iamlonglong的個人專頁

用餐日期應係上年暑假,雖然日子過左好耐,但我相信呢度係一個不太多人知ge私房地方,食肆後面另有間VIP房,朋友組團十二人飯局,以海鮮為主, 一共有十個菜式~!餐前小食 : 麻辣牛肉...但完全唔辣, 偏甜, 牛肉好有咬口花竹蝦刺身...呢個係全晚最正, 唔駛點豉油wasabi, 都鮮甜爽口, 而且勁蝦味蝦頭就用黎椒鹽, 每個蝦頭都特登留多少少蝦肉, 食落仍有啖啖肉感覺蒸杉斑 & 石丁, 用料一定新鮮, 兩者我覺得石丁好味D, 可惜我嫌兩者都係蒸過左火少少重皮蟹, 好鬼爆羔三蔥炒波士頓龍蝦 : 用洋蔥, 乾蔥, 大蔥炒, 我就鍾意食蔥多過龍蝦XDDDD, 但隻龍蝦都架~! 睇下D羔幾爆!!!呢個炒飯一流, 真係粒粒乾身, 炒得好有心機!! 讚!!!!煎封超大馬友頭未試過咁大, 又咁整法ge馬友, 外皮好香好脆, 入面D肉唔會好乾其他菜式仲有....鮑魚蝦子雞絲生菜 : 其實我唔係好明點解要用生菜, 一定會出水, 影響左菜式雲耳荷葉蒸雞 : 好食…查看更多

同朋友食飯, 常試下不一樣ge齋菜, 有朋友話呢間算係印度素菜其中一間之正ge食肆,位於尖沙咀樂道一間商業大廈一樓, 入面全印度人侍應, 對答要用英文, 幸好餐牌中英對照, 仲有一本食物ge相簿俾你睇, 不過相簿D編號, 好多同餐牌ge編號唔一樣,印度齋菜都係第一次食, 幾得意, 但老實講, 我覺得樣樣野都差唔多。我地七點半左右開始食, 食到差唔多八點九, 侍應問我地仲有冇野叫, 我地話冇, 之後竟然走黎叫我地埋單, 總數$450, 唔算貴, 但好奇怪law~ 我地都冇叫埋單, 聽聞印度人食飯時間係晚上九點左右, 呢間野會好爆下, 可能想清一清檯, 或者係呢個原因啦~~呢個係印度小食Dahi Puri (乳酪炸米餅粒), 酸酸甜甜脆脆, 味道唔係一般人可以接受到, 鍾意食乳酪ge人會OKSpecial Indian Thaili (印度特式套餐), 其實真係好想搵一個識食印度菜ge朋友一齊去食, 聽佢講下呢D野點食法, 中間有兩塊煎餅, 左邊有兩舊唔知薯仔之類ge野, 配七種醬料食, 有咸有甜有酸, 麻麻地, 完全唔識食XDDDMysore Masala Dosa (辣味香料薯蓉班㦸), 呢個淨食幾好味, 冇乜辣味, 但個醬汁就唔好味, 可能唔o岩我地胃口Mysore Masala Dosa (辣味香料薯蓉班㦸), 入面係咁, 有D咖喱味薯蓉兩者賣相差唔多前: Paneer Korma (印度芝士白咖喱), 本來對呢個有D期望, 入面有D類似豆腐ge物體, 可惜個汁麻麻地, 冇乜芝士味, 又冇乜咖喱味咁;後: Paneer Kofta (印度芝士素菜餃), 成晚最好食係呢個, 汁好味, 但唔知有乜野, 我估係蕃茄、咖喱、芝士溝埋, 入面有兩舊所謂ge餃, 係D芝士粒、薯仔、唔知係咪有芋頭, 撈埋一舊野, 味道幾好, 不過好漏下Veg. Tawa Pulao (蔬菜烤黃飯), 呢個飯幾好味, 香料重, 辣味偏重少少, 可以再乾身D更好Tomato Uttappa (蕃茄班㦸), 老實講, 似中國式薄罉, 我食唔到有蕃茄呢個味道, 用黎點其他咖喱汁食, 都OK啦~Branto Special Pizza (Branto招牌薄餅), 呢個幾好味, 芝士面, 入面有粟米, 洋蔥, 青椒, 茄汁味唔重, 餅底邊脆口, 中間就淋左, 第一口食落去, 我覺得好食過pizza hut XDDD…查看更多

