tessand298的個人專頁

閨蜜發現大埔開咗一間新嘅鐵板燒❤️仲要有得任飲放題👏🏻👏🏻👏🏻重點係唔係淨係飲死一隻酒係有專業人士每種酒介紹暫時有五隻sake梅酒仲有果酒同埋啤酒咁我哋諗住試吓新嘢之後決定book個lunch試吓先～新開張價錢超級抵🤭重點係我哋嗰日因為有時時間一改再改餐廳都冇發我哋脾氣超級有禮貌搞到我哋勁唔好意思🥹真係忍唔住介紹，佢哋仲有依個199任飲，我哋就淨係飲殺茄囉不過都有五款唔同sake仲有 唎酒師幫我哋詳細介紹非常之好一開始會有個沙律俾我哋先仲有清甜嘅白粟米開胃，然後有呢個龍蝦汁帶子嘅茶碗蒸超級香甜滑滑🤭呢個龍蝦汁嘅大虎蝦都好好食雖然隻好細細隻，不過蠔味勁重，加埋啲櫻花蝦又係超級送走今次我哋揀咗食豬肥瘦相隔仲有海鹽同埋胡椒即磨山葵俾我哋非常之正❤️走咗啦其實佢個炒飯都好好食，不過我哋已經好飽，所以食唔落，不過佢一路炒嘅時候都超級香最後嚟一個菜清一清口成個人舒服晒👍🏻跟住仲有一個蝦頭嘅味噌湯都好好飲，同埋佢聽到我哋講嘢知道係諗住同我補足生日🎂送咗一件好好食嘅蛋糕，個碟仲好靚咁寫咗Happy birthday 🥰Blue Monday嘅午餐食得相當開心🌸…查看更多

之前有個朋友帶我嚟呢度食飯超級驚喜估唔到食到住家飯嘅味道之餘，但係又好食過住家飯好好多調味超級啱我口味❤️今次特登預訂咗超級想食嘅炸子雞、又想食薑蔥蠔又想食新鮮北寄貝同埋想食豉椒炒蟶子再加多個椒絲腐乳通菜😋老闆兼主廚超級好人幫我哋去買勁新鮮嘅海鮮隻雞連雞胸都係嫩滑㗎❤️❤️❤️隻雞一嚟到我哋用咗超級短嘅時間已經消滅咗😍跟住係個薑蔥蠔講真啲薑蔥真係精華，但係啲蠔都好正好正，忍唔住食咗幾粒然後嗰個蒜蓉粉絲蒸筆記貝我哋以為只係有六隻，點知食完六隻之後又嚟多六隻❤️❤️❤️超級新鮮，超級滿足！豉椒炒帶子啲帶子當然係好食啦，但係啲辣椒圈仲惹味真係好滿足👍🏻但係最後嚟呢個椒絲腐乳通菜先係最令我驚喜雖然其他嘢都好好食，但係依個調味係對正我嘅味蕾如果碟菜係第一個餸嚟嘅，我應該已經食咗三碗飯，佢個汁真係超級好食，又唔係鹹，但係非常夠味👍🏻👍🏻👍🏻我已經好耐冇寫過食評，但係依一餐真係令到我覺得要寫返一篇食評…查看更多

今日食lunch去咗依間新開嘅台灣嘢之前經過門口見到有珍珠奶茶茶飲仲有我好鍾意嘅鴨屎香檸檬茶～所以決定一定要去試吓😋我叫咗正常甜正常冰❤️真係好香，好好飲😋😋😋仲叫咗兩個小食特別鍾意依個南乳香味嘅雞翼同埋雞軟骨😍雞翼爆汁外脆內滑，雞軟骨，又香又脆超級惹味😋呢個牛三寶牛肉麵啲牛肉超級入味軟腍～牛湯非常香濃個麵好好食好好食可以揀刀削麵或者台灣麵今次我哋揀咗台灣麵👍🏻份量好足，連湯都飲埋呢個台灣腸又係一定要叫加埋蒜頭一齊食，簡直係1秒返到台灣另外仲揀咗依個蔥油麵可以揀辣或者唔辣呢個排骨蔥油麵連蔥油都特別香過人😍見到隔籬枱食滷肉飯，連小朋友都話好好食下次我一定要試吓～順帶一提，樓面嘅小姐姐非常之有禮貌又勤力抵讚抵讚…查看更多

