靚女唔放屁的個人專頁

韓國人同事介紹到金羅寶食韓菜, 佢話呢間餐廳很好食. 既然韓國人都話好食, 梗值得一試啦! 食物水準高, 樣樣都好滿意.先來8碟前菜, 泡菜, 豆腐和八爪魚都很好吃.燒牛肋骨好入味, 肉質新鮮多汁, 配上醃過既蔥來吃食, 好開胃, 簡直是正到痴線！！蛋拌生牛肉- 生牛肉好新鮮柔軟, 好好食啊，其實我未試過咁樣食嫁！冷麵- 韓國同事話只有夏天先可以食到, 冷麵很煙韌彈牙, 感覺很特別, 加少許醋和芥辣更加好食！另外經理送了一碟鹽燒多春魚給我們伴酒. 十分喜愛呢個酒, 一飲即愛上！入口清甜, 好適合邊吃燒肉邊飲，有個韓國人朋友真係好好多，送左好多野食比我地添餐後送雪糕和生果, 另外一杯用南瓜做的汁, 好特別的飲品. 真多謝韓國同事介紹呢間咁正既韓國菜，下次等我又帶朋友黎食先！！！ …查看更多

1月忙完結婚, 兩口子想休息下, 訓到下午兩點老公話不如去食依間, 去到其實已經係下午四點幾, 估唔到仲好多人無位, 我地要等左一陣先有枱, 都幾跨張, 依度係先去櫃枱付款, 之後服務員一陣再送上食物, 依度食物種類都幾多花多眼亂, 有意粉飯, 甜點有咸有甜, 太多選擇, 諗左好耐先決定食個all DAY Breakfast 因為入面又有咸又有甜, 跟兩個甜煎餅配朱古力醬, 煎餅鬆軟唔粉又不太甜, 加埋朱古力都唔太漏, 不錯, 蛋都很滑, 不過上枱已經不太熱, 扣分 但係好少ALL DAY BREAKFAST 會跟生果, 幾得意, 每樣份量少少, 但多款, 最啱我依啲三心兩意的人飲品方面, 依到都好多選擇, 我擇左個生果茶, 茶味不太濃, 有陣陣的熱情果味, 加埋其他生果都幾fresh, 感覺幾健康, 仲有, 依到消費滿$200會送個免仔架, 好多意, 擺iphone剛剛好! 好有心思!! 食完結綸係我會再來, 因為想試埋其他甜點…查看更多

天氣凍冰冰, 最啱燒野食! 不過估唔到而家樓上CAFE都有得燒野食依度以白色為主, 牆上畫左好多公仔, 另一邊畫左一幅好大既彩虹, 感覺都幾得意嫁, 入面安排左一張枱俾我地, 出面有個小露台就用黎燒野食, 燒好再攞返入黎食, 都算方面同乾淨, 又唔洗個個出去燒, 你知燒野食都幾煙, 啱灑我呢D又想食又唔想辛苦既人 辛苦啦朋友食物方面我真係認為要大讚同推介, 真係新鮮到無朋友, 睇到己經流灑口水, 仲係食到你夠, 無得頂牙!推介牛扒, 有牛味, 而且燒到熟灑肉質仲好嫩滑, 大蝦很新鮮彈牙仲有好多蝦膏, 又係任食, 我地應該食左七十幾隻, 好跨張 帆立貝又係好大粒, 粒粒都有成隻手指咁長, 用炭燒至乾身再加少少蒜蓉, 十分好味, 食到飽灑仲有一早放落去燴既紫心番薯作結, 真係開心到飛起, 滿足滿足題外話, 依度仲養左隻好英俊既貓咪叫"小寶" 超級受歡迎, 四周圍行來行去, 超級可愛…查看更多

