白帽的個人專頁

今日同男朋友黎西環搵野食 因為有朋友去左台灣,見到佢地係咁POST野食相,所以黎左呢間阿元來了黎滿足下自己嘅心靈 喺門口等位嘅時候已經覺得鋪頭嘅裝修好得意,都幾有台灣嘅感覺因為未坐得住所以店員俾左張點菜錢我地剔住先,不過都好快有得坐我同男朋友每人叫左一個魯肉飯($29*2),另外叫左一碟鹽酥雞($35),一碟蚵仔煎($35)野飲方面我要左一杯凍嘅奶蓋綠茶($20),男朋友要左熱嘅皇室奶茶($20)魯肉飯真係好好味,啲醬汁好濃,肉質都好淋,而且29蚊一碗都覺得幾抵 鹽酥雞嘅肉質ok,不過我覺得上面淋左啲類似華鹽加唔知咩嘅香料,其實可以唔駛落,感覺好似食緊豪大大雞扒咁樣,我曾經食過最好食嘅鹽酥雞,面頭都唔洗落呢啲粉嘅,靠醃已經好好味柯仔煎淨係我男朋友食,因為我唔太鍾意蠔嗰種質感,唔記得問佢好唔好味,不過佢無食晒,話因為碗飯都已經好夠飽奶蓋綠茶,無乜特別,啲奶好甜 男朋友杯奶茶好滑,但唔夠味 總括來講,我覺得其實淨係食個魯肉飯同環境都ok,算係一個食飯幾舒服嘅地方 …查看更多

一早就已經喺openrice度搵左呢間日本野,專登預先打左電話去訂枱第一次打時係大約1:00pm,打嘅時候同佢講晒想訂幾點幾多位之後話叫我1個鐘後再打黎2:00pm時我再打左個電話訂枱我覺得兩次聽電話嗰個人(應該係同一個人黎)冇乜禮貌同無心機聽我講野,但可能我打去時佢地lunch time太忙,所以都無損我要去食野嘅決心 去到的時候,職員話要等,我諗坐左5分鐘倒,bar枱有客人走,職員就想安排我地坐bar枱(我覺得佢地應該無尊登留位俾我地,而且訂枱時都無提起過要坐bar枱,唔同客人有唔同喜好,問聲會好啲)後來等多大約10分鐘,安排左我地同另外三個人坐一張大枱(其實有啲搭枱feel,加上嗰三個人嘅其中一個成餐飯係咁喺度自吹自擋,聽到佢講野有啲辛苦 )坐低左就即刻叫野食,最先黎到嘅係sukiyaki牛肉鍋($88) 職員幫我地係上面淋左隻生蛋,然後擺番個蓋焗佢牛肉鍋個湯味道甜得岩岩好,唔會好似出面啲放題咁樣個湯好甜好甜搞到好漏,但係啲牛肉可能因為焗得太耐嘅關係有少少韌蟹籽沙律(唔記得幾錢)幾好味,而且蟹籽同蟹柳嘅分量都ok,唔會話食食下已經冇曬蟹籽同蟹柳 另外叫左兩客三文魚腩壽司($18*2),一客火炙三文魚腩壽司($18),一客火炙芝士蟹柳壽司($15),一客芝麻醬帆立貝壽司($18),一個唔知咩芒果三文魚天婦羅卷($58) 壽司都好新鮮,好味,而且我覺得價錢都幾實惠,但我覺得個芒果三文魚天婦羅卷個味道好怪,男朋友幫我食晒 另外值得一提既係有一個剪非常短頭髮差唔到好似平頭裝咁樣既員工,帶住灰/啡/綠色眼鏡嘅(隻顏色好複雜,分唔到)好似有啲燥,反應超級冷淡同埋唔係好理人埋單連加一$342.1,野食就ok,但服務真係可以改善…查看更多

睇完戲9點幾先食飯,就諗住打邊爐 新星唔算好多野揀,但真係幾平,銅鑼灣任食邊爐佢都係大約100蚊倒任食既餐廳既問題佢都有包括就係你寫幾多佢唔會俾幾多你,好多野亦都會漏以為肥牛個D先會咁,點知菜都係咁肥牛我認為肉質太韌, 無乜牛味蔬菜類例如白菜及生菜都好新鮮最好食反而係蟹籽丸,芝心丸呢D另外我覺得拎醬料既地方太污糟尤其D鼓油,好似好多油咁, 同埋D鼓油無乜味汽水好多時宵夜時候去, D汽水係唔凍個桶已經無晒冰, 得番D凍水不過整體黎計係幾抵食, 不過就寧願去灣仔間秋東…查看更多

