小青書的個人專頁

有日咁岩行過呢棟大廈見到有新鋪就去試左呢間麵麵，有驚喜！我本身比較鐘意d魚湯底既粉麵，所以就去試下，而佢呢間有魚湯麵之外仲有其他野食既，但我當然就嗌左魚湯麵啦！佢個麵係有兩款，一款係雪白魚麵，一款係手工魚麵，我同我男朋友一人試左一款，我就係手工，我覺得手工麵係好彈牙好爽口，點知雪白個隻更加爽口，爽到好似唔係食緊麵咁，所以我就比較鐘意手工麵多d既。佢本身個湯底魚味比較清，但又唔會冇魚味。而且佢有個辣醬跟，但其實就唔辣既，只係用黎加重個湯底。而跟餐個餸就正常水準啦。我個個就嗌左牛油雞翼，即炸，都幾新鮮。總結黎講對於喜歡食魚湯底既人會鐘意！…查看更多

呢間cafe身處係工廠大廈入面，但其實一d都唔難搵，係地鐵站出黎好快就行到去。而且門面裝修都幾靚。而我地有6位，所以都有一張大圓枱住。到野食啦，佢野食既選擇其實唔係太多，tea好似都係得一款，而我地係tea既時間都係嗌左全日既menu入面既野食黎食，因為個menu會多野食d。我地嗌左牛排，意大利飯，窩夫，心太軟，香蕉芝士蛋糕等等。講左主食先，我地本身個牛叫左五成，但切左落去其實同全熟差唔多，都幾難咬。而個飯就幾好既，黑松露個味都幾出，而且都幾大碟。而甜品方面就唔錯，值得一講既係香蕉芝士蛋糕，佢個蕉味好重，芝士味就唔係太多，試完就算，唔會有下次。但係我地其中一杯野飲入面發現有條頭髮，雖然佢地都立刻換左比我地，但點都係覺得有d核突。而且窩夫個雪糕嗌左兩個味個兩個味都係黎錯左，呢方面有待改善。整體黎講都可以試試，環境比食物質素可取。…查看更多

係銅鑼灣嘅大街大巷，有一間小小嘅鋪頭仔係賣點心而唔係化妝品藥房，已經好值得入去試下所以就入左去食返個豐富嘅早餐。我地兩個人都嗌得幾多，六個點心，但味道都唔錯！蝦餃燒賣就基本飲茶必嗌嘅野食黎嘅，咁除左呢兩樣，仲嗌左雪山叉燒包，流沙奶皇包，春卷，等等，都係飲茶常食啲野。而所有野食都好高質素，熱辣辣上枱。而我覺得最值得推介嘅就係流沙奶皇包！佢包皮唔厚，咬一啖仔就爆哂啲奶皇出黎，而且奶皇唔算好甜！真係好值得一試而另外個雪山叉燒包係用菠蘿包皮做面，好脆口，都十分推介！總結黎講，呢間可以常去！…查看更多

難得入到西貢，就試下新野。見到呢間好似比較local，但又係泰國野，所以就入去試下啦。我地兩個人嗌左個豬頸肉炒菜，冬陰公金邊粉，同埋串燒。個豬頸肉炒菜好好食，啲汁好入味，如果加埋白飯就更加好啦。但我地食唔哂所以就無問到啦個冬陰公湯底都唔錯，但係如果可以有一碗細嘅冬陰公湯飲就更加好啦。而個串燒有豬牛雞三款，沙嗲醬，雞同豬都唔錯，但係個牛比較難咬。所以如果我再嗌就唔會叫牛啦。整體質素都唔錯，可以試吓嘅…查看更多

返工lunch time行左去金鐘搵野食，見到呢間個門口幾吸引就入左去。佢lunch set既野食都貴少少，差唔多100＄一個lunch。而我就叫左個沙律同個咖哩豬排飯。野食都上得幾快，而且職員都好有禮貌。而個沙律就好正常既日式麻醬，冇咩特別。而個咖哩豬排飯，d咖哩都幾甜，係我鐘意既日本咖哩，唔算太辣，個豬排都係即炸，都幾脆口。但整體上只係一般，可能我冇叫魚生，如果只係以lunch既話就有少少貴，而水平只係一般。…查看更多

灣仔一個唔多人嘅商場仔，同層都有幾多野食，企見呢間係台灣野就入左去試一試。唔洗等位而且都幾多位淨，整體黎講都幾少人。而鋪面都乾乾淨淨的。我同朋友嗌左二人餐（好似係花蓮餐定台北餐）如圖粉皮太辣，我以為係冷盤，但點知最後先上，都唔係幾想食。而且啲粉皮好似浸左好耐咁，太爛，呢個一般。滷味，一般，無咩特別，味道都係好一般，雞翼唔夠入味。炸蓮藕餅，呢個幾好食！熱辣辣咁上枱，個蓮藕味好濃，炸得好香。最好食係呢個！仲有杯野飲都係偏甜，飲左幾啖真係覺得太甜無飲lu服務態度值得一讚，佢地會企係附近等你嗌佢落單，同埋都好好禮貌。整體，適合對要求台灣野食唔高的人同唔想係食飯時間排隊的人。…查看更多