VenusYuet的個人專頁

今晚突然好想食小籠包仲係樂天嘅特色小籠包東涌呢間唔算大間但閒日都唔少人今次叫咗小籠包、楊州炒飯同埋口水雞小籠包唔使講真係招牌菜八種唔同嘅口味原味、絲瓜、鵝肝、黑松露、芝士、蟹粉、蒜香、川味當中我最鍾意係蟹粉黑松露味亦都好香蒜香味就好濃郁豐富川味一丁點微辣每隻都係爆湯汁口水雞中等辣度 不過我覺得有少少咸咗啲如果配白飯會好啲楊州炒飯可以揀少鹽少油呢點幾好 仲有口水雞都可以走莤🫶🏻畢竟唔係個個頂得順個飯少鹽之後食落真係好清淡真係得丁點咸味味道不過不失…查看更多

係M+睇完展覽肚仔餓見到呢間中餐廳環境幽靜裝修又靚第一碟上嘅係黑豚肉叉燒 另外有一碟紫蘇葉 包住叉燒嚟食可以減輕叉燒嘅油膩感 同時有紫蘇葉嘅獨特清香叉燒肉質鮮嫩 仲可以食到一絲絲嘅肉質感非常鮮甜嘅松茸菊花豆腐羮以前都只係電視度睇到呢種藝術品豆腐非常考刀工嘅一味菜成個湯都係松茸嘅鮮味脆皮炸雞外面一圈虅椒花椒每一啖雞肉都有微微觸電感覺食落唔會好麻 唔會搶走雞嘅味道呢道菜非常令人眼前一亮最讚嘅係呢個泡菜和牛炒飯淨係聞味已經好勁嘅鑊氣食落口唔會好咸 反而係好香鑊氣香加上和牛油脂香再加上菜粒鮮甜嘅中和燉鮑翅就冇咩特別評價可以見到翅嘅份量都幾多偶爾飲返一碗養顏最後係日式布甸收尾不得不說呢個布甸真係出邊未食過布甸質感似牛油非常軟滑又濃厚滿足餐廳服務態度非常好 感覺又唔會侷促每道菜式都令人印象深刻 好睇又好食外加出面咁靚嘅夜景非常適合約會…查看更多

香港好食嘅放題真係好少今日又再翻兜呢間實在係太懷念佢地嘅海膽帶子而且見到今期再加入左大量海鮮刺身😍仍然都係鮮甜同新鮮三文魚腩又厚又大件，一件油脂味重，一件奶香味重仲有大大隻海蝦，勁滿足今期仲有奄仔蟹食，比較上次大閘蟹呢款蟹膏味冇咁重，但係啖啖肉唯一失望係長腳蟹，鹽水味太重了，好咸熟食都係平時水準，不過不失重點係佢多咗好多甜品同雪糕有我大愛嘅薄荷朱古力，不過我覺得甜左少少新出牛奶布甸、斑斕布甸、野莓乳酪雪條真係多到食唔哂🤤 …查看更多

好多年前飛試到呢一間雞飯機場嘅質素其實唔算最好香港大多數海南雞係普通白灼個種呢間嘅雞係有味個重點係佢個油飯淨食個飯都可以扒曬一碗味道比一般油飯濃 味道適中有米飯香味同油香味散發2樣嘢配合食真係世一之後好奇心驅使我搵下有冇門市上環酒店入面有一間碟飯足足二百幾蚊 起碼半隻雞佢嘅好食程度係機場嘅幾倍今日先知原來門店已經關咗但又去咗觀塘個邊嚟緊會去試吓 價錢都平左一半同埋先發現原來係米之蓮餐廳？個人心目中呢間雞飯top1…查看更多

內文：行荃灣廣場到咗食飯時間，見到呢間燒肉放題新出咗三款放題套餐再加埋刺身任食，決定試試佢當月生日提早一天訂位仲送一個和牛生日蛋糕可惜我係walk-in🥲我哋揀嘅係入門級，但菜單都已經有好多選擇最驚喜係牛舌有4款😍我個人就比較鐘意牛舌棒厚度適中，肉質鮮嫩多汁真係超好食🫣其他牛嘅部位完全唔識分，但全部油香味都好重不過醃好有味嘅偏咸少少食開清淡建議食原味自己溝醬碟好啲食物仲有蔬菜、炸物、海鮮、熟食自助個邊仲有玻璃樽可樂、樂天飲品仲有2大個雪糕雪條櫃侍應服務態度好好，因為用code落單唔知收唔好定點，睇唔到圖打開WiFi諗住連商場，點知職員行過見到即刻叫我連店鋪WiFi 而且每一次落單冇耐就即刻上菜亦都冇甩單嘅情況整體嚟講值得再食…查看更多