一個叫做幾出名ge食肆, 不過就嘈D, 可能因為室內大排檔啦~!呢度有D菜式, 幾fusion, 而且唔差,今次一行四人叫左五個小菜, 幾碗飯, 一支啤酒埋單$560東寶飲酒出名唔係用杯, 係用戰鬥碗, 名符其實唔怕你劈!! XDD醉竹絲雞鍋, 湯滾落雞, 雞好滑, 藥材味及酒味幾適中用雞鍋湯底煮粉絲後, 加D花雕酒落去, 當你啜粉絲時, 果一度花雕ge香氣會一路索入去, 感覺好香好爽!! 一定要試!!!賴尿蝦肉炒蛋白配多士, gimmick野, 賴尿蝦肉不太多, 反而蛋白炒得幾好, 唔會太老, 牛油味偏重左, 但用黎達上多士食, 就好好味~!!冬蔭功豬粉腸, 味道幾得意, 冬蔭功味十足, 唔係稀liu liu, 粉腸&脆肉瓜好食炒涼瓜, 好少可涼瓜炒得咁好食, 唔會好苦, 應該係入貨時揀過D涼瓜椒鹽鮮魷, 呢個真係渣到冇朋友, 又淋又唔夠乾身, no good!!! 係叫做用新油炸…查看更多

新派外國菜式食肆, SML意思係, 每一款食品都有大中細size你揀, 當然價錢亦唔同,o岩晒唔同人數ge朋友去, 價錢唔算貴, D野食都OK啦~! 凱撒沙拉(大) : 好食喎! 菜非常新鮮, 我鍾意佢芝士夠多, 但醬汁就少左D.touch the sky : 我只記得有blueberry成份, 飲落似利賓納, 甜到嘔, 勁抽唔推介!!!!蝦多士(中) : 雖然賣相麻麻, 黑黑地咁, 但食落OK喎~! 味道有D似炸魚蛋咁, 冇想像中咁油膩, 伴碟ge蔬菜配埋黑醋汁, 可以中和多士ge油膩感焗牛利飯(中) : 呢個好食!! 牛利切到好似金莎咁大四四方方, 又夠淋身又夠味, 個汁又好食, 如果再乾少少會更好~!燒豬柳配蕃茄水牛芝士(中) : 呢個完全唔係我想像中ge模樣, 只係幾塊豬柳上面加蕃茄, 醬汁, 芝士, 再焗, 出水又多 賣相有點求求其咁, 個蕃茄汁帶有橄欖味都OK, 但豬柳勁乾勁硬牛腹肉配薯條(中) : 四成熟, 賣相麻麻, 但幾好味喎~! 牛肉味十足, 夠淋身, 個薯條就差D~!…查看更多

平民區ge中高檔食肆, 慕名而來的一餐, 我想去好耐, 正所謂希望越大, 失望越大, 服務及食物ge處理, 似乎有好多改善空間!!!! 叫左兩個set dinner, 埋單$850左右店子地方不算大, 氣氛還算不錯頭盤 : 凍鴨批 + 華杜夫沙律 + 蟹肉慕絲..... 兩粒四四方方唔記得係乜野有機薯, 其實我覺得賣相非常麻麻, 鴨批OK啦~ 蟹肉慕絲就幾唔錯頭盤 : 加錢轉白酒煮青口, 份量十足, 都有差唔多二十隻, 足夠二人享用, 青口用左白酒, 牛油去煮, 的確好嫰, 可惜蒜蓉太多, 蓋晒青口本身味道, 我有少少覺得因為D青口本身不太靚, 所以先用咁多蒜蓉餐湯 : 香橙甘筍忌廉湯, 好香好清淡, 唔鍾意食太濃味ge人會鍾意, 唔知服務員係咪善忘, 麵包並冇跟任何牛油之類物體餐湯 : 加錢轉黑松露磨菰湯, 中間白色一團係蛋白, 可以攪勻, 湯味同之前香橙甘筍湯係一個強烈對比, 味道好濃, 入口覺得好好飲, 黑松露磨菰料十足, 細細粒, 啖啖料&湯, 好豐富, 但飲飲下就覺得咸。同樣地, 麵包都係冇跟牛油。主菜 : 此店主打招牌菜, Dry age肉眼扒, 可能店員真係善忘, 我要四成熟, 竟然煮左七成, 我太太個主菜就要七成, 但就煮左四成, 一定係調轉左啦~ 我入口已覺有點兒唔對路, 問一問侍應是否四成, 我好肯定當時侍應沒有細心睇, 便答我係, OK~~~ 你話係就得~! 之後我差唔多食完時, 切晒兩份主菜一舊肉出黎, 再叫侍應黎確認, 這時, 侍應先話佢地搞錯!!! 似乎太不老實吧~!!講返個主菜 : 賣相OK~! 七成熟, 老實講, 我有少少覺得食緊大家樂ge扒, 當然, 不至於咁差, 牛肉味都有的, 但心裡的確唔舒服, 對呢份野已大大扣分, 反而配菜好唔錯, 薯角好好味, 好似食珍珍薯片咁!這就是所謂ge四成熟, 唉~! 失望!!!主菜 : 七成變四成ge 鵝肝汁紐西蘭牛柳, 冇乜特別, 都OK好食是日甜品 : 朱古力brownie, 另一份加錢轉朱古力心太軟, 都OK, 冇乜特別…查看更多

