artanv的個人專頁

本身我作為街坊都支持咗佢地好多年點知間店愈嚟愈囂先講落order 我未話坐低 我話落咗order先轉頭返嚟堂食佢叫我量晒體溫同入晒安心先我話我轉頭番嚟先做佢好臭串咁講「做咗先比叫 你唔做咪一陣返嚟先叫囉」 , ok 我做咗先跟住出去買轉嘢返嚟 佢叫我做多次 ...好心講咗我已經做咗啦喎 , 唔得， 要做多次，啱啱還啱啱👍🏻犀利跟住坐低，有細小強喺張枱行過，大家自行想像環境碗嘢嚟到嘅時候直接用手指掂晒入個碗入面加價加到好誇張，呢個我都算但味道真係差咗好多，椰菜餃啲肉有臭味紫菜豬肉啲味都係好怪總之完全冇以前水準最後我想講唔想做咪快啲退休執柒咗佢囉把口臭到 態度衰到嚟食嘢嚟受氣架咩唔會再有下次 寧願去遠少少食餃子都唔想再睇人面口做人…查看更多

是咁的， 我見到佢地有個優惠買一送一好老實講，對於呢啲我都係抱住冇希望嘅心態去試，結果係兩個字「後悔」我地話晒都叫食個最貴嘅餐「雨」坐低嚟咗個頭盤刺身+和牛刺身個樣見得下人嘅，食落去都ok令我有少少期待（少少姐）之後就到頭盤嘅牛都真係唔錯 雪花幾靚落口都有溶嘅感覺之後....就冇之後了因為我前前後後再叫多8份和牛吹咗3-4次只係嚟過1次仲要係我cut單前最後5分鐘嚟 真係唔該晒佢😌😌😌😌😌😌其他非和牛食品，幾本你可以講係秒上但我可以話啲質素差到嘔先講其他牛，啲大細，細過你兩隻手指拍埋一齊嘅粗度，然後薄切，完全冇牛味啲芝士醬，得水味，我唔知佢地係咪冇食過芝士啲刺身，除咗頭盤厚切+大塊之外，得番薄切，細過一個一蚊雞嘅大細😉，然後切工都係9切，啲根完全冇諗過切走然後就係咁，我今次剩係食咗頭盤同尾盤嘅和牛中間都係食埋啲垃圾牛佢仲要幾次都話師傅整緊啲和牛，但我想講成間店得嗰2-3枱客都整唔切？咁你開嚟做乜？最後我真係可以講，人唔可以貪心所謂買一送一真係唔好亂信呢間都算係我人生中食過數一數二嘅伏😀留意返（以下係其中一part我叫過嘅牛，當然係一次都冇嚟過🤫）兩個人承惠826如果真係食到和牛就抵嘅🤫…查看更多

第一次寫食評 因為真係太特別 忍唔住開左個ac星期日幫媽媽慶祝生日咁就訂症鐵板燒六位然後我地早左少少到 門口出面已經企滿人我諗應該都係食放題（之前其實係想訂呢個）然後佢地都提前左5分中開門 所以話日本餐廳永遠係最準時 有早無遲！哈哈好快咁安排左我地坐低 侍應放低茶同menu但無可奈何 我地望一望menu真係無從入手始終第一次食鐵板燒然後鐵板師父都出埋黎 咁就問我地想食咩我地梗係話咩都想試下XD最後係佢推介下 我地叫左三個海鮮餐（有龍蝦既但唔記得咩名）三個日本和手餐同埋一個壽司拼盤for小朋友係期待師父點整比我地之間 已經逐道逐道咁出晒前菜 剌身 唔快唔慢 岩岩好食完一樣黎一樣終於師父開始炒野 哇 即刻成個場香噴噴咁師父都好識做咁將海鮮餐和牛餐mix晒埋一齊 等我地咩都有得試下 真係好開心然後海鮮分別食左炒帶子 蠔 銀雪魚講真 食海鮮最驚就係腥 但呢個真係完全冇仲好鮮味 食落去又有口感 總之好香之後到龍蝦 咁我地每人半邊 龍蝦我本身見佢新鮮放出黎好細隻諗住冇咩肉 錯晒！佢真係成邊都係肉仲要好多膏 真係食到成家啜啜聲 哈哈！重點牛肉黎啦 大家都好期待成日話日本和牛幾好味咁 師父全部整左5成熟比我地 佢話咁樣先係最顯得出個牛味咁食一舊落口 即溶！可能真係我見識少 我未食過咁好味既牛 加埋佢個汁 真係一流 就算見晒紅 食落去完全冇問題 冇生味成程我地都食得好開心 有讚無彈然後師父又得閒陪我地傾下計又玩左個鐵板搶火表演 好精彩 搞到我地好開心其實真係食野最緊要有好既service呢到完全做到 仲要野食都好好味不過缺點係 有d遠 又唔近尖東站又唔近紅磡站而且想食放題一定要提前訂位 唔係話前兩日就一定有位！！！ 我就經常都無緣放題Btw 會黎第二次一定！…查看更多