LuluDiamond的個人專頁

今日中午堂食。落餐難度再升級，不能簡單用相機scan, 一定要在app scan. 但app user interface 好差，每張枱都要問侍應如何落單😑今日食物勁鹹，至少係平日的1.5 倍咁鹹，好心通知侍應叫廚房留意，但侍應沒太大反應 。另外，Pizzahut 一直好差的是汽水，正價$35一小杯的汽水，沒氣的，非常flat 。原因是餐廳一早將汽水加入大jar 內，有客叫才倒入餐杯，非常差勁及不理顧客感受的安排 。同樣　己告知侍應但對方也沒什麼反應 。希望餐廳留意 。…查看更多

星期五13:30 食午市，大半舖都係吉嘅。叫咗小籠包、口水雞、酸辣湯拉麵、蟹粉小食等六項。點菜時講明湯麵要剪麵一下。最快到係口水雞，一個碗仔份量，賣相唔錯。然後係酸辣湯拉麵到。咁傳菜人員上菜時，我問了一句：「剪咗麵呵？」對方回：「咁你都睇唔到？！」嘩！原來唔問得嘅！其實，答一句「剪咗喇」或者「係呀」唔係更簡單咩？仲咩要語帶挑釁咁回應？好，有麵食就開始食雞。撩開見到少少粉紅色，我明蒸雞有時近骨的肉會啲啲粉紅。但睇清楚…原來血水都响碟底，唔係紅油。🫣😱又係頭先嗰位服務員，我話：「好唔熟喎⋯⋯睇下」佢話：「係咁㗎」有另一位員工問咩事，我話：「好唔熟，有血水喎」咁呢個服務員話：「不如同你取消啦，因為再整一份都可能係咁上下」好啦，取消啦，可惜啲，仲一心想食口水雞。再點咕嚕肉，但等了十五分鐘先知漏單，咁算數喇，埋單走人！發現漏單嘅服務員不停道歉，其實唔係佢嘅錯，佢冇接我order, 會一都好有禮貌咁道歉。埋單又多謝多謝。如果另一位服務員可以有呢位一半咁好態度，我回頭再食嘅機會都高啲。蟹粉小食過得去，都係平常菜式小籠包同四季豆水準高啲。…查看更多

地方隱蔽，大道中惠康同陳廣記樓梯上到最頂。有堂食有外賣，店舖人手唔多，冇加一，大家要求唔好咁高，樓面得一個阿姐一腳踢，眼見好多堂食食客都係自助的。外賣先錢後貨，只收現金，重覆一次，只收現金！八達通信用卡咩Alipay WeChat pay 全部唔收。建議如果有大餅不妨帶啲去俾錢。俾完錢企出外面等叫餐名，自己認領，過程中冇飛冇單，自己留言領餐。食物本身足料夠味，食完底都仲有伴料，滿一盒冇欺場。店細細其實選擇都唔少，豐險由人。上環$28 午餐有鑊氣叫炒又多選擇，真心推介。…查看更多

今日去灣仔店，$90 一個cheese burger, 入面片牛肉漢堡又乾又硬，冇肉汁，size 同一般麥記啲包差不多，但five guys 兩片麵包非常之一重水氣，一pat pat。已經係堂食立即開嚟食，都濕立立，成個包唔合格。薯條脆嘅，加返啲分，但有三分一包係炸過龍，黑咗同柴咗，整體還可以。奶昔就好飲嘅　朱古力同雲尼拿都好味。提下如果想飲水就自備，餐廳冇水俾，只有$20 一小支bonaqua 一次夠了，沒有驚喜，不會回頭。…查看更多

星期六午餐。白衣侍應一律遊魂，成日都睇唔到我示意要服務。終於送餐牌了，我有一位小朋友，但又冇俾埋小朋友餐牌。後來，點餐，係一位疑似經理或主管的小姐來，才告知其實有小朋友餐牌，並建議將我哋點的十寸pizza 改為一份小朋友pizza 餐。咁先係有水準嘅服務，欣賞佢，先讚一讚！叫了一份羊架set lunch（$238兩道菜）、一份beef cheek risotto with duck liver（加$60）, 同一份兒童pizza 餐（$118）。羊架三件，medium well, 雖然每件都係細細件，但肉質鮮嫩，冇羶味，味道調得非常到位，啲garnish 都好食，係回頭再食之作。Beef cheek risotto with duck liver: 幾粒仔牛，同半塊鴨肝，啲飯係剛熟那種al dente。食一啖飯入口，味道古怪，食了半份，認真食鴨肝，不得了，內裡血管係血紅色的，唔怪得一路食碟飯都好嘔心的感覺，原來肝唔熟！OMG! 家禽的肝一定要熟，否則好多菌！白衣侍應依然見我唔到，同時我已經開始頂唔順反胃反到上喉嚨定，好彩又係黑衫疑似主管過來同我解決問題。佢見到份嘢食咁都醒水，問「不如點過另樣餸菜？」。當然啦，唔會叫返同一碟。咁就叫羊架啦。等待途中，真係頂唔順，去廁所嘔晒，先舒服啲。廚房失手同侍應多數冇關，但侍應要識應對，我嘔完返來，佢都有跟進下我感受，最後都好醒咁冇收份生肝原本要top up 的$60，呢位黑衣女職員要再讚下佢！最後，呢間餐廳的羊暫時係我哋食過香港最好食的，可以回頭再食，同時佢啲鴨肝就blacklist 了。…查看更多