呢個月太忙,要寫番成一個月前既食評 不過我記得當日3點幾好肚餓,又咁岩係旺角,就去左呢間一直SAVE左係電話想試既餐廳度坐底ORDER左個午餐 (我驚下午茶唔夠食), 先睇到OPENRICE既食評話D野食要好耐先到心諗死得啦...因為真係好肚餓野飲等左都幾耐,因為得一個店員(負責埋水吧)我叫左杯朱古力,我覺得好好味,朱古力味濃,而且仲有綿花糖 野食比我想像中快 (我見D人話起碼等半個鐘),我就等左20分鐘雞扒配芝士配蕃茄醬係幾好味,不過我嫌D醬唔夠多餐廳環境係幾舒服,野食亦唔錯,不過我覺得可以請多幾個員工因為我淨係ORDER野飲都叫左3-4次佢先得閒黎…查看更多

想試呢間牛角包好耐唔記得係邊度見到話出左新野, 叫大膽菠蘿油, 就同左男朋友黎食$30既大膽菠蘿油如圖好好好好好好味, 而且暖暖地, 個包好鬆脆牛油亦都唔手軟, 俾左一大舊初初都覺得30蚊食個包好ON居,但食完只想再食一個實在太好味…查看更多

今日有事去到大角咀,男朋友介紹之前係附近食過一間泰國海南雞飯好味係OPENRICE搵左好耐終於確認左係呢間個飯幾平下, 三十蚊倒, 我加左錢飲龍眼冰龍眼冰既味道好特別 (唔係平時既龍眼味)飲左有好爽既感覺,好消暑送既紫菜湯既紫菜好好味 (我本身好鍾意食紫菜)差D想叫佢加D紫菜俾我不過D湯我就無飲晒,因為我已經有杯凍飲啦主角泰式去骨海南雞飯雞好嫩,飯如果係油飯既話仲好重點係個汁,甜甜酸酸又有少少辣我唔食得辣但我都係咁落落D飯度食…查看更多

我同朋友加左$50升級不過LIKE PAGE諗住有鮑魚送,問左幾次都話黎緊到最尾原來話無晒,轉左送四隻大蝦 (但我升級已經可以任食...仲洗乜你送)呢點令我有D唔滿意點解無唔一早講?講番刺身先,通常放題既刺身,三文魚都係最HEA,因為好多人放題都係食帶子/甜蝦多所以唔知點解放題D三文魚都係好難食,成日切個邊俾你,咬都咬唔開個D但番本既三文魚係我食過咁多間最好味既同埋食得出好新鮮其他刺身都不過不失,其實咁大隻蝦同普通甜蝦味道分別唔大我覺得熟食既選擇比其他放題少我記憶中芝士年糕同牛舌串燒都係無截單後,我問侍應仲可唔可以俾個D迷你糯米糍雪糕我,點知佢真係話得,仲問我要幾多呢點一定要讚!!好多放題都淨係肯送一粒/截單後唔俾加甜品但呢間截單後我至少仲食左4粒咁多好開心要知道女仔都係鍾意食甜品呢點加番分(不過鮑魚無左...嗚)…查看更多

男朋友一早幫我訂左位係呢度同好耐無見既朋友3個人食餐飯山東燒雞真係好味,好快已經俾我地清到見底,尤其個皮,好脆 (燒雞一定要食皮!唔好怕肥)蝦醬通菜,非常有"獲"氣,而且唔會太咸咕嚕蝦球,醬料既甜酸度調較得岩岩好,不過食個蝦時咬到一半有條蝦屎走左出黎,有D影響食慾送左個豆腐花,無咩特別無試到其他甜品…查看更多

今日心血來潮想食海南雞飯呢間既海南雞飯之前我係上環食過一次佢既雞肉係幾嫩,同埋去左骨, 食起黎好方便不過個飯真係唔得,我覺得太過乾身,無左油飯既感覺杯野飲好多冰,好快就飲完…查看更多

天氣太熱,唔想食熱野,最好就食食壽司咁岩係下午茶時段,揀左壽司+冷烏冬+蟹籽沙律,另外加左個炸軟殼蟹卷(+$9)炸蝦卷係元氣做得最好食既野,但如果唔夠熱唔係新鮮炸就會變得唔好食今日既炸蝦卷只係暖暖地,扣分!!!!另外個3件普通野,唔係好好味又唔係難食冷烏冬上面加既薑蓉其實一D都唔夾個冷烏冬蟹籽沙律今次既份量比我上一件黎食少左一半炸軟殼蟹卷新鮮炸出黎,好味整體黎講普普通通,填到肚…查看更多