等左五分鐘就入得去喇,環境都唔錯,坐落都幾舒服,今次要依個The Full English,粗，佢有得揀要咩蛋,我就比較鍾意依依個煎蛋既,依個煎蛋既賣相都唔錯，因為佢熟既程度同我想像中差唔多，蛋黃仲有少少流心,可以用來點多士，真係非常之正！多士又烘得唔錯,唔會太燶岩岩適中，又有岩岩好夠份量既牛油，點埋少少蛋汁,味道都唔錯。仲有兩條英式腸、焗蕃茄,同埋少少蘑菇當然不會令我失望，仲有我鍾意既煙肉，果然係有水準！之後就有依個Egg Norwegian with smoked salmon($81),就揀左依個SALAD同埋焗豆,好岩自己口味呀依兩個都,因為食左咁多野都想食番D菜,依個沙律新鮮爽口減哂之前既油膩感，一路食都非常開心，至於充滿蛋汁既Egg Norwegian真係非常地好,除左又滑又香既蛋之外，佢個蛋黃奶油醬都係非常好味！加埋煙三文魚，非常好。 …查看更多

之前去依個Holly Brown既Gelato之後就成日都想番黎食,可能就係所謂既念念不忘，雪糕底本身就係依個Gelato，口感非常之柔滑，加埋唔同既食材炒過之後食落有多層口感。本身幾鍾意咖啡既我，當然幾鍾意依到既Mochalicious，晏就唔算太多人，好彩尖沙咀依間鋪頭未算太多人，慢慢行入去都仲可以搵到位。坐係落地玻璃既位置，由於係高椅既關係，坐得都幾微妙下。炒雪糕就係係佢個冷凍板上面，加埋唔同既配料，之後就慢慢炒成非常好味既雪糕。今次佢個炒雪糕做得非常好，配料就有Oreo餅,朱古力碎，今次既朱古力碎同Oreo都比人整得夠哂碎,又撈得非常均勻。雪糕底食落有非常濃郁既朱古力味，意大利雪糕Gelato的食落個口感比較幼滑,當然炒雪糕要講埋員工既手勢,不過今次依到係整得唔錯嫁,抵讚。 …查看更多

今日好早就去左又一城附近喇,約埋幾位朋友行下街食下飯咁,咁好早未到食飯時間就黎到依到喇,咁就叫左幾個午餐,我自己就叫免翁牛柳午餐, 另外個位朋友就要左依個黑椒雞扒，餐湯就有忌廉湯同羅宋湯,餐飽好快就黎到喇,依個食落比較失望,麵包食落比較乾,而且口感仲好硬,完成無鬆化既感覺,仲有少少似隔夜麵包咁,之後就到餐湯,有少少失望,飲落真係完全唔熱,不過味道其實唔差既,只係唔熱,如果熱既話應該幾好既, 依兩樣野姐係依到既失敗,不過好彩主菜唔錯既我個免翁牛柳午餐，叫左半熟,食落都幾驚喜嫁，個汁食落好好味,同個牛好夾,食落好開胃,真係唔錯既,不過朋友就話個雞扒得個大字,食落肉質都一般,但個汁同塊扒真係完全唔夾,佢就真係失望喇。…查看更多

平時行街見到牛角,真係一定排哂隊,好似間間分店都係咁,今日真係好好彩,竟然無人排,可能時間比較早既關係,所以當然要入去試下喇,依間分店既環境都幾舒適,唔錯嫁, 座位夠哂寛,坐得好舒服,最緊要係抽風做得好好,無咩油煙味,唔錯首先叫左小食先,就係牛角沙律同埋一個辣油豆腐,沙律個味道都唔錯,配料都夠哂新鮮,依個豆腐唔錯嫁,雖然成個好似比辣油浸哂,但食落唔算太辣, 辣油係香多過辣,食落非常惹味,好開胃, 之後就係一個石鍋辛味牛肉湯同埋依個牛角飯,牛肉湯食落有少少辣味,唔錯,飯方面都幾好,食落口感幾特別嫁,之後就係主角特上和牛牛肋骨肉, 豚肉,仲有雞翼,材料睇落都好新鮮,燒起上黎食都幾好味,飲品就推介依個柚子燒酌梳打,因為有得飲又有得玩,幾得意既。 …查看更多