經openrice 訂了枱，人到，枱ready, 帶枱男職員用手指公向後揈一揈，示意我哋嗰邊。我當堂打個突：乜咁係法國人的manner?坐低，睇到餐牌寫明「一人一餐」。餐廳只俾一份set lunch menu, 咁如果我大食，即係冇得叫regular menu? 已經覺得成件事好奇怪。點菜，一客rib eye steak, 一客classic burger，因為冇得叫多一set, 又冇regular menu，既然唔想客人睇regular menu, 我都唔勉強了，就兩個餐加枱面企牌推介的6 隻oysters。落單時因為個腦仲想住set menu 裡面的青口，我仲叫錯”six mussels “ ，落單職員仲correct 我哋”ok six oysters”. 咁就等食。等到burger 到，送菜職員粗魯掉落一碟burger 就走咗去。到碟rib eye 到時，另一位送菜員又係掉隻碟落枱就轉頭走。嘩！咩態度呀！？我去大型澳洲菜、美國菜餐廳都會講句”your burger, enjoy” 之類。真係！去本地茶餐廳都會落句「x 號餐」啦！enjoy / enjoy your meal / bon appétit / 慢慢食 之類一句都冇，真係未食過法國菜咁差service嘅！講返嘢食。burger 叫medium rare ，到貨係medium rare, 多汁嘅。但如圖，碟太大，薯條/伴碟又唔夠，成牟事睇落有啲可憐，牛扒情況亦類同，碟菜令人覺得唔滿足。其實只要加多幾條火箭菜，或車厘茄，碟菜嘅構圖已經大有改善，只差在有心做定冇心做。btw 牛扒medium rare 有啲chewy. 一個餐$160 ，得一杯細餐飲或一碗餐湯（個碗仲勁爛勁崩）係，食完主菜都未到嘅前菜呢？！原來好醒咁口講覆單後，「哦！唔記得咗！而家同你落返」免了！受夠！唔想再俾人掉碟上枱。其後，查一查，間餐廳franchise 話自己casual fine dining , 第一唔係casual 係rude, 第二唔fine，加埋咁嘅服務態度，我唔會回頭去食。…查看更多

午餐，午餐餐牌上有豉椒排骨飯，隨意點了。$46包午餐、例湯（是日例湯為青紅蘿蔔湯），及熱飲一杯（凍飲加$2）。九秒不到就出了飯，如圖，汁撈飯，排骨細細舊仲要得少少，連椒都少得可憐，一見非常失望。實為食完都唔飽之一餐飯有點硬邊，湯還好。座椅包膠破爛，我正坐在一個破洞上，感覺唔衛生。侍應把我的熱飲放在對面食客用過的筷子旁，兩件東西掂實，唉！咁多位，不用那麼急吧！為我上菜前亦沒有清潔上手留下的汁醬，不太衛生。…查看更多

晚飯，卡位雅座，環境舒適，食具算清潔。點了兩份小菜飯餐，椒鹽白飯魚、茄子炒牛肉。椒鹽白飯魚夠脆，第一口好食但第三條起覺得好重味精，有點受不了。:(茄子牛肉呢，牛肉夠嫩口，但成碟油，目測至少有兩湯匙油在碟底最後好似油浸茄子牛肉咁... 公道講句，街坊茶記來說，呢間算多菜式多選擇，但師傅油鹽醬料方面越來越重手，有時有點受不了。…查看更多

一個人食晏。今日唔太有胃口，太重味又唔想。到呢間食開的粥店，點了三餸（菜另送）湯飯，慢慢食。呢幾天秋涼，粥店比大夏天時多返人。環境一樣，算整潔。叫了鮮牛、魚片、支竹+菜心湯飯，其實係四餸，共$40。唔錯，清清地，湯到枱堅滾，要放涼一點才可食。大熱湯，立即做，正！最怕食湯飯啲湯唔熱。牛肉夠嫩，冇筋；鯇魚片分量多；支竹好鮮，有豆味；菜心好嫩，堅菜心，冇渣。紅椒豌油另上作調味。另外，唔愛飯的話又可換米粉或出前一丁（不用另加錢）。還有，店員見我大肚，特別安排全店最自成日壐的座位俾我，服務細心！同場有$27/29粥餐，好多街坊白領捧場客。等我另一日食粥餐再寫食評。總結：有米氣清淡的平靚正之選。…查看更多

