Rosemary Suen的個人專頁

:)作為一間茶餐廳, 杯奶茶好緊要, 這間的奶茶都唔錯, 而且食物選擇多, 又好味, 我通常幫襯早餐, 下午茶和晚餐, 有時下午茶會叫福面餐, e.g., 沙爹牛面, 餐旦面, or 雞翼沙律, or 奶醬厚多士 or 西多士 or 公司三文治等, 都係廿幾蚊咋, 至於晚餐, 每晚都有幾款選擇, 有時蒸肉餅, 有時蒸滑雞, 仲有蒸魚, 冬天有煲仔菜&煲仔飯, 如晚餐唔啱食, 唔緊要, 餐牌仲有幾十款小菜任您點, 都係四十蚊咋, 又有油菜, 又有中湯, 又有嘢飲, 兩個人, 一人一個餐, 好豐富呀! 我最欣賞這間餐廳的服務態度, 老闆很熱誠, 如有卡位, 一定給客人坐卡位, 如未有, 也會著客人先坐圓枱, 一有卡位即刻換俾人客, 兩個人也不會叫您坐埋一邊, 不用與其他人搭枱, 人客坐得舒服, 食得開心, 這才是待客之道, 而且這裡的環境乾淨企理, 令食客食得安心!…查看更多

嗰日去葵涌廣場行街, 無意中見到"農家意粉", 當然好想試, 因這間是以前農場餐廳重出江湖, 之前得知在上水開店, 但一直都無緣去, 所以這次一定要試!個羅宋湯好正(有薯仔架!)! 我叫咗個雜扒薯菜, 好豐富, 有薄牛扒, 豬扒, 雞扒, 兩隻大蝦, 腸仔(唔係一般腸仔), 粟米, 西蘭花........, 總之好好味! 都係$58-咋! 好抵食, 我朋友叫大蝦燒春雞餐 (HK$38), 加凍熱飲品加多$3, 唔係誇張, 佢連杯飲品-凍檸茶, 都好飲個人, FEEL 到佢做飲食做得認真和有誠意, 仲有呀! 嗰日我吔食到好飽, 但都忍唔住叫多個甜品(香蕉班CAKE)試下, 因為見到隔離枱食, 好似好好食咁, 果然不錯, 都係幾蚊咋! 唯一要彈既係個蒜蓉包麻麻地, 不過佢有超多餐選擇, 僅有一款啱您吔, 大家不妨幫襯下. :)…查看更多

:)因為我同我 honey 都是奶茶精, 故對試奶茶特別有興趣, 知道鄭記士多得第三名, 雖然幾偏遠又索價頗高($68/杯), 都想專登去朝聖一下; 試過後味道真的不錯, 一杯的份量比平時多兩三倍, 本來我吔唸住一場嚟到, 豪D一人叫一杯, 點知鄭生好好人, 佢話兩個人叫一杯便足夠, 我欣賞的是鄭生對奶茶的誠意和專業, 他教我吔點先叫做一杯好奶茶, 真的獲益良多, 在一間士多飲奶茶我吔都係第一次, 當日我吔仲試埋榴槤布甸, 都好正! 基本佢冇食物供應(除咗水果和榴槤布甸), 建議您吔先去隔離裕記食碗燒鵝瀬打打底再去鄭記歎奶茶/咖啡!我打算下次會再去試埋籃山咖啡. ($128/杯). …查看更多

嗰日約咗幾個朋友去食晚飯, 坦白講lee 間d食物一般, 食日式/西式fusion菜, 都唔平, 不過貪佢都坐得ok舒服, 七點幾開始食, 傾下計, 食到八點幾九點, 店員開始不停咁收餐具, 其實仲有少量食物, 跟住又狂加茶(係做成騷擾嗰隻), 擺明趕客, 但我同d朋友都唔明, 冇人等位, 又仲有其他客食緊嘢, 使唔使咁呀! d服務態度咁差, 下次仲點幫襯喎!…查看更多