佢啱啱開嘅時候我見好多人去成日有人等位都以為幾好食所以趁今日閑逸下午茶時間冇咁多人就去試吓，點知超級中伏！因為佢嘅下午茶餐冇我想食嘅嘢，所以我就散叫其實我去嘅時候入邊只有兩台客人，點知一個侍應將我帶到員工食飯嘅位置我周圍都係員工喺度食緊飯同休息趴喺枱度瞓緊覺😨我都唔太計較環境啦，只係想試吓間嘢好唔好食叫咗一個蕃茄蟹湯蟹肉丸扎肉河粉同埋越南春卷仲有一杯凍檸檬茶首先係個檸檬茶嚟咗先嘅正常味道都好大杯糖漿係可以自己落嘅冇問題然後嗰個湯粉先係最大嘅問題我個蕃茄湯底係似罐頭蕃茄湯加咗超級超級多水完全冇味道只有少少蕃茄罐頭湯嘅甜味最過分係佢嗰粒所謂蟹肉丸一食落去一陣腥臭味我咬咗一啖嘔返出嚟扎肉係普通正常超級市場扎肉然後同個樓面講你個湯底好唔夠味，佢俾咗一兜鹽同埋一支好奇怪嘅醬俾我加完之後仲難食過冇加😭我都好明白，點解佢得兩台客全部員工都唔想工作，咁樣明明得兩台客舉咗手勁耐都冇人理你好明顯個客食咗兩啖就走，你都應該問吓發生咩事呀？不過佢唔問我都冇嘢講，因為都冇諗住再去睇到依篇文章嘅朋友勸你哋無謂嘥錢啊…查看更多

講真，我星期日一早book定咗六點準時去到個場都冇人等埋朋友先叫嘢食都係6:30啫講真叫串燒點會一次過叫晒一定係一幾串幾串咁叫啦唔係嚟到都凍晒啦認真嘅嘢食係真係好食嘅招呼同同服務真係冇嘅經理態度都好，但係嗰個樓面真係超級過分！我哋兩個女仔食嘢食咗千五蚊有$100係開瓶費其他真係全部都食嘢咁慢慢叫都好正常呀我哋唔係一兩串㗎喎，下下都係456吋咁叫真係想孖差距個侍應反我哋白眼囉對住我😨我真係未見過咁差服務嘅侍應唔想返工咪唔好做羅大佬呀我係消費者嚟㗎我做咩要受你氣啊？我而家俾緊$1500兩個人你仲要返我白眼？不如你唔好做啦咁樣認真佢鵝肝直程係爆好食豬腸雞腳筋同埋雞腳掌肉真係不停encore但係你啲咁嘅招呼咁嘅態度真係令人唔會再返轉頭囉兩個女仔食千五蚊野你仲要返人白眼係對正我面前你唔鍾意做服務業咪辭職囉點解要黑口黑面咁對啲客呢？同埋女廁好臭好臭，令人反胃…查看更多