食晏，點了越式牛腩河和通菜。第一次食，看前食客提過越式河不是正宗越式的，有心理準備了，但還想試試。樓面清潔，冷氣有點強勁，點小小但整齊，台面冇油脂，讚。先讚通菜（跟餐$10）夠嫩夠淋，分量不過不失。越式河果然冇既定的青檸和金不換，只有生菜絲、紅椒粒、蒜片和一片黃檸。的確係三不像，但湯底濃亦無（太多）味精，拉上補下，還滿意。我忘了叫瘦腩而本人亦唔好肥腩，來了肥腩，但入味的。一路食了一半，發現有河粉同湯之間有發泡膠粒！ 算了，夾起當睇唔到 結論：湯底濃，樓面餐具清潔度可以。…查看更多

午餐取票等位時，顯示牌號碼49，我票號為58。　突然在沒有叫號的情況下，店員不停按制至59！幸好我有留意，立即上前，但門口店員好像扮看不見一樣。好了，最後進店，二人點了一分炒金邊粉$88，一碗雜錦河粉（生牛、牛𦟌、雞絲）$78。金邊粉還可以，但碗湯粉的分量實在小得太過！碗小、碗底厚，河粉分量少，都算！牛肉非常硬，咬不開，又沒有牛味 ，非常失望！！！餐飲點了熱檸水和凍檸茶。熱檸水得兩片小檸檬！！！完全飲不到檸味。凍檸茶有三片檸檬，但茶是沒有茶味的，亦非常淺色，根本不知是在喝檸水還是檸茶，亦在我們沒有要求下走甜。嘩，完全不合格。在我們還在吃的時候，見到隔離枱的食客被店員很粗聲地告知：「麻煩兩位！」然後放下reserved 牌仔。係，係煩忙時間，但咁趕客走，我唔認同。所以，當我們剛飲完餐飲，我們就起身了，免得被趕。到結帳了，店員放下帳單，但到我們放下信用卡時，無論如何示意，又即使佢地係睇到的，都沒有任何店員肯走過來！點呀？不如一早在上菜時放低帳單，寫明「請到櫃台結帳」啦！總結：1/ 湯粉分量少很太過，牛肉鞋又硬。2/ 餐飲差勁。3/ 服務態度欠佳，如此服務午市仲收加一！4/ 冇下次！…查看更多

拎了3人不搭枱飛，等了半小時叫我們入去11號枱。源路見啲職員好大力掉餐具入餐車，有隻餐匙被掉爛，碎片仲差點彈上我手臂😱去到11號枱，係一張目測2尺半乘2尺半的方枱，但一邊貼牆，另一邊被隔離大圓枱所阻，根本只能坐兩人，而非三人。上一手食客亦只有兩位，因為現場只有兩張座椅。一位短髮中年女侍應叫我兩人坐一邊，我答：「唔可以」。她說：「咁我拉斜佢囉。」冇拉到就走咗去。我叫住佢：「你要張二人枱坐三人，都要俾三張櫈我咖。」佢喝我：「我咪做緊囉！你唔見我做緊咩......（下刪一埋無禮言語）」我忍唔到，應佢一句：「你張枱未整好就叫我入黎，又叫我兩人坐一邊，又未有櫈，又唔講，我點知你係去做其他野定咩？」然後佢不停大聲講：「喂！我唔係响度俾你地發我脾氣！你唔見我做野咩？我唔係响度俾你地發洩！唔鍾意就唔好坐！痴線...（又下刪一埋我根本唔想聽我說話）」其實我真係想應佢「我根本未有櫈坐囉！」但都係唔同佢一般見識了！基於呢位侍應的「熱情招待」，加上其他侍應都好似同所有杯碗碟有仇咁，就算等了半小時，我們都決定起身走人。等間又係佢serve 我張枱，真係費事！跟住我地一路行出去，就聽到佢地walkie talkie 講：「11號枱兩位，唔好放三位四位入」。咪係囉！一張二人枱，放三個人入，根本就唔係服務！如果有得俾負十星，我會毫不猶豫俾呢間負十星。每次啲侍應都黑口黑面唔理人，成日要自己搬枱搬櫈。上菜又大大力掉落枱，一係就未食完唔問就收左隻碟。今次就未有櫈就迫我地三個人坐張二人枱！你要三人坐二人枱都set 好架步先啦！仲要不停喝駡客人！我真係想問，咁我服務態度我都仲要俾加一？要我三人坐二人枱係咪我可以免加一？又有另一位侍應叫我假期將就下，咁你價錢又係咪將就下客人？！各位茶客，真係慎之！冇下次！…查看更多

