正一貪食蛇's Profile

試吃，打卡有關東煮送呀🐅🐅🐅🐅🐅🐅 豚豬烏冬熱辣辣，預返時間排隊。都幾多人。啲服務都快，話就話要等廿分鐘，實際等十分鐘就有了，十分滿意。價錢可以接受。環境ok…Read More

抵食又多款，平時不用排隊。一至五來最好，食60分鐘好夠食有多款菜，好乾淨又新鮮，又有熟食一堆，關東煮，糖水，雪糕都好好味。芝士蛋糕又係好食😋時間都有一個鐘，所以作為打工仔，食呢個餐做午歺係ok ge。…Read More

份量少，價錢貴，醉雞ok. 鮑魚正常，但唔到好好食，未係令人留下深刻印象。菇湯底味道係可以，但食完都有啲口渴。藥膳湯底就唔係太濃味，都係做唔到好正呀嘅效果。枱頭辣椒酒好辣幾得意。野飲仲要加錢。落錯單。唯一好處唔洗等位。無值得再去嘅必要同衝動。…Read More

老陳次次都要一個兩個人黎食先得㗎！原因係一到午餐時間就好多人㗎。呢間野裝修比較復古，環境都算迫。不過我點解會回頭食呢？主要係上水無乜高質車仔麵。而呢間個湯底算係相對上幾好飲唔會太咸菜式方面我好欣賞啲炆羅白，十分嫩同甜。而且一碗有成4,5舊，食得好滿足。另外啲牛丸唔係出面放題廢丸，幾彈牙有牛味又juicy,。食落會知係貴野。仲有牛肚都好入味又唔韌，真心好食嘅。豬紅就平常啲。麵都唔太重梘水味。要講嘅缺點可能係份量唔大，而且野飲要另加錢，就比較貴啦…Read More

原來呢間係以前響粉嶺牽情間嘅樂怡餅屋，搬咗過嚟吊腳咗。但質素一樣好好食。而且都唔算貴。最近新出McGriddle，個樣睇落好靚仔。無買。因為有件更吸引嘅食物，就係朱古力鮮忌廉卷蛋。一件先13,14蚊，平。但質素係好高。忌廉勁滑，件蛋糕好幼細，食落去個texture好襯到滑嘅鮮忌廉。唔會好甜，但好重朱古力味。下次一定要試埋麵包同切餅！超正！#隱世街坊小店…Read More

有樓上房，足冷氣，舒服。份量夠食，豬扒夠香茅味！只係豬扒炸得乾咗少少。加十蚊有椰汁冰，青檸梳打之類特飲都ok! 野食嘅價錢就略貴啦！賣50蚊或者送檸水之類會值得啲！…Read More

平時都幾多人幫襯咪試吓囉。訂嘅時候十分爽快，打電話落單唔洗俾錢平台賺。買左雞同乳豬。雞就乾乾地，但係滑。乳豬就半肥瘦兼脆皮，係唔錯嘅性價比。味道又唔會過咸。可惜點解會食食下有少量豬so味呢？識食嘅人就知，一食就會好覺眼。馬上扣咗dd分。但咁嘅價錢就無得求完美啦！…Read More

我飲唔到奶精，店員肯幫我轉做鮮奶，好好人呀👍🏻茶底都幾好飲嘅。黑糖珍珠味道不錯，只係痴實哂做一串飲唔到呀..用紙飲管我又篤唔穿個包裝飲，有啲唔方便。好大杯，飲完唔洗食飯。$30係正常價👍🏻…Read More

$37買個下午茶。垃圾到。首先份量少過大家樂大快活好很多。幅圖果度有4,5塊叉燒但返到屋企得2塊仲要走色，即係食白飯。碗仔翅就好杰啦食篤鼻涕咁，之不過我懷疑係齋，雞絲就失蹤。乜咁健康。最後杯紅豆冰走飲管走埋匙羹，我飲乜呀？ ？ ？ ？ ？ ？ ？ ？ ？ ？落外賣果呀姐就十下十下，落咗成分鐘，等個咁簡單嘅外賣，仲要得半滿嘅客，罰企咗十分鐘仲要我主動催先幫我慢慢筆。我個樣似好得閒咩？ ！我以後唔會再幫襯呢間垃圾百份百，垃圾！…Read More

勁早就賣哂最好食嘅牛__腩………喂！1點幾就賣哂。唯有叫普通牛腩麵…..點知好喜出望外！又多件，又淋又好食。好有牛味喎。果然係舊式舖頭。凍飲都唔錯喎。杯凍0茶都係加幾蚊，正常發揮。值得嘅。除咗環境迫啲，要搭枱，又有機會要等位。其他唔錯。食完都無催走。見佢有越南粉面，好似都幾好食咁要食多幾次先得啦…Read More