我願稱之為我食過最高質嘅海鮮放題！啲海鮮特別特別新鮮，重點係升級之後啲海鮮係任食！任食！任食！而且新出埋大閘蟹放題OMG😱佢啲蟹膏係超級香🤤刺身每一樣都係勁鮮甜。有好多海鮮我都係第一次知道原來可以咁好食！！！魚子醬有種咸香同魚脂味，海膽帶子都係好好食，我其實唔係幾好海膽，平時食過都唔多唔少有啲臭但原來新鮮嘅海膽係香甜嘅🥹🥹我以前食嗰啲乜嘢嚟？！我個人特別鍾意食佢嘅螺肉。仲未講佢放題嘅其他熟食，完全0伏我真係第一次遇到好食嘅放題…查看更多

真心鍾意食小籠包嘅你一定要試吓，我覺得比較市面上食到嘅小籠包好食，侍應一放低會提你最好趁熱食🤣佢籠底係用布墊住，首先就避免左痴底易整穿嘅情況，真係好貼心！咬開個頂，啲汁流晒出嚟，成隻匙羹都係湯汁，第一啖入口非常鮮甜，然後再成粒入口，並唔會覺得太熱（利申貓脷非常怕熱）形容唔到嘅滿足感，因為好少小籠包的汁係咁多，但又同時好好食，開始後悔冇叫到佢嘅八色小籠包🥹之後再試佢個生煎包，嘩…. 個底唔係話好煎炸個種，但係非常香，有種獨有嘅油香味。包入面有少少油汁，令你唔會覺得乾身，配合埋包嘅香味😋😋😋最推介佢呢個蟹粉炒飯，你係估唔到咁好食，外表真係平平無奇，有堆汁係飯上面咁，但當你食入口，並唔係濕飯咁，而係勁香嘅蟹粉味！你仲可以食到啖啖蟹肉連埋炒飯，成隻蟹嘅精華係哂碟飯度，大滿足❤️…查看更多

係附近搵嘢食，見到呢間google評分幾高，環境衛生，位置寬躺，餐枱同凳都有設計感，播住90後嘅廣東歌，店員服務態度良好，食物算偏中平價位。海南雞基本上都滑嫰，部分位置鞋身，本身都有味可以唔使點醬，油飯冇乜特別，味道比其他餐廳嘅偏咸。黃咖哩蟹肉少辣，未撈前可以食出蟹肉係用水恰我個人覺得一般般。加$15有碟小食，蝦春卷幾好食，炸得脆口泰奶不過不失，唔會偏甜，亦冇特色。下午茶價錢再掋啲，總體而言可以一試。:)…查看更多

兩個字 好咸除咗咸唔知應該比咩評語唔會話難食 但同你屋企自己煮冇分別特別個炸雞皮好鬼咸拉麵嘅叉燒好厚好‘鞋’ 黑蒜油只食到醬油味 又係好咸 烏冬冇特別 但炸魚餅非常油咬落去成口油而且枱面有食物渣 完全冇抹乾淨同埋點餐個女收銀講嘢好細聲…查看更多

平價又好食嘅牛扒🤤個晚心血來潮突然想食牛（利申：平時好少食見到呢間評價不錯，八點幾去到只有幾枱客門口有部自動售賣機，買好之後就可以自行拎野食（湯、飯、沙津、檸水）全部任添、自助形式首先一定要講佢個湯！係牛肉湯😋我就覺得有少少咸，但係啖啖肉啊🤣我就揀左$160/300g澳洲肉眼扒熟的程度係自己控制，食落又嫩又香🤤建議唔好跟佢寫一路切一路食 因為食食吓塊板會唔夠熱，雖然可以換過塊板😓但換完之後會太熱結果成塊扒well done左 建議一開始就切好煎好先再慢慢食…查看更多

餐廳環境幾好 光猛乾淨 揀左靠窗吧檯位置 原本見相片有戶外坐位吸引而來 點知佢地話未有叫左2個set 2杯milkshake 1份鵝肝鵝肝第一啖非常香口 食落仲有餘香然後第二啖開始覺得好油 香氣都冇左魚柳薯條 又係第一啖好正炸得好香第二啖食到非常多油且乾身冬蔭公個飯不過不失 都係第一啖非常吸引 再食就覺得唔掂飲品冇特別 都冇再試佢個咖啡…查看更多

已經第二次食佢喇同第一次食一樣咁好味依然係叫雞肉河粉 雞鎚肉質稍為比較鞋身同硬個湯底甜甜地 似滷水河粉係非常寛身同薄皮個種 面頭仲有炸豬皮同碎花生吸哂湯汁 正！泰奶茶冇一般個種咁甜 啱啱好…查看更多

食開佢個干鍋好食 最近都係食午餐一人干鍋 4個餸一直都叫開2份豬頸肉2份午餐肉今日過去三點幾 入到去完全冇客人咁坐低我同朋友一路傾計一路睇菜單由我入去坐低前後都冇五分鐘個男店員已經埋黎2次 第二次仲直情吹我地落單 企係枱隔離等我地叫但其實我哋一直冇叫過人話落單之後我好似平時咁叫 佢一句噠埋黎話唔可以叫2份 又話冇豬頸肉我話我一直都係咁叫架喎佢仲好串咁話依家冇得咁叫以往都係一個姨姨落單唔知呢個男店員對我有咩不滿因為之後入黎個三個女仔 好明顯佢對人態度唔係咁樣…查看更多