今日同兩個女仔同事放工,時間都算早想,係尖沙咀想傾個地方食下野傾下計,有少少難度,但平時成日經過都有經過依間Café,不過真係咁耐都未食過,決定入去試下佢喇, 環境都算唔錯嫁,幾靚,比較童話feel少少,依到既模式係先係櫃位叫野食比左錢先,之後再慢慢等等店員送黎比你食。我們地就只係叫左依個迷你漢堡，飲品我自己就揀左依個芒果菲巴冰咁佢個迷你漢堡就有兩個，有個同事只係飲野就岩岩好喇,另外就仲有薯角，加埋少少既沙律菜,唔錯嫁都,漢堡包都算幾靚，細細個賣相都算吸引既。漢堡個肉味係估唔到咁濃，諗住café既野食只係普通,但估唔到肉汁有咁多，中間仲有青瓜蕃茄,真係十分新鮮。薯角都唔錯,唔會太油,食落唔覺太熱氣,不過如果有多d沙律菜就真係正喇,因為依家用比較多。至於芒果菲巴冰,唔係太芒果味,又飲唔出佢似咩,不過勝在夠凍。 …查看更多

今日黎左好多人食既豚王,排住隊就要落單喇,咁就要左白湯、木耳同埋溫泉蛋,之後仲有依個叉燒拉麵，價錢又唔算話太貴既。排左太約半個鐘左右，由唔算太肚餓排到有少少餓,咁樣都幾好既,不過天氣熱就真係唔想排。入到門口裹面，就已經見好多人圍住D小圓枱係到食麵。一坐低已經覺得有少少熱。加埋廚房裹面D蒸汽係咁飛出來，冷氣又唔算太夠，環境就真係一般唔算太舒服。主角就黎料LU,第一啖就當然要飲湯,真係幾好味嫁,夠哂濃味，再試下佢個麵，都算幾彈呀，叉燒都唔錯,食落都算鬆化，不過依到既野可能膩同埋濃左少少,好似好難食哂全部咁,食左大半個就覺得飽飽地,可能加埋有D熱,所以唔係太有胃口,不過個溫泉蛋真係非常之一般呀,食落完全又硬到,又無咩味道 …查看更多

黎到咖啡弄當然要叫佢D鬆餅,次次食都食到勁飽,因為佢份量真係非常多,佢依個真係厚度十足,而且食落都非常好味嫁,食第一塊就真係真係好好味，除左熱辣辣之外，夾埋雪糕一齊食一凍一熱,個種口感真係好正,但真係有機會食到悶,因為份量真係好多,之前食過士多啤利,今次依個都唔差,不過好似士多啤利開胃D,上次係食得哂嫁,今次係食唔哂,證明比較膩左少少,應該揀番酸酸地會好D。之後就叫左依杯冰滴咖啡,個名真係幾特別,冰滴咖啡到底係咩黎呢,冰滴咖啡就用一個細細地既瓶載著，之後另外有一隻杯，有幾粒普通冰 再加一粒咖啡冰,飲一啖依個冰凍既冰滴咖啡，味道飲落真係非常濃郁，咁香既咖啡就算唔加糖、唔加奶都有咖啡既香味,食完飲依個唔錯,無哂膩個種感覺,不過排隊真係黎依到最痛苦既事,因為真係排好耐。…查看更多

今日黎左又一城行街,次次都見佢排哂長龍,今次短左少少,就緊係要試一試。野食款式都幾多嫁,首先我要叫左依個帶子忌廉墨魚面，依到既墨魚面唔係配墨魚汁去食,唔會成個口黑哂,HAHA,佢係配忌廉汁,估唔到又有另一番既風味，成個味道都算係幾夾下，,不過有少少膩,依個比較上係飽D,可能因為忌廉既問題喇,而且帶子都幾鮮甜嫁,唔算係一般貨式,唔錯,之後就係一個PIZZA,海鮮豐收，蝦就係依海鮮既主要材料,味道都幾好唔錯，依個餅底我幾鍾意食,唔會太厚食落唔會太油都太飽,之後朋友就要左依個煙鴨胸炒飯，成個都幾濃味嫁，好彩既係佢唔會太鹹，味道都唔錯,食落幾好,不過唔好一開始就食,因為比較濃,整體黎講都唔錯喇依到,價錢就中上,不過都算值,不過份量會比較少,大食既人就可能要叫多D喇。 …查看更多