首先間舖頭係靚嘅，光猛！但唔舒服。呢張椅好高，坐響度要彎低個身食野好辛苦㗎，打完卡就要轉枱。食物方面，呢間比起舊舖係少啲選擇，無咗套餐，啲野貴咗。餃子質素ok, 但個湯真心有啲少，味道係無乜味精，味道就ok, 如果有返個燉盅，有返少少湯料食，多返少少湯就好啲啦。依家個presentation 好似飲緊例水咁！嗌8隻餃子就唔係好夠飽啦。芝士蛋糕一如以往，不過呢度今次就得一款，有啲失望。人手不足！位置幾吊腳！我建議老闆都係自己過返黎新舖睇場好啲啦！而我都係會揀返舊舖食！…Read More

睇咗食評好似好正，又去試新野。嗌咗午餐喇沙豬扒麵，跟餐飲58，其實就正常價，無話好平。點知黎到，大失所望。首先我落單就自己落，肯定就落咗喇沙，點知一飲個湯底係冬蔭公，又酸又辣。問樓面，一睇我有豆卜就一定係冬蔭公。不過我就無食過酸辣味嘅喇沙啦。重點係個湯底仲要唔好食，係典型嘅冬蔭公即食麵入面果包粉開出嚟，隻辣係 乸住喉嚨果隻，無好c服既感覺不過樓面係都話無錯我又可以點喎。到豬扒啦，好入味，不過入味到咸咗啲，過火啦，不過都好食嘅，脆嘅！塊扒都有啲肥膏，唔會太硬。至於杯熱檸茶，我就谷鬼氣啦，得2塊薄到透光嘅檸檬，點篤都無酸味，茶又澀得滯。環境唔算舒適，啲樓面係咁攞啲餐具出黎抹，係咁掟返落個西到，勁嘈出面有盞廣告牌閃閃下，照住哂，對眼好唔c服，食完要拿拿聲走！哎呀新蒲崗咁多野食，呢間真係無下次！…Read More

深水埗新開嘅海南雞飯店，睇得到餐牌比其他同店貴少少。嗌咗最出名嘅海南雞飯，飯有椰漿味，有雞油，幾好食。但雞就一般無特別，無話勁滑或勁有雞味，至於加8蚊嗌咗青檸梳打就唔記得落糖俾我，難飲到。不過嗌外賣就無仇報 right?仲有，呢間可以WhatsApp落單，夠鐘就去拎，幾方便！只收現金。不過要食平啲同有得坐我會食對面海南雞泰國人，要好食我會食街坊食堂。唯有係WhatsApp 落單方便，但要排隊就不必了。…Read More

經f熊貓嗌咗新出嘅薑汁芋圓加芋頭。食物味道幾好，薑汁好辣。芋圓不多，只係芋頭變了芋泥。加咗6蚊原來只有一茶匙，紫薯也是。成份都35蚊，份量就令人好失望。我覺得廿三廿四都係專心做飲品好了，糖水就不用了。…Read More

我今次幫襯呢間燒味店係因為人哋介紹的，買咗佢最出名嘅叉燒同埋燒鵝雙拼飯，盛惠50幾蚊，但係佢比到嘅質素係遠超過50幾蚊嘅質素。首先講吓個叉燒先，佢係屬於半肥瘦嘅叉燒，入口啲脂肪就會開始響個口溶化，啲肉好林，味道唔會過甜。至於燒鵝，好開心好幸運今次佢斬咗隻髀俾我，已經喜出望外，一放落口，啲皮好鬆化，脂肪馬上響個口溶咗，啲肉又滑又嫩，味道唔會偏鹹，重點係帶有一啲檀香木香嘅味道，後尾先知佢原來係用某啲特製嘅方法去燒個燒鵝先會咁好食，係專業過燒鵝海鮮酒家食嘅燒鵝。至於個色，似乎餐廳有自己特定調配嘅醬汁，並唔係其他燒味舖食嘅味道。好食嘅，但係我食唔出佢用咗乜嘢特別嘅方法去調配。由於我今次食嘅係外賣，佢個飯盒都令我好印象深刻，因為佢係用一個粟米盒去裝住，我覺得又環保又衛生。仲有，所有飯都會送一個冇味精老火湯，我嗰日飲嘅係煲老黃瓜，又真係唔會死咸，唔會淡到好似水咁，真係唔錯喎！所有鍾意食燒味飯嘅人，一定要去試吓呀！…Read More