快樂乜都底返晒啦。…查看更多

下午茶時段路經深水埗汝州街被依間茶餐廳門嘅麻辣蛋牛治直幡吸引咗入去。落完單環顧四周先知道原來係桂林街老字號嘅分店；以鮮牛肉泡製嘅蛋牛治係每次去到嘅必叫美食。汝洲街新店依邊加入麻辣口味，似乎係吸引新fans嘅力作；老實講新店面除咗企理好多，冷氣都涼啲，又唔使不時排隊等位，而且都只不過係行多個街口嘅距離。麻辣蛋牛治，完全係新香園一貫作風，餡料充足，鮮牛肉粒較咸牛肉更加有咬感之餘更嚐到牛肉香味，加入麻辣調味後真係感覺同依間新舖一樣 upgrade 成為 2.0 版咁。刺激完舌頭後來一啖茶走真係爽到震。…查看更多

Planned to visiting for their avocado coffee initially. Unfortunately, the avocado coffee was wiped out from the menu due to the unstable quality. At the same time, the Rube Latte had tempted me to stay in the cafe. This Ruby Chocolate Latte made with ruby pink chocolate. Yeah, it's pink! It rich and chocolate just like mocha flavor and it never go wrong with coffee and chocolate. I love the interior since it let us to watch the coffee cooking through the mirror. Thanks the shop provide an enjoyable moment to relax.…查看更多

依間座落金馬倫道、加拿分道交界尖沙嘴核心區嘅泰菜餐店其實經過多次。今日有機會同個朋友來食飯試一試，餐廳牆身以少量泰拳用品裝飾，廚房一邊掛上原隻原隻煮畢嘅招牌雞，感覺似大排檔。水門雞飯 招牌菜式更係要試試，拆骨雞肉入口倍感肉質嫩滑，點少少泰式醬油加幾分惹味；配雞上嘅油飯粒粒分明，有淡淡嘅雞油香而且唔太油膩，不過份量偏少。依個飯唔似大眾認識嘅泰式食物，反而似海南雞飯多啲。好彩有嗌多個 鳳尾蝦泰式金邊粉 打底，中蝦大細剛好，風沙式炸蒜粒加少少青檸汁上去唔覺辣之餘又充滿泰式風味脆炸蝦波新鮮熱辣，點心大小，調味亦唔錯，一點埋嗰醬汁就十分有泰色小食風味，作小食送飯送啤都唔錯。蝦頭膏炒什菜，睇個菜名估佢係味濃食物 ，結果入口蝦頭膏味又唔係咁突出，啲菜爽口得黎入面唔太淋。叫咗四碟嘢都係兩舊水多啲，尖沙咀嚟講都算抵食！:)…查看更多

工廈林立嘅觀塘區內其實唔少食堂都可以搵到性價比相當高嘅美味；由其係下午茶。今次專誠嚟呢間海潮食堂除咗唔少媒體都有報導過之外更有飯友介紹。雖知道蔥花蛋三文治甚有名氣，不過蔥花非我所好；落單姐姐極力推介魔鬼奶油多，可惜午餐都未落晒格，結果叫咗 超薄奶油多。超薄多士上除煉奶外撒上大量阿華田粉，雖然多士上撒阿華田粉的確唔係常見手法，入口第一啖心諗”係咁咋”；接第二啖先知薄薄多士中間仲有牛油加朱古力醬，原來咁薄嘅多士入面仲有餡，真係好好心機，而且份量味道控制相當到位；雖然店面細細，功夫加心機真係難怪有各大小媒體報導依間上廿年歷史嘅工厦食堂。…查看更多

唔係朋友約來荃灣食下午茶，都唔知原來依道有光榮冰室分店，曾經食過尖沙咀厚福街店嘅煲仔飯，有之前嘅親身秋冬美食體驗，所以來個下午茶都自然想去盡啲。還顧餐店牆身有乜撚手好嘢，見寫明未必可以提供廣東話以外服務；而且餐廳佈置充滿時代氣息，搞唔掂廣東話要諗過先至好嚟食啦。有信心一於唔好嘥 Quote 去盡來嗰 生炸大雞髀，呢啲邪惡美食如果煮得唔好食真係對唔住自己個肚腩。呢隻炸髀入到口又的確不負所望，皮脆、肉嫩、多汁、冇雪藏味、調味適中又大大隻，好滿足。其實同場朋友揀選嘅 吉列豬扒 配西多 都好吸引，一次過滿足兩種口慾又大份，真係完美演演繹邪惡至極嘅港式下午茶。…查看更多

