一直經過山東街都好想試吓呢間燒肉店，今日同朋友興起就決定入去試下。入座前店員問食邊一個Level，作為經濟型牛魔王既我，當然揀level 4，牛頸脊、三叉肉、牛小排、西冷都有齊。
入座後第一件事去攞嘢飲，估唔到飲品選擇都幾多，有我最鍾意嘅台灣荔枝烏龍茶。讚！睇埋沙律吧，見到襯燒肉一流嘅燒肉鹽，正呀！本尊最鍾意嘅就係純牛肉加少量鹽，今餐可以唔使食醬油了。攞住烏龍茶同燒肉鹽返埋位已經見到店員送上壺漬封門柳同九宮格拼盤。店員一邊同我哋講解封門柳燒法，一邊介紹裝住九款牛肉嘅拼盤。佢好好手勢，真係燒到個封門柳剛剛好，好juicy，醬油味又冇蓋過肉味，連唔鍾意食醬油嘅我都覺得正。牛肉拼盤當然揀牛頸脊，爽嫩得來又有咬口，牛味剛剛好；肩胛翼板肉肉質軟中帶脆，點鹽就夠，本尊都愛。不停再叫。😂😂其他部分既牛肉都唔錯，高質素！係SRF極黑和牛三叉肉薄燒配太多蒜香青蔥，我鐘意原味牛多好多。食到咁上下叫碗味噌湯，好驚訝有咁多蜆肉！同埋碗湯係超熱！好有誠意！牛魔王同場加映出海打魚一轉，食埋個海鮮先！大海老非常好食，新鮮爽口！帆立貝都大隻鮮甜。青口同埋廣島蠔就冇咁有特色，亦都因為食牛已經食到幾飽，所以第二轉都係食海蝦同埋帆立貝就算。😂😂甜品時間去自助甜品區攞豆腐花同軟雪糕，再叫兩個榴槤炸彈，飽晒滿足晒。整體來講佢係一間起碼90分既中上燒肉店，食物質素好好，抵食。加上服務殷勤，上菜同埋清碟速度都好快。本尊會再黎食！挑戰佢個Level 5！
…查看更多
入座後第一件事去攞嘢飲，估唔到飲品選擇都幾多，有我最鍾意嘅台灣荔枝烏龍茶。讚！睇埋沙律吧，見到襯燒肉一流嘅燒肉鹽，正呀！本尊最鍾意嘅就係純牛肉加少量鹽，今餐可以唔使食醬油了。攞住烏龍茶同燒肉鹽返埋位已經見到店員送上壺漬封門柳同九宮格拼盤。店員一邊同我哋講解封門柳燒法，一邊介紹裝住九款牛肉嘅拼盤。佢好好手勢，真係燒到個封門柳剛剛好，好juicy，醬油味又冇蓋過肉味，連唔鍾意食醬油嘅我都覺得正。牛肉拼盤當然揀牛頸脊，爽嫩得來又有咬口，牛味剛剛好；肩胛翼板肉肉質軟中帶脆，點鹽就夠，本尊都愛。不停再叫。😂😂其他部分既牛肉都唔錯，高質素！係SRF極黑和牛三叉肉薄燒配太多蒜香青蔥，我鐘意原味牛多好多。食到咁上下叫碗味噌湯，好驚訝有咁多蜆肉！同埋碗湯係超熱！好有誠意！牛魔王同場加映出海打魚一轉，食埋個海鮮先！大海老非常好食，新鮮爽口！帆立貝都大隻鮮甜。青口同埋廣島蠔就冇咁有特色，亦都因為食牛已經食到幾飽，所以第二轉都係食海蝦同埋帆立貝就算。😂😂甜品時間去自助甜品區攞豆腐花同軟雪糕，再叫兩個榴槤炸彈，飽晒滿足晒。整體來講佢係一間起碼90分既中上燒肉店，食物質素好好，抵食。加上服務殷勤，上菜同埋清碟速度都好快。本尊會再黎食！挑戰佢個Level 5！…查看更多
