yuki_choi的個人專頁

book左6.30pm，坐低後6.43pm已經落單，當時加埋我地共有三張台，其中一張已經吃完。我地第一次落單總共叫左11串串燒同一個飯糰，過後再加兩串。串燒味道的確唔錯，最精彩嘅係頭尾總共一個半鐘先出曬菜，期間我地亦有催菜，但係waitress只話已經做緊叫我地繼續等，甚至話我地加單嘅比較遲所以未出到，但係我第一單order嘅嘢你都未出曬？？？冇咁多師傅做就唔好接咁多單夾硬要客人坐係度守住個空碟等！到埋單先發現一坐低就遞過來嘅兩碟生菜盛惠40蚊，但係擺低時冇講過，大家如果唔想要嘅記得要退！！！最後同朋友話split單找數，推話我地坐低時冇講話要分單，hello？大佬你平時出街吃飯點嘢吃會講埋要分單？？最後8.23pm先埋完單走到，簡直係度等吃成晚。到最後吃完個半鐘晚餐出來我都仲係肚餓。🫠…查看更多

好少寫食評，今次真系唔寫心入邊都唔舒服。首先系服務態度非常差。同兩位外國友人來到，我坐低叫左個魚蛋米走青，來左一碗雲吞墨丸面，之後話換但冇米線，我話換魚蛋河，摞左碗雲吞河來。我話我冇叫到雲吞河，我唔中意吃雲吞一定唔會叫。三個員工過來，指住我個鼻鬧我，話我頭先一定系叫左雲吞河，鬧左我5分鐘，最後唸住算數，話得啦認自己衰仔咯，距地直頭踩人上面話‘系呀就頭先肯定就系你嘅錯’。真系第一次吃一餐飯吃得咁火滾。第二系d嘢勁難吃。因為已經11點幾，冇吃晚餐，已經懶得同距地吵，唸住忍下吃個雲吞河算了，點知，從來未吃過咁難吃嘅河粉。粉太軟，雲吞梘水味太重，湯底完全唔系湯只系面水，難吃到連日本友人都震驚點解會有咁難吃嘅湯底。朋友叫左一個炒牛河，油淋淋，又系吃左幾啖就已經放棄。連個灼通菜都完全冇味但又油淋淋。總之，呢d餐廳嘅存在簡直影響香港形象，如果有遊客來到都有咁嘅遭遇，簡直覺得丟曬香港嘅架。…查看更多