呢到真係差唔多每次黎都要排隊,不過都算值得既,而且價錢都算係貴,不過食物都算有番D質素既,佢依到既設計係可以近距離睇佢地點樣整壽司,都算幾特別既!最好味係當然係三文魚壽司,夠哂新鮮,雖然唔算厚,但食落種感覺都算濃厚, 之後就要個火炙三文魚腩,依個係非常之錯,食落好香,又好有鮮味既感覺,牡丹蝦同珍寶帶子壽司依個都係推介之一,真係非常之鮮甜,而依個珍寶帶子壽司真係非常之大件,個肉又厚,真係鮮甜集於一身,賣相夠哂光澤,之後佢個燒玉子真係好正,燒玉子非常之熱辣辣,好甜美,而且份量都唔算少,又抵食,鵝肝壽司真係夠特別,一入口就溶化,鵝肝味夠哂濃.吞拿壽司都好新鮮.最後當然要食火炙鰻魚壽司,有D燒汁係面,又夠哂肥美加埋佢都幾厚身,感覺都唔錯,夠哂多汁,加埋甜甜地既燒汁配埋一起好夾,真係好正,而且佢個皮又唔會太厚,夠哂好味 …查看更多

聽聞依間既炸雞係非常出名,今日當然要黎試下。首先叫左個幾特別既芝士蛋卷,好少見依個,所以先想試下,一開始食到醬,好特別,酸酸甜甜咁,唔識形容個味係點,食落去仲有好多芝士流出黎,但又唔會太多膩,一諗起成口都係芝士又未必想食,不過依個唔同,個汁加埋芝士會令你想食落去都無咩大問題,果然有創意。另外就到重點喇甜辣炸雞,依個炸雞真係做得真係好香,炸得皮脆，連雞皮炸係一個好處,因為佢炸得好,皮會好脆,如果唔係即做既話皮可能就會軟左,就已經唔好食,好考炸野既功夫 另外個雞肉都好香,起碼食落無雪味,炸得岩岩好,唔會乾哂,加埋個醬汁都幾濃下,食落辣辣地又有少少甜味走出黎,脆雞點埋個汁一流呀真係,之後就係一個芝士海鮮年糕鍋,又係芝士不過好彩我地鍾意,份量真係超過我地食量,上面有一層芝士,睇到已經流哂口水,加埋D材料都幾足,正。 …查看更多

依間都幾得意嫁,入面帳篷既位,中間就有玻璃屋，就係一個室內既位置。都幾正個感覺,可以一邊睇住D海鮮見岩就可以即刻落order，仲有唔同既煮法同配搭。首先就叫一個馬拉棧桶蠔,桶蠔就當然比較細隻，食落就粉左少少，不過配料就有好足,咩椒都有、加埋洋蔥咁樣都幾香口,不過就唔太食到蠔既鮮味。之後就係一個紅咖喱雞,賣相幾靚,個咖喱汁顏色好深色，入面就有D泰式茄子，雞食落唔似出面食個D,有特別做法,不過唔係好識形容。叫咖哩當然要叫埋烤薄餅,用黎點咖喱汁真係一流既配搭，不過當然要趁熱食就最好味喇。最後睇中左個虎蝦,用左黎燒,都唔錯嫁,夠哂新鮮,蝦肉好結實而且蝦頭D膏好飽滿,燒得幾惹味,點埋汁食,正。當然要飲埋個椰青先走人,夠哂大,又多汁非常清甜，椰肉好厚，食完咁濃既野飲岩哂。 …查看更多

知道佢開左好耐,不過又未去試過,今次得閒決定一試。都幾特別就係先叫野就比錢﹐咁樣都方便,食完野就走得,個staff都好好笑容,之後就會收到個號碼牌就有人拎野比你嫁喇,唔係全快餐形式。首先講下杯野飲,就係朱古力沙冰,打得太碎喇,唔知係咪打耐左呢,不過佢朱古力味就好夠,同埋都夠凍呀,如果可以食到少少冰粒仲完美喇,仲唔係太甜,岩飲。之後就係個螺絲粉,口感岩岩好,焗完都唔會太乾身,有咬口,而且肉醬個味道都唔錯,唔會太咸,夾個煙肉就膩左少少﹐可能佢煙肉多左少少,不過依個又睇得出佢夠料。真係矛盾。價錢方面,我都接受到,雖然就係高左少少,不過佢無加一,如果加左就貴左d,唔加就岩岩好,食物方面就好食既,服務就唔錯既,起碼夠笑容先。…查看更多