第一次食法國fusion菜, 足足食左五粒鐘, 好耐好耐都未試過一餐飯裡面, 幾乎每一道菜都要慢慢dap清楚, dap真D。如果死前想做隻飽鬼, 食飽呢餐後, 絕對唔想死 XDD自己買左兩支法國Languedoc白酒, 年產20000支, 話會有蜜糖味 & 花香味, 我真係唔識飲, 不過支酒每食完一道菜再飲, 都有少少唔同味, 幾豐富。(要收開瓶費)魚生拼盆, 平凡中ge不平凡, 順時針由牡丹蝦開始, 劍魚, 三文魚, 鮫魚, 左口魚邊, 海膽墨魚, 紅衫....特別抽幾種講下牡丹蝦: 非常鮮甜, 質感唔同出面食果D, 可以用特大甜蝦去形容。蝦頭之後拎去炸, 估唔到個蝦頭可以成隻趙, 感覺好似食鮮蝦片咁, 蝦頭內ge羔又多, 頂! 有少少後悔冇影到相。左口魚邊: 我食第一件時, 乜醬都唔點, 油脂十足, 果種鮮魚味last好耐, 我到而家都唔知點形容好, 有少少罐頭吞拿魚, 但又唔係好似, 總之好得! 第二件我點柚子醋, 嘩~ 原來係再突出左口魚ge味道, 得得得得!紅衫魚: 第一次食, 心諗紅衫魚, 都唔科好食, 第一啖食落去, 意外地鮮甜, 好好好食。海膽墨魚: 似乎冇乜特別, 因為只要夠新鮮一定好食, 不過, 佢入面配左塊紫蘇葉, 呢個先精粹! 有少少薄荷味ge感覺。半打生蠔, 老闆親自介紹左每隻名稱, 不過, 好老實, 我唔會記得 XDDDD 生蠔雖然都好食, 不過佢俾其他菜式比下去, 因為其他菜式真係好食!!西班牙36個月黑毛豬火腿: 呢個初初上桌時, 心諗一定乾爭爭又咸又盛, 點知我又錯!!! 一片唔係好大, 但每片都再切一小片出黎咀嚼, 質感un un地, 估唔到油脂好適中, 火腿味重之餘, 但唔太感, 唔需要好似parma ham咁, 配蜜瓜食, 淨食已好得, 唔好睇佢得果幾塊仔, 我地兩個人食左差唔多廿幾分鐘, 因為真係慢慢dap!! 爽!!!!燒乳豬: 招牌菜之一, 用上越南豬仔, 皮下過多脂肪會整走, 脆皮非常, 係有漏果種感覺, 但呢種漏係令你唔想停口, 即係等於D白汁芝士, 好多人明知漏, 但都停唔到口, 話個脆皮好食, 我更欣賞佢下面D肉, 好鬼死香, 又淋又唔乾身, 肉汁好豐富, 有少少羊架果種羶味, 但又未到咁濃, 配埋D黑醋汁沙律同甜薯仔, 好食到冇朋友, 必食必食!!! (需預訂)牛肉他他多士: 生牛肉溝左香料及醬, 用黎搽上多士面食, 牛肉係好滑, 味道酸酸地, 有少少沙律醬及蕃茄味, 稍嫌冇左牛肉味道, 但幾得意~!法式鴨腿煲仔飯: 第一次食外國式ge煲仔飯, 用左法國臘鴨& Ham去做, D料好鬼十足, 每一啖都保證有飯有肉, 味道偏咸, 可能洋蔥再多少少會好D, 仲有種唔知係果皮定花椒八角ge味, 飯好乾身, 唔錯唔錯!雪糕蘋果酥: 當然唔少得甜品, 底部個蘋果酥好得好得, 有合桃味, 蘋果味, 酥底質感煙煙un un, 有咬口, 不太甜, 配埋個雪糕一齊食, 一個絕字!! 可惜呢個係是日甜品, 可遇不可求。…查看更多

