hldhk的個人專頁

睇到 Openrice 的食評介紹，去咗西九龍中心6樓一葱味試咗原味葱油餅，真係超好味。 老闆很用心把葱油餅炸到脆卜卜，配上一個煎蛋和大量炒過的香葱。 外脆內軟，葱味香濃，一試難忘。 還有其他口味，都非常吸引，也可加配其他餡料。 下次想試咸蛋味加肉碎，相信會非常惹味。 😋😋😋可以用優惠價$12買一杯咸檸七，或$9一杯無冰凍檸茶，茶味香濃，甜度適中。 老闆非常好人，唔介意我們坐低食其他店的食物。 這間小店，值得推介。 👍👍👍💯…查看更多

今日帶阿仔去上堂，然後在大街見到呢間餐廳。 星期六早餐至到 11：30。 叫咗一個炸魚柳煎蛋，跟凍央。 餐廳環境光猛整潔，地方夠大。 炸魚大塊又香脆，一食就知係貴價貨，唔似其他茶餐廳嘅平價魚柳。 這塊魚柳比手掌大，肉質厚，又唔腥。 配上嘅沙律醬，撈咗少許青瓜碎，微甜。粟米粒是暖的，撈咗少許牛油。沙律菜新鮮，淋上少許麻醬，味道配合得幾好。 我將炒蛋轉咗熟蛋，煎熟蛋老咗少少，微暖。 多士烘咗，但唔夠脆，塗滿咗牛油，都幾好食。 凍央茶味香濃，奶啡茶比例剛好，入口舒服。侍應服務很好，有禮貌，而且效率快。 收銀哥哥似係老細，待客親切有禮。 食物質素、環境、服務都好好。 $46包凍飲，性價比好高，非常滿意。 …查看更多

第一次嚟幫襯，叫咗一個下午茶餐，吉豬薯條，熱啡。 薯條變咗巢皮燶乾怪味蕃薯條。 賣相差，味道差。 食咗兩條已經頂唔順無食。 :(吉豬夠熱和脆，好味。 熱啡多奶，下次落單可叫少奶比較適合。雖然奶多，但啡味濃，夠滑，都幾好飲。 地方清潔，侍應姐姐態度好好。 最差就係薯條，竟變了巢皮乾燶蕃薯條。 應該係餐單說明係蕃薯條，讓顧客選擇揀唔揀。 …查看更多

今朝帶咗兩個仔番學之後，就去搵呢間 「肆年•八月」。 由行車路行入去村屋裡面，2-3分鐘就到了。 我8點鐘去到，老闆仲未開門，企係門口等咗一陣，好快就開門了。 餐廳內，有落地大玻璃窗，環境開揚。 老闆播著輕悠的流行曲，看著街外，趕著番工和番學的行人，感覺自己在店內好優悠自在。 叫咗一個早餐（$42），手撕雞煎蛋牛角包 和 凍奶茶（+$2） 。 牛角包微暖，好香脆。 手撕雞微辣，好惹味。 加埋隻爆漿雞蛋，簡直係絶配。 好好味。 凍奶茶，很濃滑，略甜。 下次有機會，一定會嚟試吓佢地嘅麻辣豬頸肉米線。 …查看更多

杜地美食，係大圍特式小食店。 逢星期一休息。無食一段時間，發現多咗好多唔同嘅嘢食。除咗我最鍾意嘅炸脾、蒜蓉雞翼尖、椒鹽豆角外，而家仲有碗仔翅，炒烏冬和其他食物。老闆和師父煮得好好食，好味。…查看更多