今日，帶同小朋友一家三口下午5:30入座。餐廳空無一人大把位，但就偏要安排我們坐路口位，餐枱又細（細過一張麻雀枱）-減分。但要讚的是有氫氣球派，可令小朋友坐定玩，還有出名的迴轉火車係好特別。叫了四個菜：小朋友burger, Dan’s DNA burger, crunchy rolls 同厚豬扒。除crunchy rolls （豬肉春卷）好吃外，其他肉類即使係小朋友burger 個肉都係老的。牛扒豬扒一齊老，應該係個廚有問題，個DNA burger有點食，但因為惜食原因都包走。但老實說所有餸菜賣相係可觀的。好了，因為餐枱太小，而我們叫了四碟菜，咁張枱就冇位放碟了。上菜員夾硬上了一大碟（隻碟好巨）豬扒响我老公面前，咁有大半隻碟係出晒枱邊（會跌咖大佬！）。上菜員明顯只係想求其盡快解決佢的問題（放下碟菜）而不是serve 客人。Btw , 小朋友橙汁（minute maid 之類）超細，目測小過120ml. 大人汽水就由杯頂到杯底都係冰，正一係食神的「啲野飲有咁外冰得咁多冰」的屎招，就算冇冰目測隻杯都係250 ml左右。整體說，咁呢個價錢，去另一間類似路線的餐廳係好食同好service 好好好多。不推薦去食…查看更多

路過肚餓，同老公入去桃園。坐低，環境舒適。點餐，我對住侍應口講手指餐牌，對方要我讀出餐號(!!!!!)! 我心諗，你入咩code number 係咪應該你自己睇，或者你自己背左佢啦。算啦～比起下陳的惡劣經歷，呢啲都算小事。點好餐，凍奶茶變左凍檸茶，都算，同侍應講都肯換。心諗係咪飲品冇code number所以落錯?老公點了咖哩雞扒飯，咖哩同飯都還可以，只係雞扒太細，算。但配菜(紅蘿蔔同瓜)全部都凍(!!!)，食左會唔會肚痛?我點了茶餐A, 碗仔翅配豉油王炒麵。等了15分鐘，來了一碟熱的白烚麵，跟幾條又係 凍的 椰菜絲蓋頂(!!!!!!) 我未食過咁冇水準咁令人失望的"豉油王炒麵"! 冇芽菜，冇豉油，冇炒過，冇味冇豉油的 水烚麵跟凍菜絲! 等15分鐘俾啲咁不知所謂的嘢我食??? 仲有喎，碗仔翅仲要我等多5分鐘!!! 冇貨就一早响我落單時同我講! 我要等係我情願! 仲要係下午茶餐都冇煮定?? 太差了！我嬲起上黎，同侍應講，個炒麵太難食，同我取消order. 我一路同侍應講，佢一路走左去，話要跟新客。大姐，我同你講野先，你同我走左去，至少你都搵過另一人同我跟啦！後來，佢返黎問我換過啲乜野食，我答，星洲炒貴刁。侍應冇應我又走左去。1分鐘後，有另一個侍應於低張invoice, 裡面寫左咖喱雞扒飯$44，凍飲$2，凍檸水$15。一見到好火滾，我同你講我轉星洲炒貴刁，你唔理，同我變單叫凍飲????!!!! 一轉念，心諗，"算數! 廢事貼錢俾佢賺又俾佢地激多次，又唔駛等!!!"永不再來!…查看更多

Went here because a friend introduced me this restaurant. I found this place very different from those noisy restaurants/bars in LKF and lower Soho.With a 3 of us in this restaurant, we had good time to discuss together with nice food. With a bit of background music to have good environment but yet the volume was appropriate for discussion and chilling.:)Food was like mediterranean style. They serve really nice salads, with varieties of veggies that real mediterranean salad should be, which is quite rare in HK that lots of restaurants just put 3 kinds as "assorted". We took chicken pasta. The texture of pasta itself was good, the sauce plus the cheese was perfect for chicken. It was a dish well arranged! I love it so much!!!The grilled chicken was great too. The seasoning done on the chicken we great and it was crispy, with a little bit of chicken juice inside, I could not make any complain or bad comments on the dish!As we spent the nice to have a small group gathering, we found the services there provided at correct moment. They served at the right time and was never bothering. The manager asked us if the food/drinks was alright at the end of the meal. I think they care about what the customers feel.It was a very happy experience there in this restaurant. We will come back.…查看更多