响失業率升至5.9%十五年新高嘅艱難時間之下，原本打算食個平平下午茶餐就算；不過難得今日經口過旺角，就一於試開業至今都未食過嘅 すき家 牛肉飯下午2點過後，本以為過晒午飯時間唔洗等，點知都要排大約5分鐘，好在落咗單之後一眨眼就有得食。以 $40有找嘅正價午餐，有飯有菜有涷飲今時今日真係唔易搵。碟通菜份量都唔算細，不過就真係鹹咗啲用來送多碗白飯都唔係問題，牛肉食得出係新鮮嘅，不過味道與連鎖橙色牛肉飯分別唔算太大，特式冰紅茶唔甜尚可以。唔易搵嘅飽肚嘢自然唔可以要求多多，如果下次有機會再食，希望燒牛肉或雞肉會有多少少驚喜。…查看更多

肺炎疫情下相約朋友交換物資， 約定周六下午人流相對較小的葵興。難得有藉口外出見見友人，最好不過去食下甜品開心一下。其實冇諗過一間全日式甜點會响鶴立雞群嘅工廈區KCC 貿易中心内出現。店中餅櫃擺放著精緻的糕點，不過最後都係 order 咗 menu 封面嘅抹茶蛋糕；抹茶尽し 套餐 加 牛角包 抹茶蛋糕夠鬆夠軟，蛋榚內藏嘅香滑抹茶忌廉提升蛋糕美味程度；蛋榚頂上幾粒點綴嘅綠茶啫喱同樣香濃美味；整份套餐唔太甜，加埋杯抹茶 latte 真係啱啱好。三份牛角包內分别加入 抹茶、焙茶、綠茶忌廉 只嚐了抹荼味道，不過依個甜點要好味一定要由新鮮牛角包，食用時加入各式忌廉。其實疫情期間可以出外走走，有甜點食巳經算錦上添花。最遺憾係甜點店傍邊嘅開揚平台未能享用堂食，可選食嘅糕點即時少一半，無得同陽光玩遊戲。…查看更多

上次到上環工作試過德勝小廚 梅子蒸鴨飯 覺得好有特色，因為用梅子醬點燒鴨/燒鵝嘅粤式燒味，應該除咗食齋嘅之外，只要係香港長大應該冇邊個會未食過，反而用蒸嘅烹調方法唔係度度都有。呢個特色午餐每日供應。今日與同事再過嚟上環工作都推介咗佢試一試。自己今日就想試 生炒牛肉飯，事緣早幾日看討論區剛巧見到有人推介呢度嘅生炒牛肉飯。呢個炒飯除咗大大碟夠飽肚， 啲牛肉粒係用手切牛肉粒並非揸流灘用機碎免治牛肉，成碟食完亦唔見碟底有油，真係好功夫。雖然店面冇醒目既裝修， 甚至飯店嘅格局有少少似自七、八十年代未改動過嘅裝修；不過食完兩餐完全感覺到紮紮實實賣嘅就係實而不華。…查看更多

食店雖然座落熱鬧銅鑼灣一帶，不過唔係睇過梁祖堯臉書上推介真係好少會去一段單程路嘅謝斐道覓食。閱畢由飯友轉發相關貼文及其附圖後，為食貓們都表示要去試試；因貼文上的相片實在太吸引。貼文推介嘅招牌海鮮湯飯未見於餐牌上出現，慕名而至當然照點最想試嘅海鮮湯飯。等候食物期間，眼見鄰桌的午餐非常有份量，只睇個碟頭就算從事體力勞動嘅朋友都一樣夠飽。海鮮湯飯一上檯，真係好大堆頭、好大碗，100%同臉上推介文貼圖一樣咁多料；蝦、蟹、蜆通通好大隻而且一入口就知新鮮。 拜大量海鮮炮製，湯飯啖啖鮮甜而且咁多料咁大堆頭仲係$60有找，祖堯今次依個推介真係無得彈。…查看更多

新落成啟業的 K11 Musea 近期成為不少本地人的打咭聖地，多個親朋好友於臉書或即時通訊 apps 向我依個牛角包痴推介；的確依間被譽為巴黎頂尖麵包店於香港開業，本地網媒亦有廣泛報道。週未尖沙咀午飯飲茶完畢就嚟湊熱鬧。下午四點左右見大排長龍，見狀估計點快都要排半個鐘，見今日唔趕時間另同行姊弟都有的興趣一試龍鳳，半推半就成為人龍中一員。在排隊其間麵包店店員不時揣出新鮮出爐的 Croissants 牛角包及其他麵包協助客人選取。查實咁新鮮香噴噴嘅出品係絕對冇可能抵受到嘅誘惑， 即場就地正法食咗個，雖然整體口感較結實，牛油比列略低，但香脆味道不減之餘更覺似食 Mille Feuille (拿破崙蛋糕)酥脆的酥皮。依種口感其實較合適成為甜點。依個更可以推高美味程度的確响食 Pain au Chocolate 朱古力牛角包時進一步引証。今次來潮聖最後足足花咗一個鐘去排隊，希望待熱情過後唔洗排咁耐，因為以依個代價應該可以有更好的體驗。…查看更多