philip9876的個人專頁

雖然店員唔係華人，但識講流利廣東話嘅。啲嘢食雖然係平民價錢，但絕對唔輸尖沙咀一帶嘅旺角餐廳，甚至更好。Naan十分大份，呢隻係比較厚身，偏麵包多過薄餅嘅口感，同平時印度餐廳嘅naan唔同，但係都好好食。一份咖喱跟nann一個成年男人都嗌飽。咖哩都十分惹味仲有得用跟餐價轉mango lassi雖然座位唔多，裝修較簡單，但唔影響進食體驗。喺細細嘅空間，成場得我哋一台客，等緊嘢食嘅時候同店員閒話家常，甚至有啲私房菜嘅feel。…查看更多

午市$70幾蚊一份雞羊肉配薯條，上餐快，份量夠飽，味道都唔錯，經常去食，雖然近呢幾次去食啲鹽好似落重手咗整體嚟講午市價錢係食得過老板都好人，成日收平少少收齊頭，唔收突咗嘅一兩蚊；雖然餐廳地方細，但坐耐啲都唔會趕你走Mix Doner/ Chicken Doner with salad/chips係穩陣之選之前kebab仲係50幾蚊嘅時候都仲食得過，但之後去到$60幾蚊開始就少食咗，但如果唔太肚餓唔想晒嘢都可以揀…查看更多

今日訂唔切外賣，中環度度都多人，見到呢間餐廳喺地底嗰層，人較少，就走落去叫外賣，$40蚊個牛扒飯，即時買都5-10分鐘內有餐，速度算快。本身諗住$40一個飯，啲牛扒都係快餐店咁嘅質素同分量，點知一開個飯盒嚇親，塊牛扒嘅厚度同面積都係快餐店牛扒嘅兩倍，即係總共成4倍嘅肉，而且食落個肉質都唔差，唔乾唔韌黑椒汁夠濃，唔求其啲菜冇飯盒菜常見嘅異味個飯都穩穩陣陣，軟硬適中同埋買返去隔咗3、4個字都係熱嘅，加埋紙盒包裝，又靚又保暖又環保整體性價比極高…查看更多

首先講食物質素，其實就十分之抵食，叉燒最ok，燒得夠香又多汁，排到成個飯盒咁長，雞都唔差，仲要普通單/雙拼飯只係50蚊左右，同隔離華豐賣6、70蚊仲要得幾舊又乾又鞋嘅叉燒差好遠，我就諗點解華豐仍然係排到車水馬龍，龍記就得小貓幾隻，啲人係唔係唔識食我食過幾次龍記之後，終於明白，啲人係頂唔順食個飯都要餐餐畀人鬧。聽電話接外賣單嘅電髮呀姐，態度係極度冇禮貌同極度不耐煩，每句都係拖長+升高尾音，冇一句唔係鬧人/怪責人嘅語氣頭一次叫外賣，我話要叫外賣，佢即刻就着咗，「食咩叫啦」，態度極不和善，我講完個飯之後佢就極不耐煩哋呼喝我飲咩，我答完之後又畀佢呼喝外賣定自取，話我唔講嘢。畀佢呼喝完，落到去拎餐畀錢又少不免一輪呼喝。好啦，我以為呢度係好似澳牛光速落單同取餐嘅做法，咁我下一次一call就直接講晒食咩飲咩，點知佢又唔係聽得切，又畀佢逐個逐個item呼喝式問話。冇澳牛伙計咁好本事，就唔好扮到秒秒幾百萬上落咁更好笑嘅係落到鋪面拎餐，我話叫咗個四寶飯，佢即刻以譏諷態度窒我話「我哋呢到冇四寶飯㗎，個三寶飯先係你㗎？」呢個時候張單慢慢印緊出嚟，從來都冇頂撞佢同埋畀說話佢聽嘅我，即刻掹佢面前張單出嚟，隊畀佢睇：「識唔識字?寫住油髀四寶飯呀」，佢就話「咪一樣錢，邊記到咁多餐？拍啦（八達通）！」雖然啲飯係好抵食，但次次叫個外賣都要畀人鬧，受氣同唔開心，我真係寧願畀貴少少走去食第二間，唔想食飯食到冇咗尊嚴。…查看更多