見到朋友話依間大圍嘅咖喱好正第二日立即忍唔住過嚟試不過位置就有啲隔涉附近冇得停車唯有泊好車再慢慢行過去啦～舖頭只有14個座位兩個吧枱同一張四人枱舖頭細細，不過有溫暖嘅感覺❤️店員都非常之親切禮貌今次叫咗個燒牛骨湯一個茄子咖喱🍛跟飯同埋一個黑豚肉餅咖哩跟薄餅本身想叫多個炸蠔，但係冇，所以叫咗吉列炸魚另外叫咗一杯凍嘅latte 呢個湯我覺得幾好飲嘅夠熱同埋好香不過可能我自己唔太鍾意咁生嘅蔥下次要記得走蔥🤭咖啡都好飲👍🏻真心覺得佢哋用材料真係高質嘅炸魚亦都係外脆內軟仲好好味🥰令我非常期待吉列炸蠔，下次一定要食到😍佢呢個咖喱個底味有少少酸食得出有好多種唔同嘅蔬菜似係深奧版有層次嘅日式咖喱😋不過純粹自己個人感受我覺得個薄餅有少少油左d,下次諗住叫蒜蓉包應該仲好食👍🏻佢個黑豚肉餅好好食，入邊仲有肉汁❤️…查看更多

一早已經想黎食因為好鍾意西班牙嘅小食，細細份可以食好多唔同菜式因為佢地址真係比較難搵，同埋去到會喺第二條街，不過老闆人好好特登出嚟接我🙏🏻細細間舖頭，但係充滿愛心嘅裝修非常之舒適加上老闆詳細嘅解釋，終於我哋點咗都非常之適合自己嘅餐點不過真心戥佢唔抵星期六加埋我嗰枱只有三台客⋯然後佢有兩個樓面夥計一直喺度傾偈嗌喺張凳度根本冇主動招呼我哋食物嘅質素係唔錯嘅唔可以叫做好平，但係唔貴不過夥計嘅質素真係好差，好差！完全零招呼咁樣真係令我唔會再想去第二次…查看更多

其實好少黎D2 依邊不過上網見到好多人讚依間新開嘅天婦羅壽喜燒餐廳，所以就book咗個lunch跟住試吓認真真係有啲驚喜性價比好高，幾百蚊就有成個天婦羅set 見到隔離兩公婆叫一個天婦羅set一個壽喜燒set仲可以share👍🏻一個價錢兩種享受真係超級抵🤭🤭🤭不過我哋就兩個人叫咗兩個天婦羅set 脆醬做得好好又薄又脆、仲有咖喱鹽海鹽同檸檬汁，仲有天婦羅汁同埋蘿蔔蓉俾你自己配搭不過師傅都係會建議你最合適嘅食法*啱啱 沙律好新鮮、個蛋好有驚喜超級滑全部嘢都好好食，好新鮮，佢仲有天婦羅賴尿蝦好特別仲好好食😋果然冇殼嘅賴尿蝦係最好食❤️蔬菜全部都好好食，又唔油👍🏻最後個味噌湯好濃👍🏻不過個櫻花蝦天婦羅飯，醬汁落多咗有啲甜最後桃味雪巴好香好清新🍑性價比好高極都好好食，一定會再嚟…查看更多

其實真係好嬲㗎之前食過都覺得唔錯不過可能唔係自己俾錢，所以唔知個價錢咁離譜琴日我生日同屋企人食咗一餐，差唔多$7000.10個人、冇咩食咩特別嘢完全冇貴嘢仲要自己開酒感覺唔錯，因為佢哋可以食煙，爸爸係煙民所以諗住覆返佢哋結果仲貴過琴日嗰餐依間舖頭真係食水好深講真，我入門口已經每個侍應派$100希望服務好啲，結果都係自己照顧自己以前第一次去覺得唔錯，但係經過今次冇下一次希望大家唔好比食評呃到，因為好多人會買食評…查看更多

