星期六下午跟男友附近行完街,經過吉之島順便搵野食,見德苑無咩人,又想食清淡啲就入去試下。 一試以後唔想再幫襯。 入到去睇menu我覺得價錢係偏貴,一碗艇仔粥48蚊左右, 男友話想試下可能好味呢,就叫左個套餐有艇仔粥,蘿白糕,油炸鬼。 而我就叫左個淨雲吞。 食完我地兩個都覺得以咁嘅價錢,啲食物質素真係唔得, 出面啲細間傳統粥店分分鐘仲好食好多。 油炸鬼啲油多到係咁流, 食落甜味好重,口感一啲都唔脆,似食緊塑膠咁。 蘿白糕一夾就勁碎,而且完全無蘿白味, 又唔香, 我覺得好難食!!! 艇仔粥我覺得係俾足材料嘅,不過味道唔得,粥又唔棉, 豬皮上有好多黑毛,睇見無咩胃口。唯獨係淨雲吞係比較一般正常。環境方面, 我地係坐近 Cashier 個邊位置, 啲冷氣好唔夠,啲野食未黎都覺得熱, 食嘅時候食到出哂汗, 而且見到有一隻烏英成日飛黎飛去。 所以今日一試,對呢間評價整體麻麻。 
…查看更多
…查看更多
