annie.leung的個人專頁

今日朋友相約到石硤尾多彩酒家飲下午茶，其實一般舊式茶樓，都冇乜嘢好講， 點心一般，服務一般，都習以為常 。其後有朋友失約，叫侍應改茶位， 三催四請 佢都係 掛住同人傾計， 而家香港啲茶樓門堪羅雀點解仲係咁嘅服務態度， 同埋茶樓不嬲畀我哋啲氣氛都係嘈喧巴閉，個個客人傾計， 咁去飲茶梗係傾計啦，唔係飲茶做乜啫 。但係呢間茶樓係嗰啲員工傾計，仲大聲過 客人傾計。 今日仲好運氣 ，撞到有個員工 久唔久會大嗌一聲， 嚇到我次次個心都痛一痛， 如果我心臟有事應該死咗 ， 佢可以每一次同啲同事傾計都係尖叫一聲，認真要命。…查看更多

以前星期六/日好鍾意泥食佢個雞絲牛角包佢 啲咖啡又好飲。 但係唔知幾時開始個牛角包嘅雞絲得返以前嘅三分一都冇所謂， 有一次仲將我個牛角包 畀咗第二張枱， 問佢仲懵下懵下 ，因為又係掛住同啲男人傾計， 但不嬲啲阿姐都淨係鍾意同啲男人傾計， 見到女性客人就好冷淡 ，最近一次去 啲嘢遲咗十幾分鐘， 追佢都話呢個餐係遲啲，我 唔係第一次食呢個餐， 問佢會唔會漏單， 又唔追， 又走去到啲男人吹水， 見到男人笑到見牙唔見眼 。不如標明係女賓止步 ，可能仲好生意， 真係好鬼無癮 ， 以後都唔會幫襯…查看更多