朋友生日飯, 選擇食日式放題,呢間同大部份日式放題差唔多, 勝在地方舒式好坐, 而且唔分時段, 鍾意食幾耐都得, 有每位 $188 & $298 兩種價錢,$298 有鵝肝, 黑豚, 駝鳥肉, 長腳蟹係任食, 刺身會多款少少 但我地揀左$188每四位會送sake / 牛油燒帶子 / 海膽一板侍應生服務好好, 值得一讚~!招牌手打烏冬沙律 : 每位都可以任揀一個頭盤, 呢個烏冬好彈牙, 唔錯日式牛肉火鍋 : 配蕃茄湯底, 湯底好正, 令D牛肉 & 菜都好好味, 搞到要返兜多次刺身 : 好新鮮海膽 : 雖然唔算好大板, 但都新鮮 & 鮮甜天婦羅就麻麻地, 尤其果個咩咩炸芝士, 槳住晒個口, 難食!!蜆湯 : 都算鮮甜羊鞍 : 味道其實唔錯, 不過太肥sake : 另叫$98/ 500ml燒帶子 : 好細粒, 同埋乾左少少, 一般啦~燒豬頸肉 : 好硬頸, 麻麻~燒雞軟骨 : 冇乜特別, 一般啦~牛脷 : 我就覺得冇乜特別, 因為好多時牛脷都會好食, 但朋友就話超正壽司卷物 : 就真係好渣~!...D飯好易散, 壽司ge三文魚, 同刺身ge三文魚, 根本係兩回事手卷 : 幾好, 我地叫左蔥花吞拿魚, 海膽, 軟殼蟹三催四請蟹子沙律 : 三催四請係我加落去, 因為真係催左好多次先黎…查看更多

今日放假,老婆同我去九龍城食lunch~諗都唔諗就去好出名ge清真牛肉館,亞媽話我細個果陣成日都食,我真係冇乜印象,於是今日食佢一食,到左舊舖之後, 要等位, 都要等成三四個號碼,跟住見到張告示, 原來有間分店,於是去分店睇睇,新店大好多~~去到即刻有位,兩個人唔食得多, 所以叫左好少野....咖喱牛腩其實應該食咖喱羊腩,但老婆唔食得太羶, 所以叫牛腩,牛腩死實實, 好唔得~!咖喱汁好一般, 而且偏咸蔥油餅呢個幾唔錯~!蔥花夠多夠香夠味, 而且唔油膩本來諗住用佢黎點咖喱食,點知原來齋食仲正~!羊肉小籠包黎到呢度唔食羊肉好似周身唔聚財咁,於是叫左呢道菜,肉汁豐富, 咸左少少, 但饀料羶味十足, 嗜羊者一定鍾意必食ge牛肉包幾道菜最好食確係呢個,湯汁豐富到射死人,牛肉饀都好食, 但都係咸左少少 (我覺得呢間野長期食的話, 對腎&肝不太好)同埋好油下~~…查看更多

呢間野講左成年話要去, 今次終於成行... 一共三個人...由於我地預先冇訂位, 去到都要稍等, 等左大約五分鐘, 我之前都參考過呢度D食評, 因為係明星名人鍾意去ge食肆, 所以都幾cap水, 好多人去過都話佢扼錢搵笨... 其實, 你唔好叫時價野, 又不算太貴, 或者可以睇睇我食左D 乜先... 六小福拼盆 $178 (勁抽推介) 包括有: 白灼油菜, 白灼海蜇, 白灼魷魚, 白灼豬肚, 白灼粉腸, 白灼豬利 一道膽固醇都好勁ge菜式, 而且份量唔少, 適合四至五人, 當中海蜇尤其出色, 佢唔係一條條架, 係一大塊一大塊, 正到冇朋友, 仲有魷魚, 淋得黎, 咬落去好似大菜糕感覺, 都係好鬼正~!!! 其他果D都好食, 不過我鍾意呢兩款多D, 下次再去的話, 可以散叫, 每款$30 油鹽水浸蜆 $88 話係必試菜式之一, 但我就覺得一般, 可能俾之前及之後ge菜式比左下去, 湯底係糊椒魚湯底, 都幾好, 但蜆應該養得唔夠時間, 仲有沙吐唔晒果皮清蒸泥猛仔 $98 (勁抽推介) 呢道我覺得係好抵食, 因為量多之餘, 佢係用深海泥猛仔, 而且蒸得岩岩好, 我都食左四條, 超滿足!!!! 鴨脾上湯河粉 $42 (勁抽推介) 湯底好正, 河粉好幼滑, 但可能有人覺得太淋, 一pat pat, 鴨脾好食, 但就冇乜特別, 老婆叫左個叉燒湯河, 另一朋友就叫左淨湯河,下次再去的話, 叫淨上湯河粉都夠了~!加埋酒水茶芥埋單約$7xx~ 都係$2xx一位, 我覺得都OK喎~! 野食好味, 食得好開心又滿足!!…查看更多