其實我咁啱就係book咗住樓上嘅B&B上次入嚟長洲已經留意到依間食肆，不過當時行程已經非常緊密，所以未有時間去今次入嚟決定咗一定要嚟依度試吓💪🏻晏晝嚟咗試佢哋嘅午餐揀咗佢哋嘅西京燒三文魚定食😋首先一定要讚吓佢哋嘅服務，真係好細心好好👍🏻一般嘅日本餐廳或者食肆跟餐嘅湯水準都唔會好高但係佢依個麵豉湯就算係要俾錢，另外叫我都會我同佢講，因為我鍾意飲好熱嘅湯仲專登幫我返滾到好熱❤️因為本身我係好重口味，成日啲湯都要另外加鹽不過佢依個湯真係好足料😋入邊有好多海帶，仲有菇同蜆肉好鮮好香好濃不過因為飲晒，所以就冇影到跟住個三文魚超級入味，仲好滑😋😋😋食完呢個真係非常滿足，諗住夜晚再去食試吓其他嘢，但係夜晚佢個場真係全部滿坐😭咁冇辦法啦，諗住死咗條心下次再嚟食過點知我朋友話原來佢哋星期六日係開埋lunch 我仲特登打電話去問清楚佢哋仲好好咁WhatsApp埋餐牌俾我見到好啱食，我就立即落樓下食啦😋我揀咗A餐加咗個火腿通粉，揀咗吉列魚柳佢哋嘅服務真係好好，因為我話凍，所以佢先上咗個通粉俾我叫我食住等食啲熱嘢會好啲仲有俾咗杯暖水，我真係非常之窩心❤️個通粉湯底，竟然係濃厚嘅豬骨味🥰你唔好睇佢細細碗依度，其實我已經食咗一半入邊係超多通粉同埋火腿我肯定起碼兩塊火腿以上跟住個魚柳外脆內軟，熱辣辣真係好好食，係新鮮整俾你㗎，絕對唔係返熱牛角包就普通啦粟米係我鍾意嘅味道薯蓉好滑不過我就唔鍾意依隻炒蛋，我鍾意炒滑蛋，不過可能到到做法唔同因為實在太多火腿，我將啲火腿拎出嚟同蛋一齊食，加埋牛角包又好好食喎😋我好少會寫咁長嘅食評不過依間小店，我覺得真係應該多啲人識依個價錢呢個質素，真係超級滿意❤️…查看更多

諗住正整地食過下午茶去到叫咗個鮮魚批佢話冇鮮魚批⋯ 跟住轉咗做鵝肝多士大啡菇第一次食有豬潤感覺嘅鵝肝完全overcook塊多士好油大啡菇冇味叫咗一個英式鬆餅佢竟然比一舊普通嘅牛油我⋯⋯⋯同埋少少士多啤梨果醬咁就收我$58 ⋯跟住叫咗個蘋果金寶加雪糕味道正常，但係舊雪糕係冰⋯仲有一支有氣嘅茶跟住一路食一路又好嘈嘅車經過根本聽唔到對面嗰個人講嘢頭都痛埋⋯跟住佢哋嘅廁所竟然連食客都唔俾去叫我哋去公廁⋯⋯⋯跟住最無奈係買單嘅時候張單明明係$342咁我比$502佢正常佢係咪應該找$160佢只係俾咗$60我⋯⋯幫我返轉頭同佢講嘅時候佢仲話佢找咗俾我我即刻拎細手袋入邊嘅錢出嚟我係冇$100 㗎，全部都係500蚊子，同埋有$60散紙⋯重點當時係冇客㗎佢並唔係因為好忙，所以忙中出錯！而係幫我同佢講佢就好少錢嘅時候，佢仲同我講佢找咗俾我👎同埋嗰度真係超級無敵熱只有outdoor！怕熱怕曬嘅人真係唔好去我啲相係影得好靚嘅，不過味道就真係一啲都唔值得囉！…查看更多

