話說當晚7:30嚟到攞位，門口職員即時問我哋食邊一個餐，話食最入門嗰一個餐，門口職員即刻就話冇位要排隊，但舖裏面係仲有差唔多兩三台位置可以坐，職員即刻改口話如果食貴嗰個餐，就可以即時入座，因為食平嗰個餐有限額，但門口價錢牌，完全冇寫過有限額呢一回事，呢個已經係一個非常之唔好嘅體驗，比我嘅感覺係食平餐就唔招呼，要食貴一級先至招呼，始終都第一次食唔知咩質素，所以都係決定等平嗰個餐，咁佢就話8點4返嚟就有位，咁喺附近行咗一陣，大約8點2行到返黎門口，職員又話要8點8先至有位，完全唔係做生意，完全比我嘅感覺係，你食貴餐就先至會有位，你食平嗰個餐就永遠都唔會有位，一間非常之勢利嘅餐廳，明白一間食肆梗係想做貴啲嗰啲餐，但如果真係要咁做，咁點解唔喺門口價錢牌寫明個時段先黎食，又或者寫明係有限額，俾我感覺係擺明呃你過嚟排隊，然後逼你食個貴餐，有種劏人嘅感覺咁我照等到位入座，老實講食物質素唔差嘅，以$145價錢來講性價比非常之高，佢嘅牛肉同豬肉都絕對對得上版，性價比高但整體而言，未必會返食，始終佢門口個人，態度真係非常惡劣，本身公司亦有問題，$145個餐又唔寫明要分時段，或者有限額，要逼你食298嗰個餐先至即刻可以有位坐，呢一種手法令人感覺非常唔舒服，食完埋單就算餐飯係好食，都有一種令人食到谷鬼氣嘅感覺…查看更多
