ShuN*瞬的個人專頁

星期六因為要陪阿媽做推拿，所以特登入石門。呢邊兩個商場都好多嘢食，有大鋪細鋪，為咗消磨時間我就周圍走睇定晚餐食乜。行過鋪頭，見到啲點心個樣幾得意，一入去仲播緊五月天，所以拿拿臨BOOK枱。晚飯時段都唔係好多人，得３枱客左右，侍應仲推薦咗帶子餃，話係必食。雖然每籠點心係３件，但係侍應話可以叫２件，咁樣可以試多啲，咁梗係係咁嗌啦大王流沙包，皮偏硬，但真流沙。帶子餃足料，皮軟唔痴牙，啲粉絲仲調咗味，正。蝦餃個樣好靚。芝士酥偏鹹，都可以。等候期間師傅仲送咗個即焗嘅鳳梨酥，好得意！仲香噴噴，熱辣辣！呢間鋪頭比較多煎炸嘅點心，啱曬後生仔。可以ENCORE！…查看更多

天氣好凍想食個辣麵，男友又鍾意食韓國嘢，於是近近地去呢間又唔使等位嘅。我嗌嘅海鮮拉麵真係好多海鮮，有青口、蜆、蝦、魷魚，無偷工減料，唔食拉麵仲可以轉粉絲添。燒豬肉男友好鍾意，啲生菜又靚又新鮮，我唔食肉嘅都忍唔住食咗一舊……。老闆（應該係韓國人）仲行嚟介紹啲醬汁同食法，又唔該前唔該後，好有禮貌。想平平地食韓國嘢可以考慮下，呢一餐每人都係百零蚊左右，叫咗三樣嘢食～最緊要服務態度好，唔使比錢買難受！！！…查看更多

同朋友去旺角咁啱經過呢間又醒起雜誌有寫過呢間餐廳就入去試試間鋪都幾細，好在唔駛等位但係我地兩個人比我地坐四人位得鐵觀音同普洱，但係一樣味……不過$2茶介，唔好要求咁多泥咗個蝦腸同蝦餃先蝦腸個皮真係好粉…不過蝦就OK嘅蝦餃都幾好味…但比平時食開個D淡咗D預料之中，一定比人會比人調……咁唔好彩坐咗係個風口位……隔離枱個小朋友又好嘈之後D嘢又勁耐都唔泥…不過我同朋友都唔介意, 仲好可以坐耐D鮑魚燒賣終於上啦 真係幾好味 無咩肥膏隻鮑魚仲要係罐頭鮑但等咗勁耐其他嘢都唔泥老闆行過泥睇 話蘿蔔糕無晒...糯米雞又話有技術性問題送返兩個芒果布甸比我地, 有免費嘢食, 哈哈不過食完仲未上糯米雞……呢碟餸等咗成個鐘....上咗菜都無胃口了... 其實幾大隻又平又抵下次想食平嘅點心可以諗諗啊…查看更多

之前已經泥過叮賀, 覺得都ok, 於是同朋友泥過我地5點半去到, 其實未開門, 但佢地好好人比我地入去坐, 仲開埋電視tim^^等左勁耐, 6.00先有得落order環境唔錯, 我地兩個人坐張四人枱, 幾舒服ar~~~我地叫左個錦上添花, 似香片味, 無咩特別~但d侍應好體貼, 成日加水我地計計埋埋, 原來散叫比叫一set仲平, 一set個d唔係好啱口味首先雞絲粉皮先上, 粉皮唔夠薄, d雞有d腥, 勝在夠大碟啦....但我朋友話好食wor="=第二上紅油抄手, 幾細粒, 但好好味, 唔太辣又甜甜地, 正!!小籠包都ok, 不過入面唔多汁, 個侍應仲好細心咁叫我地食先, 因為凍左唔好食~回窩肉炒年糕, 年糕依然都係咁軟咁好食, d汁都啱啱夠味, 唔太辣, 但d回窩肉太厚啦, 搞到唔入味, 碟野仲掉埋d竹筍、青椒落去炒, 怪怪地, 仲有d唔知咩肉, 又實又鹹......菜飯太少菜同冬菇...但$8都算平ge, 咁大碗最後就係豆沙鍋餅, 幾少下, 但我地之前食左咁多野,都飽飽, 差唔多啦加埋真係平過食一set, 下次食要記住啦!!~…查看更多

今日同朋友係MK行得太攰, 咁啱見到Tomato有位坐, 就衝左入去啦...叫左2個蛋糕套餐 + 一杯野飲(je係 一個草莓芝士批、一個芒果芝士批、三杯凍朱古力焦糖咖啡)其實都好貴下, 幾廿蚊食一個tea因為轉凍朱古力焦糖咖啡要加成$12變相都唔係慳返好多錢咖咋我同個fd share草莓芝士批, 士多啤梨好酸啊不過都幾好食, 個批個皮太硬....杯凍朱古力焦糖咖啡真係超正!!難怪會咁貴!!~係細杯左d啦...我地仲坐左好耐傾計, 又有水斟泥飲~只係嫌佢太嘈啦, d位幾迫, d人成日撞到凳...又有糖水+奶個d自己加, 真係幾方便~~而且d waitress補充得幾快ga~下次如果有多餘錢就會去...無就真係唔好la..好貴/.\…查看更多

其實本人唔太喜歡吃日本野, 不過自從食過一次ge峰壽司, 就忍唔住再去, 今次係第三次~一入門面, 個waitress見到我地把遮濕左, 就幫我地將d遮入膠袋!!真係細心呢!我同二個朋友去, 叫左一個set A, 兩個set B初初仲諗, 怕唔夠食, 會肚餓~~偷食左朋友個個鉄火卷, 真係幾好味唯一缺點係, 點解峰壽司d豉油咁鬼鹹!!好鹹!! 下次要醒目d唔好點咁多la我唔係一個鍾意食生冷野ge人, 但係食d吞拿魚、生蝦、章紅魚, 都覺得ok, 至少唔腥先ma!~d魚生又鬼咁大舊, 一舊壽司分兩次食呢~haha~可惜我食帶子壽司個陣, 可能我太飽啦....有d想嘔ge感覺....蟹柳壽司依然咁好食!!!正!!~我朋友都話玉子壽司好甜好好味~~不過三文魚就麻麻地wor最後吃我最愛ge軟殼蟹手卷~~~啖啖肉~hehe~~d醬真係一流~個麵豉湯都不過不失啦~三個人$168!!~大家食得咁開心, 都抵啦~…查看更多

上個星期三去食, 見沙嗲王無位, 又見呢間野似乎幾好咁, 就去同媽媽食下啦~唔算太多人, 至少無人等位咁我就叫左個西冷扒+意粉配意粉都要額外加5蚊.........似乎又唔多夠食, 但佢又無咩可以比人揀.....上左個湯先...普通味精湯, 無咩特別好快泥齊d野, 但d份量真係好少, 少得泥又唔係特別好食......食到最尾諗住叫人寫埋個野飲點知我叫左三次手先有人應我叫第一個女仔, 佢生得幾靚, 不過可能高竇過頭, show都唔show我地, 掂行掂過!!第二次叫另一個女仔, 佢話等等先我等左幾分鐘見佢都無行過泥, 再叫多叫咁先行過泥, 黑晒口面, 我見到都黑晒口面啊, 我食野je又唔係得罪你, 駛唔駛咁樣除非真係揀無可揀, 唔係我唔會再泥呢間餐廳!!!!!!…查看更多