下午茶諗住搵小小嘢食下見到佢有咁多唔同野食就入咗去試吓點知原來我係全場唯一嘅客人今日仲要係星期日都已經開驚驚地叫左佛跳牆湯同佢哋推介嘅招牌菜雞油花雕蒸蛋白大頭蝦海鮮烏冬佛跳牆好快黍到完全冇味！睇落去好多料但完全冇味㗎跟住我加咗好多鹽勉強飲左跟住惡夢開始個烏冬黎左睇落去好多料我食蝦先又係冇落調味料！淨係有小小花雕味蝦肉好梅⋯大頭蝦d膏苦！烏冬又係冇味就有小小花雕味⋯結果我真係食唔落就咁就賣單走咗我終於明白，點解依間嘢舞客…查看更多

朋友帶我食好嘢👏🏻原來依度已經開咗9年👍🏻師傅會問清楚你有啲咩唔食同鍾意食啲咩❤️頭盤有明太子魷魚、沖繩苦瓜天婦羅、從有個白粟米凍湯每樣都好好味，特別係個天婦羅🍤因為我一向都唔食苦瓜，但係呢個好好食🥰跟住其實都上咗幾款刺身，但係依度post唔到咁多相只能post幾張全部都夠晒新鮮👍🏻依個真係好正😋依個鮑魚都好好味🤤鮟鱇魚肝又係我嘅最愛❤️鰆魚春卷🤤真係好特別又熱又脆好香口加埋肝醬一齊食，我連朋友個份都食埋！到後面我真係好飽啦不過依個海膽杯師傅用咗另一隻海膽更加線條更加好味，我又忍唔住食晒😂…查看更多

諗住陳漢記冇咗佢個腸粉師傅去繼續做都繼續幫襯點知每次買外賣都會少咁啲嘢跟住諗住打去投訴個收銀聽完你一次電話之後扮去做嘢、然後可能見到來電顯示啦，直接唔聽講真依間嘢而家已經一啲都唔旺、就算午市同夜市都唔會爆場如果唔係個腸粉師傅喺度，我都一早唔再嚟食嘢樓面服務態度差叫少少嘢都有甩漏外賣兩個炸兩可以比少一個跟住今日買外賣炸兩可以完全唔俾汁然後打去同佢講，佢話下次來推翻$10俾我😨難道我啲炸兩要等到下次去先嚟攞汁？先可以食？重點車程都起碼15分鐘，我唔係爭個$10 我只係想佢哋可唔可以根足d原來係唔會㗎，因為我再打去佢就係直接唔聽我電話同cut我線、跟住我朋友喺佢嗰度食緊嘢話間舖頭一啲都唔忙、佢睇住個女人cut我線🙄呢啲咁嘅舖頭真係唔好幫襯！…查看更多

Book咗依間餐廳嘅8:15時段我早去到7:45到原來一個人都冇咁我諗住入去放低啲嘢先，因為都知道係8:10先可以入去、店員幫你入去放低跟住門口排隊8:10終於開門俾我哋入去15分正式開始，我從來都冇食過一餐咁急嘅我媽卡些⋯ 真係食完一樣，立即上第二樣真係諗住同隔籬嗰個傾吓偈飲啖嘢都冇時間全程係食得好急、有陣時仲未食完嗰舊下一個已經上緊⋯其實每樣嘅味道都正常嘅、唔好要求佢好好食但係咪以嗰兩樣鰻魚同埋沙甸魚梅肉卷係惡夢咸到，咸到一個點本身我係一個食得超鹹嘅人不過我都頂唔順，我哋全場嘅人都覺得咸，然後我就同個侍應講（因為嗰陣時個日本師傅差完嘢已經入咗去）個侍應話係呀我哋係重味㗎🙄然後嗰碗凍烏冬成碗都係姜辣到一個點根本食唔到個甜品又酸到胃痛😨我見到全場嘅人都食左一兩啖就冇食⋯成晚最搞笑嘅事出現喺我哋仲食緊嘅時候，已經見到個日本師傅換晒衫，喺後門走咗😂😂😂全程佢係冇同我哋講句嘢㗎，亦都冇對話我哋講唔該thank you佢都唔應我哋😂真有性格！結果全餐飯，我哋係食咗50分鐘😂😂…查看更多