ayumibaby的個人專頁

無懈可擊！食物超級新鮮！員工態度極親切！極殷勤！成日出去食都未試過食得咁開心，啲嘢食又唔貴，個湯底一流！有機會一定要去試吓！記得要訂位，因為好多回頭客，五星好評！重點推介牛肉層層碟鯊魚骨湯底醉雞子同朋友聚會一流，冷氣夠，坐得舒服！…查看更多

環境很惡劣！很惡劣！很惡劣！D人係你身邊不停行泥行去行泥行去！超級超級嘈嘈嘈！員工態度「友善」，點餐都唔想寫，叫我地自己寫⋯ 但東西真係好好食，價錢唔貴，有意試陳根記請有心理準備全餐飯要自己照顧自己😅不過唔好誤會，雖然個環境係比較混亂，但係唔污嘈嘅，起馬見唔到小強同Micky...另外呢度可以自已帶酒泥飲，埋單時職員都冇另收費，係一個PLUS😁! 上菜很快，夠熱，有鑊氣！建議要早少少泥搵位同order定WASABI 手C雞，因為好搶手架～😋…查看更多

老公話有間樓上意大利菜好抵食，帶我去試下。地方都嘅易搵，星期六一點上樓都唔洗等太耐，一上到去就有位，環境ok；侍應全部賓賓，咩佢地識講意大利文架咩？😰求其啦😂😂😂泥食野啫！說話在頭，我係唔鐘意食西餐，因為覺得食一餐時間太長；食完D野唔飽又唔知食咗D咩落肚；一般西餐上菜都唔夠熱，係暖架！連個湯都暖！好恐怖！甜品我係唔食嘅，但又包係個set度，唔食又唔可以平D...; 個餐茶我唔鐘意最後上，最好我一坐底就俾我，但去到呢D地方叫佢先上餐茶，個侍應好似見到外星人咁望住我⋯⋯有同感嘅，輕輕俾個LIKE，THANK YOU!言歸正傳，我快講！環境：很好，靜靜地，好坐！員工：幾好，識笑嘅食物：因個人喜好問題，我給一個差。食物唔夠熱；食唔飽；所有食物都好淡味，我要加鹽同胡椒粉加TABASCO先有返少少味；甜品仲要係我最憎嘅香蕉蛋糕😞⋯上菜速度正常價錢：兩個set lunch加一共$281，屬正常PS: 我平時鐘意食腥味野，海膽，雞子都鐘意。鐘意食腥野嘅人可以挑戰下個海鮮魚柳！真係腥到冇friend謙動粗！好似張條生魚直接擺入嘴度嘅feel咁！連我都頂唔順⋯ 真係唔明D意大利友咩樹幹要食埋D咁嘅野⋯⋯喂！我究竟係咪俾我老公棟咗啊😩…查看更多

有朋自遠方，話要去LKF見識，點知班機delay咗，星期日先到香港。星期日其實老蘭好多餐廳都早收，甚至唔開，見呢間好似冇咩人，靜靜地，咪試下囉。一行5人，我快講：1. 食物味道屬「正常，雞有蛋味，羊有蘇味」2. 服務生反應屬「正常有少少鈍鈍地」3. 環境屬「良好，梳化幾好坐」4. 上菜速度屬「遍慢，成支酒飲完先上菜」5. 價錢屬「幾抵，叫4個菜加支酒先$1300」題外話：TABASCO全間餐廳得一支！用完就冇！呢個有D不可思議⋯總結：呢間餐廳是正常，完。:)…查看更多

嗯⋯味道一般般，去之前睇過OPEN RICE話服務差，其實沒有太差不過都唔算好⋯食物味道就屬於「正常」，夠熱；環境就「KEEP得好好嘅舊」，明白嗎？整體而言「一般」到我都唔知寫咩好⋯⋯…查看更多