係美國讀書時,成日都會食CHIPOTLE,雖然係AMERICAN MEXICAN FOOD,但我覺得CARNITAS真係好好味,加埋粟米,芝士,pinto beans,整成沙律,係快餐既好選擇香港無CHIPOTLE,唯有搵下D差唔多既地方止下癮上OPENRICE搵,就搵到呢間LITTLE BURRO原來佢係係VIA TOKYO等鋪頭對面,但唔知點解對面好多人,呢邊就無乜人今次我第二次黎食,上次都係叫一樣既野我無揀SALSA因為我一D辣都唔食得兩次都好大份量,食唔晒粟米同cheese真係好夾但我嫌佢既carnitas (豬肉) 唔夠chipotle既淋同香不過要止癮就止到既值得一提既係坐得幾辛苦下,因為佢張高枱下面唔係空心,姐係你對腳要對住個實心"枱"坐一定無可能正面對住D野食,要打側咁坐,都幾唔舒服下不過如果同朋友傾住計咁食,點都會側D身既..不過個設計都幾奇怪…查看更多

前兩次想黎食都唔成功一次係無開一次係太夜趕唔到LAST ORDER今日終於專登早D 6:30就到左但原來開7:00 (OPENRICE要改時間啦)唯有周圍行下.....雖然附近無野行我叫左我每次都會叫既牛柳粒烏冬(豬骨湯底)男朋友就叫左海鮮烏冬(芝士湯底)跟餐有薯蓉食,個薯蓉其實一D都唔特別,不過我就都鍾意叫黎食牛柳粒烏冬(豬骨湯底)除左湯底好濃好好味之外,我覺得佢既牛柳粒都值得欣賞,好冧唔會咬唔開烏冬都好有口感,好彈牙芝士湯底唔會話好漏,都好香D海鮮既份量好多,好似食唔完咁真係好鍾意食呢間野我諗我第8次倒黎食,每一次既水準都係一樣,唔會話一時好一時差加上價錢都唔係貴,我應該會繼續KEEP住食…查看更多

呢日朋友話想試食呢間,所以已經做定RESEARCH叫左粗面+滑蛋+忌廉個面黎左一陣,罐野飲都未到(其實個雪櫃就係正我後面,但我又唔知可唔可以自己拎)舉手叫左WAITER好耐都無人SERVE後黎竟然係廚房個姐姐行出黎見到我地舉手主動問咩事,仲拎埋野飲俾我地成個面都好濃味,不過D肉碎食到最尾先見到,但我覺得有少少太重咸味,晒左舊豬肉滑蛋就幾好味後黎出去埋單俾錢時,見到門口埋單個妹妹仔係咁玩緊電話,唔怪得叫極都無人黎追單我覺得試一餐都OK,不過我應該唔會食下一次同埋呢間野應該寫明係自助服務/請過D留意客人既STAFF另外就係唔係坐貼牆個邊既客會坐得幾辛苦下,因為要坐條大約得8CM既橫木食成餐飯,個屁股會有D痛…查看更多

一直想試呢間野,今日有事要去東涌,所以就黎試叫左個牛肉,蔥花炒蛋餐一個豚肉,蝦仁魷魚餐每個餐都有芽菜,油墨菜,白飯同湯送整體黎講幾好,首先因為食物係熱辣辣,前面見到師傅炒完就送到你面前其次就係我本身鍾意食既芽菜炒得好香不過叫牛肉既要小心,有少少辣,應該係D黑椒,而且都落得幾多下我本身唔食得辣,所以有少少頂唔到同埋前面KEEP住炒緊野,所以都偏熱,唔坐得耐例湯D味有D怪,淡得濟…查看更多

大約4點幾到達,可能因為落雨無乜人,所以即刻有位枱面有杯水等緊你 (不過唔知擺左有幾耐)叫左魂同太極魂既湯底好香濃,比豚王更濃,而太極既湯底係另一種香濃面既軟硬度都好好叉燒係我係香港食唯一覺得肥同肉既分配得唔錯既一次,其他店既我覺得瘦左D(不過我係NEW YORK食過一間個叉燒係會溶係口)玉子俾到驚喜我,平時只係得一PAT半熟蛋,但呢度既有少少咸味,食起黎更和味不過,令我覺得最好味既係D蔥,不過俾得唔多,如果要加,要俾$5 (而MENU係無寫加蔥要$5,所以有D失望,無加到)…查看更多